Հիմնական

featured

Հայոց ցեղասպանության վավերագրերի շուրջ գեղանկարչական, գրաֆիկական աշխատանքների և քանդակի մրցույթ

2014 թ. օգոստոսի 1-ից 2015 թ. փետրվարի 1-ը հայտարարվում է գեղանկարչական, գրաֆիկական աշխատանքների և քանդակի մրցույթ Հայոց ցեղասպանության վերաբերյալ տարբեր արխիվներից քաղված 10 վավերապատումների շուրջ:

Մրցույթին կարող են մասնակցել մասնագիտական կրթություն ունեցող, մինչև 40 տարեկան ստեղծագործողները: Նախագիծը պատրաստ է համագործակցել ավագ սերնդի արվեստագետների հետ` մրցույթից դուրս:

Կարող եք ստեղծագործել Հայոց ցեղասպանությունը վերապրած Ձեր ազգականի վկայության հիման վրա` մասնակցության հայտի հետ ներկայացնելով այն` ավարտուն շարադրված և ճշգրիտ վավերագրված:

Մասնակցության հայտերն ընդունվում են մինչև ս/թ. սեպտեմբերի 15-ը` yearslater100@gmail.com էլեկտրոնային հասցեով /նույն հասցեից դուք կստանաք Ձեր հայտը հաստատող պատասխան/: Հայտերի ամփոփումից հետո` մինչև սթ. հոկտեմբերի 15-ը, պետք է ներկայացվեն թեմատիկ աշխատանքների էսքիզային տարբերակները:

Լավագույն 20 աշխատանքները կներառվեն «Պատասխան` 100 տարի անց» պատկերագրքում, որոնցից 11-ը /յուրաքանչյուր թեմայով մեկական աշխատանք/ կցուցադրվեն Հայաստանի ազգային պատկերասրահում` նույնանուն ցուցադրության մեջ: Որոշ հեղինակների հետ անհատական հիմունքներով կկնքվեն պայմանագրեր` նրանց աշխատանքների հանրահռչակման վերաբերյալ:

Մանրամասների համար զանգահարել` 094 801606, 58 08 12 (127):

Աղբյուրը՝ http://kamartert.am

Գիտական հետազոտությունների համատեղ նախագծերի աջակցության «ՀՀ ԿԳՆ ԳՊԿ — ՀՀՌՀ — 2015» մրցույթ

ՀՀ կրթության և գիտության նախարարության գիտության պետական կոմիտեն և Հիմնարար հետազոտությունների ռուսաստանյան հիմնադրամը (ՌԴ) հայտարարում են գիտական հետազոտությունների համատեղ նախագծերի աջակցության «ՀՀ ԿԳՆ ԳՊԿ — ՀՀՌՀ — 2015» մրցույթ՝ գիտության հետևյալ բնագավառներով. բնական գիտություններ, ճարտարագիտություն և տեխնոլոգիա, բժշկական գիտություններ: Մրցույթին մասնակցելու հայտերը պետք է ներկայացվեն և՛ էլեկտրոնային և՛ տպագիր եղանակներով:

Հայտի էլեկտրոնային տարբերակը լրացվում և ներկայացվում է grants.scs.am հասցեում, 2014 թ. օգոստոսի 4-ից մինչև 2014 թ. հոկտեմբերի 14-ը ներառյալ, իսկ տպագիրը Գիտության պետական կոմիտե է ներկայացվում գիտական խմբի ղեկավարի կողմից անձամբ՝ մինչև 2014 թ. հոկտեմբերի 31-ը, աշխատանքային օրերին, ժամը 10:00-13:00 և 14:00-17:00 (հասցե՝ ք. Երևան, Օրբելի եղբայրների 22, 7-րդ հարկ, 708 սենյակ):

Մրցույթի վերաբերյալ լրացուցիչ տեղեկություններ և խորհրդատվություն կարելի է ստանալ ՀՀ ԿԳՆ գիտության պետական կոմիտեի աշխատակազմի գիտական գործունեության կազմակերպման վարչությունում՝ հետևյալ հեռախոսահամարներով՝ 210 140 +112, +115 կամ +108:

 

Մրցույթի հրավերի փաթեթ

ՀՀ ԿԳՆ գիտության պետական կոմիտե

2013-14 ուստարում մասնաճյուղի դասախոսները հեղինակել են մեկուկես տասնյակ գրքեր

2013-14 ուստարում մասնաճյուղի դասախոսները հեղինակել են 15 գիրք` 6 մենագրություն, 5 ուսումնամեթոդական, 4 ուսումնական ձեռնարկ:

Ստորև ներկայացնում ենք գրքերի ցանկը` ըստ ամբիոնների.

Բարձրագույն մաթեմատիկայի և ինֆորմատիկայի ամբիոն.

1. Այվազյան Կ. Բ., Մաթեմատիկա հումանիտար մասնագիտությունների համար, ուսումնական ձեռնարկ, Երևան, ԵՊՀ հրատ., 2014, 135 էջ:

2. Ճաղարյան Մ. Ա., Տվյալների կառույցներ, ուսումնամեթոդական ձեռնարկ, Երևան, ԵՊՀ հրատ., 2014, 85 էջ:

Անտառագիտության ամբիոն.

3. Գ. Ս. Սիմոնյան, Ա. Ա. Թութունջյան, Ջրերի գլխավոր իոններ և լուծված գազեր, ուսումնամեթոդական ձեռնարկ, Երևան, ԵՊՀ հրատ., 2013, 72 էջ:

Պատմության և քաղաքագիտության ամբիոն.

4. Նահապետյան Ռ., Ազգագրական տեղեկությունները Փ. Բուզանդի «Հայոց պատմություն» երկում, մենագրություն, Եր., Հեղինակային հրատ., 2013, 149 էջ (Հնագիտության և ազգագրության ամբիոն) :

5. Ներսիսյան Ա. Ա., Հ. Յ. Դաշնակցութեան պատմութիւն /1908-1918/, հատոր Գ, մենագրություն, Բեյրութ, «Զավարեան մատենաշար», 2013, 350 էջ (Հայոց պատմության ամբիոն):

6. Ներսիսյան Ա. Ա., Զորավար Սեպուհ, մենագրություն, երկրորդ լրամշակված հրատարակություն, Երևան, «Էդիթ Պրինտ» հրատ., 2014, 340 էջ: (Հայոց պատմության ամբիոն):

Հայոց լեզվի և գրականության ամբիոն.

7. Վանյան Հ. Ս., Ավետիք Իսահակյանի չափածո և արձակ լեգենդները, մենագրություն, Երևան, «Տիր» հրատ., 2014, 176 էջ:

Մանկավարժության և հոգեբանության ամբիոն.

8. Մանուկյան Ա. Մ., Պրոբլեմային իրավիճակներում մանկավարժական խնդիրների լուծման ժամանակակից տեխնոլոգիաներ և տեխնոլոգիական համակարգեր /կիրառական մանկավարժություն/, մենագրություն, Երևան, «Զանգակ – 97» հրատ., 2013, 300 էջ:

9. Բրուտյան Վ. Ա., Ընդհանուր և զինվորական մանկավարժության բառարան -տեղեկատու, ուսումնամեթոդական ձեռնարկ, Վանաձոր, «ՍԻՄ» տպագրատուն, 2013, 160 էջ:

10. Саргсян Д. Ю., Проблемы психологической безопасности личности: теоретические и экпериментальные проблемы /соавтор/, образовательно-методическое пособие, Ереван, Издательство ЕГУ, 2013, 136 с.

Օտար լեզուների ամբիոն.

11. Էվինյան Ս., Աբրահամյան Ս., Թեմրազյան Է., Ուսումնական ձեռնարկ հոգեբանության բաժնի ուսանողների համար, Երևան, ԵՊՀ հրատ., 2014, էջ 247:

12. Թեմրազյան Է., Էվինյան Ս., Աբրահամյան Ս., Նամակագրություն և ինքնակենսագրություն, գրքույկ անգլերեն լեզու ուսումնասիրողների համար, ուսումնական ձեռնարկ, Երևան, ԵՊՀ հրատ. 2014, էջ 228:

Ընդհանուր տնտեսագիտության ամբիոն.

13. Հովսեփյան Վ. Ե., Ազգային տնտեսություն, ուսումնական ձեռնարկ, ԵՊՀ հրատ., Երևան, 2014, 232 էջ (ԵՊՀ տնտեսագիտության տեսության ամբիոն):

14. Գալստյան Գ. Ս., Հարկային քաղաքականության տեսական հիմունքներ, ուսումնամեթոդական ձեռնարկ, ԵՊՀ հրատ., Երևան, 2013, 95 էջ (ԵՊՀ տնտեսագիտության տեսության ամբիոն):

Տուրիզմի կառավարման և մշակութաբանության ամբիոն.

15. Պոտոսյան Ա. Հ., Հայաստանի Հանրապետության գյուղական բնակչությունը և բնակավայրերը, մենագրություն, «Աստղիկ» գրատուն, Երևան, 2013, 416 էջ (Սոցիալ-տնտեսական աշխարհագրության ամբիոն):

Մեկնարկեց նոր` 2014-2015 ուսումնական տարին

2014թ. սեպտեմբերի 1-ին ԵՊՀ Իջևանի մասնաճյուղում տոնական միջոցառմամբ մեկնարկեց նոր ուսումնական տարին:

Ներկա էին ԵՊՀ ԻՄ-ի տնօրեն Ս.Առաքելյանը, վարչական և պրոֆեսորադասախոսական անձնակազմը, Իջևանի N զորամասի հրամանատարական կազմը, նույն զորամասի նվագախումբը, ուսանողներ, ծնողներ, հյուրեր:

Միջոցառումը սկսվեց ՀՀ պետական օրհներգով, որից հետո ուսանողներին իր շնորհավորանքի խոսքն ուղղեց ԵՊՀ ԻՄ-ի տնօրեն Սամվել Առաքելյանը:

Տնօրենը նրանց մաղթեց ուսանողական բեղմնավոր տարիներ, գիտելիքների անսպառ ձեռքբերում և հաճելի ընկերական շրջապատ: Բարձր կուրսեցիներին կոչ արեց սիրով ու ջերմությամբ ընդունել նորեկ ուսանողներին, օրինակ ծառայել լավ սովորելու, գիտելիքներ ձեռքբերելու գործում:

Գիտելիքի օրվա և նոր ուսումնական տարվա կապակցությամբ ուսանողներին ողջունեց Իջևանի զորամասի հրամանատարի տեղակալ, փոխգնդապետ Սահակյանը` մասնավորապես նշելով, որ ուսանողը պետք է լինի զինվորի նման կարգապահ ու հայրենիքի նվիրյալ զավակ:

Այնուհետև առաջին կուրսեցիներին իր ողջույնի և շնորհավորանքի խոսքն ուղղեց մասնաճյուղի ուսանողական խորհրդի նախագահ Ռազմիկ Հովսեփյանը՝ շեշտելով, որ ուսանող լինելը մեծ պատիվ է, իսկ ուսանողի կոչմանն արժանանալը՝ մեծ պատասխանատվություն:

Նա ողջունեց մեր առաջին կուրսեցիների նորամուտը բուհ, որտեղ իշխում են ջերմությունն ու ուրախությունը, ընկերությունն ու ներդաշնակությունը: Նա ուսանողներին կոչ արեց ներգրավվել ուսխորհրդի աշխատանքներում` առավել հետաքրքիր ու բովանդակալից դարձնելով ուսանողական առօրյան:

Մասնաճյուղի տնտեսագիտության ֆակուլտետի այս տարվա շրջանավարտ, ԵՊՀ մագիստրատուրայի առաջին կուրսի ուսանողուհի Գոհար Պետրոսյանը, ով 2013թ. ճանաչվել էր ԵՊՀ-ի լավագույն ուսանող, գիտելիքի բանալին հանձնեց առաջին կուրսեցիներին, մաղթեց, որ այդ բանալին բացի նոր, ավելի լայն ու նպատակային դռներ:

Նա նշեց նաև, որ մեծ ցավով ու ափսոսանքով է հեռանում մասնաճյուղից, որ լավագույն կրթօջախն է եղել իր համար, խոստացավ բարձր պահել մասնաճյուղի պատիվը, լինել իր ընտանիքին, հայրենիքին արժանի զավակ: Առաջին կուրսեցիներն էլ, ընդունելով բանալին, խոստացան լինել արժանի հետևորդներ և հպարտությամբ կրել ուսանող լինելու պատիվը:

Միջոցառման ընթացքում իրենց հաճելի ելույթներով հանդես եկան մասնաճյուղի շնորհալի ուսանողները, Իջևանի զորամասի նվագախմբի տղաները:

Տոնական միջոցառումն ավարտվեց ուսանողական խորհրդի անդամների և զորամասի նվագախմբի մասնակցությամբ գեղեցիկ կատարումով:

Սկիզբ...519520521522523524525526527528...Վերջ

Объявление