Հայաստանի գիտության և տեխնոլոգիաների հիմնադրամը (FAST) մեկնարկել է Հայաստանում աննախադեպ դրամաշնորհային ծրագիր` ADVANCE STEM Research Grant Program:

ADVANCE դրամաշնորհային ծրագրի նպատակն է Հայաստան բերել առաջատար մասնագետների փորձը ԳՏՃՄ ոլորտներում։ Ծրագիրը կամուրջ է միջազգային հեղինակավոր գիտնականների և Հայաստանի հետազոտական խմբերի միջև նորարարական հետազոտական ծրագրերի վրա աշխատելու համար։ Հետազոտական խմբերը կձևավորվեն ընտրված 3-5 թեկնածուներից։ Ծրագրի առաջին փուլի ընթացքում կտրամադրվեն 3 դրամաշնորհներ հետևյալ թեմաների ուղղությամբ երկարաժամկետ հետազոտություն իրականացնելու համար՝

• Կենսատնտեսություն` Biotechnology – towards a sustainable circular bioeconomy Գիտնական՝ պրոֆեսոր Կարապետ Անդրանիկյան Համբուրգի տեխնոլոգիական համալսարան (Գերմանիա)
• Նոր նյութեր` Stable perovskite materials for solar energy Գիտնական՝ դոկտոր Խաչատուր Մանուկյան Նոթր Դաﬕ համալսարան (ԱՄՆ)
• Մեքենայական ուսուցում` Statistical analysis of machine learning algorithms (SAM-lab) Գիտնական՝ պրոֆեսոր Առնակ Դալալյան Փարիզի վիճակագրության և տնտեսագիտության կառավարման ազգային դպրոց (Ֆրանսիա)

ADVANCE դրամաշնորհային ծրագրի բոլոր մանրամասներին և դիﬔլու ընթացակարգին կարող եք ծանոթանալ՝ այցելելով FAST հիմնադրամի պաշտոնական կայքէջ։

Դիմումներն ընդունվում են մինչև ապրիլի 26-ը ներառյալ։

Հարցերի դեպքում կարող եք գրել programs@fast.foundation էլեկտրոնային հասցեին։

ԵՊՀ-ում ավարտական աշխատանքները կպաշտպանեն «Moodle» և «Zoom» հարթակների միջոցով,- ապրիլի 17–ին NEWS.am-ի հետ զրույցում ասաց ԵՊՀ մամուլի խոսնակ Գևորգ Էմին-Տերյանը:

«Քննությունների հարցը դեռ քննարկման փուլում է։ Վաղը մենք մամուլի հաղորդագրություն կտարածենք»,– ասաց նա։

Նշենք, որ  կորոնավիրուսով պայմանավորված՝  ԵՊՀ–ում դասընթացները նույնպես անց են կացվում առցանց հարթակների միջոցով։

ԵՊՀ ԻՄ-ի հեռակա ուսուցման համակարգի ուսանողներին տեղեկացնում ենք, որ ուսման վարձի մասնակի փոխհատուցման վերաբերյալ դիմումները կընդունվեն ս.թ. ապրիլի 30-ից մինչև մայիսի 6-ը ժամանակահատվածում էլեկտրոնային տարբերակով՝ ccourse_ib@ysu.am հասցեով։

ՀՀ-ում հայտարարված արտակարգ դրությունից ելնելով՝ ԵՊՀ Իջևանի մասնաճյուղը ուսման վարձերը չվճարած ուսանողներին թույլ է տալիս այս ընթացքում մասնակցելու ուսումնական գործընթացին՝ իրականացվող հեռավար դասերին:

Միաժամանակ տեղեկացնում ենք, որ հնարավորության դեպքում ուսանողները կարող են վճարել հիմա՝ խուսափելով պարտքեր կուտակելուց։

Ավարտական կուրսերի ուսանողներն ուսման վարձերը պետք է վճարեն ավարտական աշխատանքների նախապաշտպանությունից առաջ:

Ուսման վարձավճարը կարող եք վճարել առցանց՝ Ձեր բանկի հավելվածը ներբեռնելու, ինչպես նաև «iDram» (https://www.idram.am/) վճարային համակարգի օգնությամբ:

Ստորև ներկայացնում ենք ԵՊՀ Իջևանի մասնաճյուղի բանկային վավերապայմանները: