2017թ. մարտի 18-19-ին ԵՊՀ ԻՄ-ի տնտեսագիտության ֆակուլտետը Ծաղկաձորում կազմակերպում է ուսանողական գիտական կոնֆերանս, որին կարող են մասնակցել ֆակուլտետի բոլոր ուսանողները:

Մասնակցության համար մինչև 2017թ. փետրվարի 15-ը անհրաժեշտ է ijevan.ysu.tntesaget@gmail.com էլ.փոստին ուղարկել ձեր անունը, ազգանունը, մասնագիտությունը, կուրսը և գիտական հոդվածների նախընտրած թեմաները (առնվազն 2 թեմա):

Թեմաների ընտրությունից հետո ուսանողներին ուղղություն տալու և աշխատանքների ընթացքը վերահսկելու նպատակով յուրաքանչյուր ուսանողի ֆակուլտետի դասախոսական կազմից կկցվի գիտական ղեկավար:

Կոնֆերանսին կմասնակցեն լավագույն 15 աշխատանքների հեղինակները, ինչպես նաև ֆակուլտետի դասախոսներ:

Թեմաները կարող են ընտրվել հետևյալ ոլորտներից՝

• Գործազրկության, միգրացիայի և աշխատանքի շուկայի հիմնախնդիրներ:
• Տուրիզմի զարգացման հիմնախնդիրները և հեռանկարները Տավուշի մարզում (ՀՀ-ում):
• ՏՏ ոլորտի զարգացման հիմնախնդիրները և հեռանկարները Տավուշի մարզում (ՀՀ-ում):
• Փոքր /ընտանեկան/ բիզնեսի զարգացման հնարավորությունները և հեռանկարները Տավուշի մարզում (ՀՀ-ում):

Աշխատանքը պետք է ունենա հստակ կառուցվածք և համապատասխանի հետևյալ պահանջներին.

• Ծավալը պետք է լինի 10-15 էջ:
• Տեքստը պետք է գրված լինի 12 տառաչափով, Sylfaen տառատեսակով, գլխագրերը՝ 14 տառաչափով:
• էջի լուսանցքները՝ աջից՝ 10 մմ, ձախից, վերևից ու ներքևից՝ 20 մմ, տողերի միջև հեռավորությունը՝ 1,5:
• Էջերը պետք է լինեն համարակալված (բացի տիտղոսաթերթից):
• Բոլոր այլ աղբյուրներից վերցված նյութերը (մեջբերումներ, թարգմանություններ, տվյալներ, գծապատկերներ և այլն) պետք է ունենան հստակ և պատշաճ հղումներ: Կայքերից վերցված նյութերի հղումները պետք է լինեն ամբողջական տեսքով: Գծապատկերները և աղյուսակները պետք է լինեն համարակալված:
• Աշխատանքը պետք է պարունակի հստակ շարադրված գիտական հիպոթեզ, նպատակ, վերաբերի ՀՀ-ում կոնկրետ որևէ սոցիալ-տնտեսական խնդրի լուծման ուղիների ուսումնասիրությանը:
• Ցանկալի է, որ աշխատանքը պարունակի թվային վերլուծության կամ մաթեմատիկական մոդելավորման մաս:

Ուշադրությու՛ն: Կոնֆերանսի մասնակիցների տեղափոխումը Իջևան-Ծաղկաձոր և հակառակ ուղղություններով, ինչպես նաև երկու օրվա կացությունը ԵՊՀ հանգստյան տանը (ներառյալ օրական երեքանգամյա սնունդ) կտրամադրվի անվճար:

Լավագույնս հանդես եկած մասնակիցները կարժանանան խրախուսական մրցանակների:

«Դասավանդի՛ր, Հայաստան» (Teach for Armenia) ծրագիրը հայտարարում է 2017 թվականի մասնակիցների հավաքագրման մեկնարկի մասին:

«Բոլոր այն երիտասարդները, ովքեր տիրապետում են հայերենին եւ ցանկանում են փոխել ոչ միայն իրենց, այլեւ Հայաստանում ապրող երեխաների կյանքը, կարող են դիմել ծրագրին՝ անկախ մասնագիտությունից եւ աշխատանքային փորձից:

Ծրագիրը միտված է բացահայտելու երիտասարդների մասնագիտական եւ առաջնորդական ներուժը՝ միաժամանակ նպաստելով գյուղական համայնքների զարգացմանը», – ասված է կազմակերպության հաղորդագրության մեջ:

Ծրագիրն արդեն ունի 42 մասնակից Հայաստանի մարզերում: Նրանք աշխատում են դպրոցներում եւ ակտիվ ներգրավված են համայնքների առօրյայում:

«Դասավանդի՛ր, Հայաստան»-ն ունի երկարաժամկետ նպատակ՝ գերազանց կրթությունը հասանելի դարձնել Հայաստանում ապրող յուրաքանչյուր երեխայի համար: Մեր գործունեության այս 3 տարիների ընթացքում աշակերտների մոտ արդեն նկատվել է ակադեմիական աճ: Բացի դրանից, ծրագիրը պատրաստում է առաջնորդների մի ողջ սերունդ: Նախքան մասնակիցներին դպրոցներ ուղարկելը, մենք վեցշաբաթյա ինտենսիվ դասընթաց ենք կազմակերպում նրանց համար եւ վերապատրաստում նրանց որպես ուսուցիչ, աշխատում նրանց հաղորդակցման հմտությունների վրա, նպաստում ինքնազարգացմանը», – ասել է ծրագրի հիմնադիր եւ նախագահ Լարիսա Հովհաննիսյանը:

Այս պահի դրությամբ «Դասավանդի՛ր, Հայաստան»-ը ներկայացված է Հայաստանի 5 մարզերի 35 գործընկեր դպրոցում:

Ծրագրին մասնակցելու համար հարկավոր է լրացնել հայտադիմումը www.teachforarmenia.org կայքում:

Աղբյուրը՝ http://www.mediamax.am

2017թ. հունվարի 20-ին` ժամը 12:00-ին, Հումանիտար գիտությունների ֆակուլտետի №28 լսարանում տեղի կունենա Դասավանդման առաջավոր փորձի փոխանցման և երիտասարդ դասախոսների աջակցման կենտրոնի կազմակերպած՝  «Հասարակական կարծիքի դերը դասախոսական կոլեկտիվի բարոյահոգեբանական մթնոլորտի ձևավորման մեջ» թեմայով դաս-քննարկումը, որը կվարի Հայոց պատմության և հասարակագիտության  ամբիոնի դոցենտ, փ.գ.թ. Է. Ա. Կյուրեղյանը:

Սիրով հրավիրում ենք: