«ԵՄ-ն հանուն երիտասարդության՝ hմտություններ ապագայի համար» ծրագրի շրջանակներում «Սեյվ դը չիլդրեն ինթերնեշնլ» կազմակերպության հայաստանյան ներկայացուցչությունը և «ՕքսԵՋեն» հիմնադրամն իրականացնում են «Անձի զարգացման համընդհանուր հմտություններ» խորագրով դասընթացաշար, որին կարող են դիմել Հայաստանում բնակվող, աշխատանքային հմտությունների ու անձնային որակների զարգացմամբ հետաքրքրված 16-30 տարեկան երիտասարդները:

«ԵՄ-ն հանուն երիտասարդության՝ հմտություններ ապագայի համար» տարածաշրջանային ծրագիրը (2018-2020 թթ.) իրականացվում է Եվրոպական միության ֆինանսավորմամբ հետևյալ երեք երկրներում՝ Հայաստան, Վրաստան և Ուկրաինա։ Ծրագիրը Հայաստանում իրականացվում է «Սեյվ դը չիլդրեն ինթերնեշնլ» կազմակերպության հայաստանյան ներկայացուցչության կողմից՝ ՕքսԵՋեն երիտասարդների և կանանց իրավունքների պաշտպանության հիմնադրամի հետ համագործակցաբար: Ծրագրի նպատակն է զարգացնել Արևելյան գործընկերության անդամ երեք երկրների երիտասարդների, այդ թվում` խոցելի խմբերի երիտասարդ ներկայացուցիչների ձեռնարկատիրական ներուժը և բարելավել նրանց մրցունակությունն աշխատաշուկայում։

Դասընթացաշարի նպատակն է ընձեռել ինքնազարգացման և ինքնաներկայացման հնարավորություններ ՀՀ տարածքում բնակվող երիտասարդներին, զարգացնել նրանց զբաղունակությանը նպաստող հմտությունները, նպաստել համագործակցության նոր հնարավորությունների ձեռքբերմանը և նրանց աշխատանքային ու մասնագիտական առաջընթացի ապահովմանը: Դասընթացաշարի թեմաները ներառում են կարիերայի զարգացում, թիմային աշխատանք, հաղորդակցման, կազմակերպչական ու հարակից հմտությունների, ստեղծագործական մտքի, նախաձեռնողականության ու անձնային այլ որակների զարգացում, որոնք անհրաժեշտ են աշխատաշուկայում մրցունակ լինելու համար:

Դասընթացաշարը բաղկացած է լինելու 2 փուլից, յուրաքանչյուրը՝ 3-օրյա տևողությամբ, 2019թ. մարտ-հունիս ժամանակահատվածում: Ընտրված մասնակիցները պարտավորվում են լիարժեք մասնակցել նախատեսված 2 փուլին: Դասընթացները վարելու են հմուտ դասընթացավարներ: Դասընթացներն ամբողջությամբ իրականացվելու են հայերեն լեզվով:

Ծրագրի հիմնական ուղղվածություններից է ներառականությունը, ուստի խոցելի խմբերի, այդ թվում՝ հաշմանդամություն ունեցող անձանց, փախստականների, սահմանամերձ շրջանի բնակիչների, ուսուցման և վերապատրաստման հնարավորություններ չունեցող և գործազուրկ երիտասարդների, էթնիկ փոքրամասնությունների ներկայացուցիչների մասնակցությունը խրախուսվում է: Այս նկատառումից ելնելով՝ կազմակերպչական խումբը պատրաստ է մոտիվացված և ծրագրի չափանիշներին բավարարող երիտասարդներին ցուցաբերել համապատասխան աջակցություն՝ նրանց մասնակցությունն ապահովելու համար: Դասընթացների մասնակցությունն անվճար է, ճանապարհային ծախսերն ու կազմակերպչական այլ հարցերը կհոգան կազմակերպիչները:

Դիմումներն ընդունվում են մինչև 2019թ. փետրվարի 10-ը ներառյալ:

*ԱՆՁԻ ԶԱՐԳԱՑՄԱՆ ՀԱՄԸՆԴՀԱՆՈՒՐ ՀՄՏՈՒԹՅՈՒՆՆԵՐ – սովորաբար համարվում են ոչ թե կոնկրետ աշխատանքի, մասնագիտության, ուսումնական գիտակարգի կամ գիտելիքի ոլորտի հետ կապված, այլ հմտություններ, որոնք կարող են լայնորեն օգտագործվել տարբեր իրավիճակներում և աշխատանքային պայմաններում (IBE 2013): Դրանցից են կազմակերպչական, հաղորդակցման կամ թվային հմտությունները, ժամանակի կառավարումը, ստեղծագործական միտքը, նախաձեռնողականությունը, թիմային լինելն ու անձնային այլ որակները: Այս հմտությունների նկատմամբ պահանջն աստիճանաբար ավելի է մեծանում՝ փոփոխվող պայմաններին հաջողությամբ հարմարվելու և իմաստալից ու արդյունավետ մասնագիտական կյանք ունենալու համար:

Մասնակցության դիմումը լրացնելու համար անհրաժեշտ է անցնել հետևյալ հղումով:

 ԵՊՀ Իջևանի մասնաճյուղը սիրով հրավիրում է Տավուշի մարզի 18-30 տարեկան երիտասարդներին մասնակցելու Այ Էյ Բի Բիզնեսի Միջազգային Ակադեմիայի կողմից իրականացվող «Կոկա-Կոլա Արմենիա» ընկերության «ԵՐԻՏԱՍԱՐԴՆԵՐԻ ԶԱՐԳԱՑՈՒՄ» եռամյա ծրագրի շրջանակներում անցկացվող «Կյանքի հմտություններ» դասընթացին, որը տեղի կունենա 2019թ. փետրվարի 5-ին ԵՊՀ ԻՄ-ի դահլիճում: Սկիզբը՝ ժամը 10:00-ին:

Դասընթացի կառուցվածքը (1 օր, 6 ժամ)

* Ինքնաճանաչում և ինքնազարգացում,

* Մասնագիտական կապերի ստեղծում և ամրապնդում,

* Հետադարձ կապի հմտություններ,

* Աշխատանք փնտրելու և դիմելու հմտություններ:

Դասընթացը կանցկացվի Այ Էյ Բի Բիզնեսի միջազգային ակադեմիայի դասընթացավարի և կրթօջախի վերապատրաստված դասախոսների կողմից:

Դասընթացի ժամանակ յուրաքանչյուր 10 մասնակցի հետ կաշխատի մեկ ՄԵՆԹՈՐ (գործատուներ, ձեռներեցներ, ՀԿ ներկայացուցիչներ, դասախոսներ և այլն)։

Շտապե՛ք գրանցվել:

ԵՐԻՏԱՍԱՐԴՆԵՐԻ գրանցումն այստեղ՝ https://goo.gl/forms/5gZHplYgJTlL0Q1h2:

ՄԵՆԹՈՐՆԵՐԻ գրանցումն այստեղ՝ https://goo.gl/qE9X3W:

Հավելյալ տեղեկությունների համար կարող եք զանգահարել 098-22-82-72 հեռախոսահամարով:

 Հայաստանի ազգային պոլիտեխնիկական համասարանի Հայաստանի ազգային ճարտարագիտական լաբորատորիաները Բրիտանական խորհրդի «Ստեղծարար Միտք» Բարձրագույն կրթության ձեռներեցության ծրագրի շրջանակներում տրամադրում են Բրիտանական խորհրդի կողմից մշակված անգլերեն լեզվի անվճար առցանց դասընթացներ: Դասընթացները նախատեսված են ինչպես սկսնակների, այնպել էլ անգլերեն լեզվի որոշակի մակարդակ ունեցող անձանց համար:

Դասընթացի մասնակցության հայտադիմում կարող են ներկայացնել միայն համալսարանների ուսանողական, դասախոսական համակազմ կամ վարչական աշխատող հանդիսացող անձիք:

Ծրագրի շրջանակներում տրամադրվում է նաև ձեռներեցության թեմատիկ անգլերենի ուսուցում:

Ծրագրի շահառու հանդիսանալու համար խնդրում ենք լրացնել հետևյալ առցանց դիմում-հայտը:

Գրանցման վերջնաժամկետը սույն թվականի փետրվարի 10-ը:

Դասընթացների մեկնարկը մարտի 15-ը:

Տեղերը սահմանափակ են:

Ծրագրին ընդգրկված լինելու մասին շահառուները կտեղեկացվեն նախապես՝ էլեկտրոնային նամակով:

«Ստեղծարար Միտքը» (Creative Spark) հնգամյա նախաձեռնություն է, որը նպատակ ունի նպաստել ստեղծարար ձեռնարկատիրական կրթության զարգացմանը՝ աջակցելով այս ոլորտում Միացյալ Թագավորության և ծրագրի մասնակից յոթ երկրների, ներառյալ Հայաստանի ուսումնական հաստատությունների միջև միջազգային համագործակցության ձևավորմանը: Ծրագիրն իրականացվում է Բրիտանական խորհրդի կողմից Կենտրոնական Ասիայում (Ղազախստան, Ուզբեկստան, Ղրղստան), Հարավային Կովկասում (Ադրբեջան, Հայաստան և Վրաստան) և Ուկրաինայում: 

Մանրամասն ինֆորմացիան՝ https://www.britishcouncil.am/programmes/education/creative-spark կայքում:

Ծրահիրը իրականացվում է Բրիտանական խորհրդի աջակցությամբ:

Աղբյուրը՝ http://anel.am

 Հարգելի՛ համալսարանականներ, ԵՊՀ ռեկտոր Ա. Հ. Սիմոնյանի՝ №8936 (17.01.2019) հրամանով   հաստատվել է Երևանի պետական համալսարանի ուսանողների հեռացման (ազատման) և վերականգնման կարգը՝ համաձայն ՀՀ կրթության և գիտության նախարարի՝ 2018թ. դեկտեմբերի 17-ի թիվ 1676 հրամանով հաստատված «ՀՀ բարձրագույն ուսումնական հաստատությունների ուսանողների հեռացման (ազատման) և վերականգնման կարգ»-ի   պահանջների, որը տեղադրված է ԵՊՀ ԻՄ-ի պաշտոնական կայքի «ՓԱՍՏԱԹՂԹԵՐ»  բաժնի «ԿԱՐԳԵՐ»  էջում: