2017թ. մարտի 21-ին՝ ժամը 14:30-ին, ԵՊՀ ԻՄ-ի մարզադահլիճում տեղի կունենա մասնաճյուղային սպորտլանդիա՝ նվիրված կանանց միամսյակին:

Մասնակցել ցանկացողները մինչև մարտի 20-ը կարող են դիմել Արտակարգ իրավիճակների, մարմնակրթության և սպորտի ամբիոն:

Հարգելի՛ ուսանողներ, 2017թ. ապրիլի 18-19-ը Խ.Աբովյանի անվան հայկական պետական մանկավարժական համալսարանում տեղի կունենա միջազգային ուսանողական գիտաժողով:

Գիտաժողովում կքննարկվեն ինստիտուցիոնալ բազմալեզվության համատեքստում օտար լեզուների ուսուցման, տիպաբանական և գործաբանական վերլուծության առանձնահատկությունների հիմնախնդիրները։

Այս խնդիրը մասամբ համընկնում է նաև որոշ երկրներում լեզվական իրավիճակի հետ այն տեսանկյունից, որ անհրաժեշտ է բացահայտել առնչվող լեզուների հատման կետերը։

Գիտաժողովի սեկցիաներն են՝

• «Բազմալեզվությունը՝ որպես Եվրախորհրդի լեզվակրթության քաղաքականության հիմնարար սկզբունք»,
• «Բազմալեզվության պայմաններում լեզուների ուսուցման և ուսումնառության մեթոդաբանական հիմունքները»,
• «Լեզուների տիպաբանական առանձնահատկությունները և ուսուցման դժվարությունները (transfer/interference)»,
• «Գործաբանական կոմպետենցիայի ձևավորումը օտար լեզուներ դասավանդելիս»,
• «Միջմշակութային հաղորդակցում»:

Գիտաժողովը տեղի կունենա Հայկական պետական մանկավարժական համալսարանում:

Հասցե– 0070, Ալեք Մանուկյան 13, Երևան:
Հեռախոս– 010556030

Գիտաժողովի աշխատանքային լեզուներն են հայերենը, ռուսերենը, անգլերենը, գերմաներենը:

Գիտաժողովի գիտական նյութերը կհրատարակվեն գիտաժողովի ավարտից հետո:

Անհրաժեշտության դեպքում մասնակիցները կարող են հյուրընկալվել ԵՊՀ հյուրերի տանը:

Գրանցումը և թեզերի ներկայացումը մինչև ս.թ. մարտ 25-ը:

Ամբողջական փաստաթղթերի ներկայացման վերջնաժամկետն է ս.թ. մայիսի 15-ն է:

Գրանցումը ներառում է.

• հեղինակի անուն/ազգանունը,
• երկիրը/քաղաքը,
• հաստատությունը/ֆակուլտետը/կուրսը,
• հոդվածի թեման,
• էլ.հասցեն,
• փոստային հասցեն,
• հեռախոսի համարը,
• զեկուցման լեզուն:

Կլինեն տարբեր զբոսաշրջային այցեր:

Հայտադիմում

Թեզերին ներկայացվող պահանջները.
Լուսանցքները. ձախից՝ 3 սմ, աջից, վերևից և ներքևից՝ 2-ական սմ,
Տառատեսակը՝ յունիկոդ տառատեսակ, տառաչափը՝ 14,
1-ին տող՝ վերնագիրը գլխատառերով (հավասարությունը տողի կենտրոնում),
2-րդ տող՝ հեղինակի անունը (հավասարությունը տողի կենտրոնում),
3-րդ տող՝ երկիրը, քաղաքը, կազմակերպության լրիվ անունը (բուհ, ֆակուլտետ, կուրս),
5-րդ տողից՝ հոդվածի տեքստը,
հղումները տեքստում դնել քառակուսի փակագծերի մեջ՝ նշելով գրականության ցանկում հերթական համարը, 
գրականության ցանկը հոդվածի վերջում՝ այբբենական կարգով։

Գիտաժողովի կազմակերպիչներն են`

Մ.Գ. ԱՍՏՎԱԾԱՏՐՅԱՆ- մ.գ.դ., պրոֆեսոր, օտար լեզուների դասավանդման մեթոդիկայի ամբիոնի վարիչ, ՀՊՄՀ
Էլ. հասցեն՝ mastvatsatryan@yahoo.com methodology35@aspu.am

Ե.Ս. ՄԽԻԹԱՐՅԱՆ- բ.գ.թ., պրոֆեսոր, գերմանական լեզուների ամբիոնի վարիչ, ՀՊՄՀ
Էլ. հասցեն՝ helenmkitarayn@yahoo.com

Մանրամասների համար այցելել
https://aspu.am
Հայտադիմումը լրացնելու համար այցելել
https://docs.google.com/a/aspu.am

(english, russian, german)

https://docs.google.com/a/aspu.am
(armenian)

Հարգելի՛ համալսարանականներ, ԵՊՀ ԻՄ–ի միջազգային կապերի բաժինը տեղեկացնում է Polixis-ում վճարովի պրակտիկայի մասին:  

Polixis-ի մասին

Հիմնադրվել է Ժնևում (Շվեյցարիա):  Polixis-ն իրականացնում է մասնագիտացված հետազոտություն ու խորհրդատվություն քաղաքական և կարգավորիչ ռիսկերի զարգացող շուկաներում, որոնց հաճախորդների բազան հիմնականում ներառում է բանկային, ֆինանսական և ռիսկերի կառավարման ոլորտները:

Պրակտիկան կտևի վեց ամիս: Այն կանցկացվի  հիմնականում Երևանում, կկազմակերպվեն նաև ուսումնական ճանապարհորդություններ դեպի Ժնևի գրասենյակ: Պրակտիկայի հաջող ավարտին  պրակտիկանտին կարող է առաջարվկել աշխատանք:

Առաջադրանքներ

Պրակտիկանտից  կպահանջվի աջակցել թիմի աշխատանքին, մասնավորապես՝ հետազոտության և ծրագրային ապահովման զարգացմանը:

Հետազոտության առումով խնդիրները ներառում են.

–  Ռուսաստանից և ԱՊՀ երկրներից եկող  համապատասխան ֆինանսական և կարգավորիչ նորություններ, ամենօրյա մոնիթորինգ,

– Քաղաքական, կարգավորիչ և ռիսկային թեմաներին առնչվող նորությունների մասին վերլուծական նշումների կատարում,

–  Վեբ ծրագրավորողների մասնակցությունը թիմային տվյալների կառավարմանը,

– Մասնակցի կողմից քաղաքականություն և բիզնես, ֆինանսներ և բանկային կառավարում փոխազդեցությունների հանդեպ առանձնահատուկ հետաքրքրության դրսևորում,

– Անգլերեն և ռուսերեն գրավոր ու բանավոր խոսքի գերազանց իմացություն (ծրագրավորման մասին գիտելիքները կհամարվեն մեծ առավելություն:

Կրթություն

Քաղաքագիտություն, միջազգային հարաբերություններ, տնտեսագիտություն, լրագրություն կամ իրավաբանություն:

Մրցակցային վարձատրությունը   ամսական 250.000 դրամ է:

Հետաքրքրված թեկնածուները կարող են ուղարկել իրենց ռեզյումեները և վերլուծական աշխատանքի որևէ  նմուշ jobs@polixis.com էլեկտրոնային հասցեին: