Հայաստանի երիտասարդական հիմնադրամը (ՀԵՀ) ՀՀ կառավարության և կրթության և գիտության նախարարության աջակցությամբ հայտարարում է կրթաթոշակների տրամադրման մրցույթ։

Մրցույթին կարող են մասնակցել պետական բուհերի առկա ուսուցման համակարգի բակալավրիատի առաջին կուրսի` անվճար համակարգում չընդգրկված ուսանողները։

Հայտատու ուսանողը պետք է լինի ՀՀ քաղաքացի և բավարարի նշված պահանջներից առնվազն մեկին՝

• սոցիալապես անապահով (ընտանիքների անապահովության գնահատման համակարգում հաշվառված՝ անապահովության «30.00» միավորից բարձր անապահովության միավոր ունեցող) ընտանիքի անդամ և ունենա բարձր առաջադիմություն,

• երրորդ խմբի հաշմանդամ ուսանող։

Հայտատուն պետք է ներկայացնի հետևյալ փաստաթղթերը՝

ա/ անձնագրի և/կամ նույնականացման քարտի պատճենը,

բ/ մեկ լուսանկար /3×4/,

գ/ տեղեկանք հայտատուի՝ ընտանիքների անապահովության գնահատման համակարգում «30.00» միավորից բարձր անապահովության միավոր ունենալու մասին,

դ/ տեղեկանք բուհից՝ ուսանողի 1-ին կուրսի առկա, վճարովի համակարգում սովորելու մասին,

ե/ տեղեկանք բուհից առաջադիմության մասին,

զ/ III-րդ խմբի հաշմանդամության կարգը հաստատող փաստաթղթի պատճենը,

է/ լրացված դիմումը:

Դիմում-հայտերի ընդունման վերջնաժամկետը փետրվարի 28-ն է։

Դիմումներն ու անհրաժեշտ փաստաթղթերն ընդունվում են Հայաստանի երիտասարդական հիմնադրամի գրասենյակում (հասցե՝ ք. Երևան, Տերյան 74), ամեն օր, բացի շաբաթ և կիրակի օրերից` ժամը 10.00-17.00 (ընդմիջման ժամն է` 13.00-14.00-ն): 

Կրթաթոշակի դիմում-հայտը կարող եք բեռնել heh.am կայքից։ 

2018թ. մարտի 3-ին՝ ժամը 11:00-ին, «Երևանի պետական համալսարան» հիմնադրամի Իջևանի մասնաճյուղում անցկացվելու է դպրոցական օլիմպիադա:

Այն կանցկացվի հետևյալ հանրակրթական առարկաների գծով.

• մաթեմատիկա,
• ֆիզիկա,
• քիմիա,
• ինֆորմատիկա,
• կենսաբանություն,    
• աշխարհագրություն,
• հայ ժողովրդի պատմություն,
• հայոց լեզու և գրականություն,
• ռուսաց լեզու,
• անգլերեն,
• գերմաներեն,
• ֆրանսերեն,
• ստեղծագործական աշխատանք:

Օլիմպիադան նախատեսվում է 11-12-րդ դասարանի աշակերտների համար: Ըստ առարկաների յուրաքանչյուր դպրոցից կարող է մասնակցել 2-3 աշակերտ:

Օլիմպիադայի մասնակիցները մարտի 3-ին՝ ժամը 10³⁰-ին, պետք է ներկայանան ԵՊՀ Իջևանի մասնաճյուղ:

Օլիմպիադայի հետ կապված հարցերով կարող եք դիմել ԵՊՀ Իջևանի մասնաճյուղի մինչհամալսարանական կրթության և պրակտիկայի կազմակերպման բաժնի վարիչ Վահան Աղաբաբյանին (հեռ.՝ 096-987-654, 096-557-556, էլ.հասցե՝ vahanagha@yandex.ru):

I փուլի հաղթողները կմասնակցեն II փուլին, որը տեղի կունենա մարտի 31-ին՝ ժամը 11⁰⁰ -ին, Երևանի պետական համալսարանում:

Օլիմպիադայի փակման և պարգևատրման արարողությունը տեղի կունենա ապրիլի 20-ին՝ ժամը 15⁰⁰-ին, Երևանի պետական համալսարանի Մեծ դահլիճում (Կենտրոնական մասնաշենք, 3-րդ հարկ):

Ի գիտություն.

ԵՊՀ գիտական խորհրդի որոշմամբ օլիմպիադայում հաղթած (I, II և III կարգի դիպլոմների արժանացած աշակերտներին Համալսարանի վճարովի համակարգ ընդունվելու դեպքում առաջին կուրսում կտրամադրվի համապատասխանաբար 50, 40 և 30 տոկոս ուսման վարձի զեղչ:

Հարգելի՛ համալսարանականներ,  2017-2018 ուսումնական տարվա երկրորդ կիսամյակի դասացուցակները  ըստ ֆակուլտետների տեղադրված են ԵՊՀ ԻՄ-ի պաշտոնական կայքէջում («Ֆակուլտետներ» բաժնի «Դասացուցակ» ենթաբաժիններում):

ԵՊՀ ԻՄ 2017-2018 ուստարվա II կիսամյակի դասացուցակներ

Բնական գիտությունների ֆակուլտետ

Համարիչ

• Ինֆորմատիկա և կիրառական մաթեմատիկա 

• Քարտեզագրություն և կադաստրային գործ 

Կիրառական արվեստի ֆակուլտետ

Համարիչ 

• Դիզայն,  Կիրառական արվեստ 

• Դիզայն,  Կիրառական արվեստ 

Հումանիտար գիտությունների ֆակուլտետ

 Համարիչ 

• Անգլերեն լեզու և գրականություն  

• Հայոց լեզու և գրականություն  

• Տարրական մանկավարժություն և մեթոդիկա, Հոգեբանություն  

• Պատմություն  

• Ֆրանսերեն լեզու և գրականություն 

Հայտարար 

• Անգլերեն լեզու և գրականություն  

• Հայոց լեզու և գրականություն  

• Տարրական մանկավարժություն և մեթոդիկա, Հոգեբանություն  

• Պատմություն  

• Ֆրանսերեն լեզու և գրականություն 

Տնտեսագիտության ֆակուլտետ

Համարիչ  

«Շեքսպիր ակումբ, անգլախոսների ասոցացիան» հայտարարում է ամենամյա հրապարակախոսության մրցույթի մեկնարկի մասին:

Մանրամասները՝ ֆայլում:

2018 թ. ապրիլի 20-ին Շիրակի Մ. Նալբանդյանի անվան պետական համալսարանում կայանալու է ամենամյա ուսանողական հանրապետական գիտաժողով՝ նվիրված Հայաստանի առաջին հանրապետության հիմնադրման 100-ամյակին:

Գիտաժողովն անցկացվելու է հետևյալ ուղղություններով՝

• ֆիզիկամաթեմատիկական գիտություններ,
• ինֆորմատիկա, հաշվողական տեխնիկա և ավտոմատացում,
• կենսաբանական գիտություններ,
• քիմիական գիտություններ,
• գիտություններ երկրի մասին,
• բանասիրական գիտություններ,
• պատմական գիտություններ,
• իրավաբանական գիտություններ,
• քաղաքական գիտություններ,
• տնտեսագիտություն,
• մանկավարժական գիտություններ,
• հոգեբանական գիտություններ,
• արվեստագիտություն,
• ռազմական գիտություններ,
• սպորտ:

Ուսանողական գիտական նստաշրջանին մասնակցելու համար հարկավոր է մինչև
2018թ. մարտի 30-ը լրացնել մասնակցության հայտը էլեկտրոնային համակարգով, որը հասանելի է հետևյալ հղումով՝ http://shsu.am/april-20-conference/ :

Աղբյուրը՝  http://shsu.am