ԵՊՀ ԻՄ շրջանավարտների և կարիերայի կենտրոնը տեղեկացնում է հետևյալ թափուր աշխատատեղերի մասին`
Author Archives: admin
Հրավիրում ենք «Հոգեկան առողջության հիմնախնդիրները» թեմայով բաց դասին
Մանկավարժության և հոգեբանության ամբիոնը հոկտեմբերի 10-ին՝ ժամը 12:15-ին, կազմակերպում է «Հոգեկան առողջության հիմնախնդիրները» թեմայով բաց դաս՝ նվիրված Հոգեկան առողջության միջազգային օրվան: Դասը կվարի հոգ. գիտ. թեկն., ասիստենտ Դ.Յ.Սարգսյանը:
Սիրով հրավիրում ենք:
Սեպտեմբերի 27-ի տնօրենության նիստում
2017թ. սեպտեմբերի 27-ին ԵՊՀ Իջևանի մասնաճյուղում կայացավ տնօրենության նիստ, որը նախագահում էր Ս. Ա. Առաքելյանը:
Տնօրենության նիստում ամփոփվեց ԵՊՀ ԻՄ-ի առկա և հեռակա ուսուցման՝ 2016-2017 ուստարվա 2-րդ կիսամյակի լուծարքային շրջանը, քննարկվեցին կարգապահությանը վերաբերող և մի քանի ընթացիկ հարցեր:
Մասնաճյուղի առկա և հեռակա ուսուցման՝ 2016-2017 ուստարվա 2-րդ կիսամյակի լուծարքային շրջանն ամփոփելիս տնօրենությանը ներկայացվեց մի քանի ուսանողների հեռացման հարցը:
Առկա ուսուցման համակարգից հեռացման ներկայացվեց 1 ուսանող («Պատմություն» մասնագիտության):
Հեռակա ուսուցման համակարգից հեռացման ներկայացվեց 22 ուսանող («Պատմություն» մասնագիտության 5 ուսանող, «ԿՄՖ»՝ 2 ուսանող, «ԻԿՄ»՝ 3 ուսանող, «ՔԿԳ»՝ 4 ուսանող, «ՏՏ»՝ 8 ուսանող):
Դեկաններին հանձնարարվեց հետևողական լինել ուսանողների հաճախումների, ընդհանրապես կարգապահության հարցերում:
ՈՒԽ-ն հրավիրում է մասնակցելու ազգային պարերի դասընթացի
Սիրելի՛ ուսանողներ, ԵՊՀ ԻՄ-ի ուսանողական խորհուրդը հրավիրում է ձեզ՝ մասնակցելու ազգային պարերի դասընթացի (դասերի օրերը և ժամերը հարմարեցվում են դասացուցակներին):
Մասնակցության համար մինչև 2017թ. հոկտեմբերի 15-ը կարող եք դիմել Ազգային պարերի խմբակի պատասխանատու, Տնտեսագիտության ֆակուլտետի 2-րդ կուրսի ուսանողուհի Արփինե Վերանյանին (arpine.veranyan.98@mail.ru) կամ գրել ԵՊՀ ԻՄ-ի ՈՒԽ-ի ֆեյսբուքյան էջին:
Կայացավ «Ֆոլքները «Շառաչ և ցասում» վեպի հեղինակ» խորագրով գրական միջոցառումը
2017թ. սեպտեմբերի 25-ին ԵՊՀ Իջևանի մասնաճյուղում կայացավ «Ֆոլքները «Շառաչ և ցասում» վեպի հեղինակ» խորագրով գրական միջոցառումը (անգլերեն)` նվիրված գրականության Նոբելյան մրցանակակիր, ամերիկացի գրող Ուիլյամ Ֆոլքների (սեպտեմբերի 25, 1897−հուլիսի 6, 1962) ծննդյան 120-ամյակին: Այն կազմակերպել էր «Անգլերեն լեզու և գրականություն» մասնագիտության կրթական ծրագրի պատասխանատու Աստղիկ Սիմոնյանը:
Ներկա էին մասնաճյուղի վարչական և պրոֆեսորադասախոսական անձնակազմի ներկայացուցիչներ և ուսանողներ:
Նախ ցուցադրվեց Ֆոլքների և նրա գրական գործունեության մասին վավերագրական ֆիլմ:
Այնուհետև դասախոսություններով հանդես եկան Անգլերեն լեզվի և գրականության ամբիոնի դասախոսներ Ջեմմա Միլիտոնյանը, Աստղիկ Սիմոնյանը և Շուշանիկ Գրիգորյանը:
Ֆոլքների կենսագրության որոշ հարցերի վերաբերյալ մեկնաբանությամբ (“On Faulkner’s Biography”) հանդես եկավ Ջ.Միլիտոնյանը:
«Շառաչ և ցասում» վեպի առանցքային թեմաները (“The Themes in W. Faulkner’s “The Sound and the Fury” in a Nutshell”) ներկայացրեց Ա.Սիմոնյանը:
Նշվեց, որ «Շառաչ և ցասում»-ը (1929), որի վերնագիրը վերցված է շեքսպիրյան «Մակբեթից», Ֆոլքների չորրորդ վեպն է: Սկզբում այն հաջողություն չէր ունենում, հայտնի է դարձել միայն լույս տեսնելուց երկու տարի անց՝ Ֆոլքների մյուս վեպի տպագրումից հետո, բայց առաջին 16 տարիների ընթացքում տպագրվեց միայն 3000 տպաքանակով։ Այն ժամանակ, երբ Ֆոլքներն արժանացավ Նոբելյան մրցանակի (1949-ին), «Շառաչ և ցասում»-ն արդեն ուներ ժամանակակից գրականության դասական վեպի վարկանիշ։
«Բանականության հոսքի տեխնիկան Ֆոլքների «Շառաչ և ցասում» վեպում» թեմայով դասախոսություն (“The Stream of Consciousness Technique in Faulkner’s “The Sound and the Fury”) կարդաց Շ.Գրիգորյանը:
Նախաձեռնությունը բավականին հետաքրքիր էր, ուսանելի և գոհունակությամբ ընդունվեց ներկաների կողմից:
