Հարգելի՛ դասախոսներ, տեղեկացնում ենք, որ 2020թ. սեպտեմբերի 10-ին և 11-ին  ԵՊՀ ԻՄ-ի տեղեկատվական համակարգերի սպասարկման և զարգացման բաժնի կողմից իրականացվելու է «Աշխատանքը Zoom հարթակում» թեմայով վերապատրաստում:

Վերապատրաստմանը մասնակցելու համար մինչև  սեպտեմբերի 9-ը ներառյալ կարող եք գրանցվել հետևյալ հղումով:

Հարցերի դեպքում կարող եք զանգահարել  094 40 60 32  հեռախոսահամարով:

Ուսման վարձավճարի ամսական վճարման կարգի մասին ԵՊՀ ռեկտորի ժամանակավոր պաշտոնակատար Գ.Գևորգյանի ստորագրած հրամանի համաձայն՝ ԵՊՀ-ի բոլոր (այդ թվում՝ ԵՊՀ ԻՄ-ի) ուսանողներն իրավունք ունեն կիսամյակի համար սահմանված ուսման վարձավճարը վճարելու ընթացիկ կիսամյակի 4 ամիսների ընթացքում (1-ին կիսամյակում՝ սեպտեմբեր, հոկտեմբեր, նոյեմբեր, դեկտեմբեր, 2-րդ կիսամյակում՝ փետրվար, մարտ, ապրիլ, մայիս)՝ յուրաքանչյուր ամիս վճարելով տվյալ կիսամյակի համար սահմանված վարձավճարի առնվազն 25 տոկոսը:

Ուսանողները պետք է ընթացիկ ամսվա համար սահմանված ուսման վարձավճարի համապատասխան մասը վճարեն ԵՊՀ ԻՄ-ի բանկային հաշվեհամարին մինչև տվյալ ամսվա 10-ը: Տվյալ ամսվա համար սահմանված չափով կամ նախատեսված ժամկետում ուսման վարձավճարը չվճարելու դեպքում ուսանողը կարող է հեռացվել բուհից:

Ուսման վարձավճարը կարող եք վճարել նաև առցանց՝ Ձեր բանկի հավելվածը ներբեռնելու, ինչպես նաև «iDram» վճարային համակարգի օգնությամբ:

Ստորև ներկայացնում ենք ԵՊՀ Իջևանի մասնաճյուղի բանկային վավերապայմանները:

ԵՊՀ Իջևանի մասնաճյուղի անունից սիրով շնորհավորում ենք Կիրառական արվեստի ֆակուլտետի դեկանի պաշտոնակատար, Ընդհանուր մաթեմատիկայի և բնագիտության ամբիոնի ասիստենտ, ֆիզիկամաթեմատիկական գիտությունների թեկնածու Ալեքսան Մարգարյանին` ծննդյան 50-ամյա հոբելյանի կապակցությամբ:

Հարգելի՛ պարոն Մարգարյան, մաղթում ենք Ձեզ քաջառողջություն, երջանկություն, անսպառ եռանդ, բազում հաջողություններ ու ձեռքբերումներ աշխատանքում և  անձնական կյանքում, ամենայն բարիք:  

Հարգելի՛ ուսանողներ և դասախոսներ, ինչպես արդեն տեղեկացրել էինք, 2020թ. սեպտեմբերի 1-ից դասապրոցեսը կմեկնարկի միայն բակալավրի առաջին կուրսի ուսանողների համար: Մյուս բոլոր ուսանողների համար դասերի մեկնարկը կտրվի սեպտեմբերի 15-ից:

Սեպտեմբերի 1-3-ը  1-ին կուրսի ուսանողները պետք է  ԵՊՀ ԻՄ ներկայանան  հետևյալ ժամանակացույցով.

Ուսանողական-3 հասցեով

Սեպտեմբերի 1-ին

 ժամը 9:30

«Ֆինանսներ» 1-ին կուրս

             ժամը 9:45

«Տարրական մանկավարժություն և մեթոդիկա» 1-ին կուրս

«Պատմություն» 1-ին կուրս

«Ռուսաց լեզու և գրականություն» 1-ին կուրս

Սեպտեմբերի 2-ին

ժամը 9:30

«Զբոսաշրջություն» 1-ին կուրս

 ժամը 9:45

«Հայոց լեզու և գրականություն» 1-ին կուրս

«Հոգեբանություն» 1-ին կուրս

Սեպտեմբերի 3-ին

ժամը 9:30

«Անգլերեն լեզու և գրականություն» 1-ին կուրս

«Ֆրանսերեն լեզու և գրականություն» 1-ին կուրս

Ուսանողական-1 հասցեով

Սեպտեմբերի 1-ին

ժամը 9:30

«Ինֆորմատիկա և կիրառական մաթեմատիկա» 1-ին կուրս

«Դեկորատիվ-կիրառական արվեստ» 1-ին կուրս

ժամը 12:00

«Դիզայն» 1-ին կուրս

Առաջին կուրսի դասացուցակները, ըստ ֆակուլտետների, կարող եք տեսնել ԵՊՀ ԻՄ-ի պաշտոնական կայքէջում.

1. Հումանիտար գիտությունների ֆակուլտետ 
2. Տնտեսագիտության ֆակուլտետ 
3. Բնական գիտությունների ֆակուլտետ 
4. Կիրառական արվեստի ֆակուլտետ 

Հարգելի՛ ուսանողներ և դասախոսներ, ՀՀ ԿԳՄՍ նախարարության  ֆեյսբուքյան պաշտոնական էջից տեղեկանում ենք, որ պարետատան հետ քննարկելով՝ որոշում է կայացվել վերսկսել դասապրոցեսը նաև բուհերում:

2020թ. սեպտեմբերի 1-ին դասապրոցեսը կմեկնարկի միայն բակալավրի առաջին կուրսի ուսանողների համար: Դասերի մեկնարկի կարգի և դասացուցակների մասին լրացուցիչ կտեղեկացվեք ԵՊՀ ԻՄ-ի պաշտոնական կայքէջի միջոցով:

Մյուս բոլոր ուսանողների համար դասերի մեկնարկը կտրվի սեպտեմբերի 15-ից:

Բուհերի ղեկավարների հետ հանդիպելով՝ արձանագրվել է, որ բուհերն իրենք են որոշելու դասապրոցեսի կազմակերպման կարգը` այն իրականացնելով տարբեր եղանակների (առկա և առցանց) զուգորդումով:

Միևնույն ժամանակ ՀՀ ԿԳՄՍ նախարարությունն ամրագրում է, որ  հակահամաճարակային կանոնների որակյալ պահպանումը դասապրոցեսի անընդհատության ապահովման գրավականն է, և զգուշացնում, որ այս ամենին պատշաճ չվերաբերվելու դեպքում սահմանափակումներն անխուսափելի են:

Դասացուցակները և դասապրոցեսի հետ կապված այլ մանրամասներ առաջիկայում կհրապարակենք ԵՊՀ ԻՄ-ի պաշտոնական կայքէջում: