Նորություններ

Поздравляем

 

Սիրելի՛ ուսանողներ,

ԵՊՀ Իջևանի մասնաճյուղը սրտանց շնորհավորում է ձեզ Ուսանողների միջազգային օրվա առթիվ` մաղթելով ուսանողական բովանդակալից ու երջանիկ տարիներ, առողջություն, նպատակասլացություն, հաջողություններ ձեր գեղեցիկ նախաձեռնություններում ու ողջ կյանքում:

Միշտ հիշեք, որ դուք եք մեր հող ու ջրի պաշտպանն ու տերը, երկրի գալիքը կերտողը, ձեր ծնողների հույսն ու ապավենը. ուրեմն` պատվով ու պատասխանատվությամբ ստանձնեք ձեր այս մեծ դերը…

 

 

______________________

Ուսանողների տոնի նախապատմությունը

1939 թ.-ի հոկտեմբերի 28-ին ֆաշիստների կողմից գրավված Չեխոսլովակիայում ուսանողները և դասախոսները դուրս են գալիս փողոց, որպեսզի նշեն Չեխոսլովակիայի պետության կազմավորման (1918 թ.-ի հոկտեմբերի 28) տարեդարձը: Սակայն խաղաղ ցույցը ցրվում է զավթիչների կողմից: Այդ իրադարձությունների ժամանակ գնդակահարվում է բժշկական ֆակուլտետի ուսանող Յան Օպլետալը (Jan Opletal), ում հուղարկավորությունը վերածվում է բողոքի ակցիայի, ձերբակալվում են տասնյակ ուսանողներ:

Նոյեմբերի 17-ի վաղ առավոտյան գեստապոյականներն ու էսէսականները շրջապատում են ուսանողական հանրակացարանները: Շուրջ 1200 ուսանող ձերբակալվում և ուղարկվում է Զաքսենհաուզենի համակենտրոնացման ճամբար: Տասնյակ ուսանողներ ու շարժման ակտիվիստներ բանտի պատերից ներս, առանց դատի, ենթակվում են մահապատժի: Հիտլերի հրամանով չեխական բոլոր բարձրագույն ուսումնական հաստատությունները փակվում են մինչև պատերազմի ավարտը:

Երկու տարի անց Լոնդոնում տեղի է ունենում ֆաշիզմի դեմ պայքարող ուսանողների միջազգային հանդիպում, որի ժամանակ որոշվում է ի հիշատակ նահատակ հայրենասեր ուսանողների` նոյեմբերի 17-ը ամեն տարի նշել որպես Ուսանողի օր: 1946 թվականի նոյեմբերի 17-ին Պրահայում ընթացող Ուսանողների համաշխարհային կոնգրեսը այդ օրը հռչակում է Ուսանողության միջազգային օր:

 

Գիտական զեկուցում կարդաց Մանկավարժության և հոգեբանության ամբիոնի ասիստենտ, հոգ. գիտ. թեկնածու Դիանա Սարգսյանը

2015թ. նոյեմբերի 14-ին ԵՊՀ ԻՄ-ի օնլայն լսարանում «Սոցիալական դեպրիվացիա» թեմայով գիտական զեկուցում կարդաց Մանկավարժության և հոգեբանության ամբիոնի ասիստենտ, հոգ. գիտ. թեկնածու Դիանա Սարգսյանը: 

Գիտական զեկուցում կարդաց Մանկավարժության և հոգեբանության ամբիոնի ասիստենտ, հոգ. գիտ. թեկնածու Դիանա Սարգսյանը

Ներկա էին Հոգեբանության և մանկավարժության ամբիոնի վարիչ Վ.Բրուտյանը, ամբիոնի դասախոսները, Հումանիտար գիտությունների ֆակուլտետի տարբեր մասնագիտությունների ու կուրսերի ուսանողներ:

Գիտական զեկուցում կարդաց Մանկավարժության և հոգեբանության ամբիոնի ասիստենտ, հոգ. գիտ. թեկնածու Դիանա Սարգսյանը

Զեկուցողն ունկնդիրներին ծանոթացրեց հոգեբանության մեջ որպես խորքային հիմնախնդիր հանդես եկող «Դեպրիվացիա» հասկացությանը, ներկայացրեց դրա տեսակները (միջավայրային, բնակտարածքային, հաղորդակցման, տեղեկատվական), դրսևորման ձևերը, հետազոտական մոտեցումները, միջոցները և վերականգնողական հնարավոր ուղիները:

Բացատրվեցին դեպրիվացիայի հարակից հասկացությունները.

• psychological starvatio — հոգեբանական քաղց,

• carence mentale — հոգեկան անբավարարվածություն,

• isolation — մեկուսացում,

• segregation — առանձնացում,

• deficit — պակասություն:

Գիտական զեկուցում կարդաց Մանկավարժության և հոգեբանության ամբիոնի ասիստենտ, հոգ. գիտ. թեկնածու Դիանա Սարգսյանը

Վերջում Դ.Սարգսյանը պատասխանեց մասնակիցների հղած հարցերին:

Թեման, լինելով բավականին հետաքրքիր և արդիական, տեղիք տվեց ակտիվ քննարկման:

Սկիզբ...294295296297298299300301302303...Վերջ

Объявление