«Երևանի պետական համալսարան» հիմնադրամի Իջևանի մասնաճյուղը հայտարարում է մրցույթ ներքոհիշյալ թափուր պաշտոնների տեղակալման համար.

1. Ծրագրավորման և ինֆորմացիոն տեխնոլոգիաների ամբիոնի վարիչ,
2. Ընդհանուր մաթեմատիկայի և բնագիտության ամբիոնի վարիչ,
3. Հայոց պատմության և հասարակագիտության ամբիոնի վարիչ,
4. Հայոց լեզվի և գրականության ամբիոնի վարիչ,
5. Մանկավարժության և հոգեբանության ամբիոնի վարիչ,
6. Անգլերեն լեզվի և գրականության ամբիոնի վարիչ,
7. Ֆրանսերեն լեզվի և գրականության ամբիոնի վարիչ,
8. Տուրիզմի կառավարման և մշակութաբանության ամբիոնի վարիչ,
9. Ընդհանուր տնտեսագիտության ամբիոնի վարիչ,
10. Դեկորատիվ-կիրառական արվեստի և դիզայնի ամբիոնի վարիչ,
11. Գծանկարի, գունանկարի և քանդակի ամբիոնի վարիչ:

Ամբիոնի վարիչի պաշտոնն ընտրովի է, և պաշտոնի տեղակալումն իրականացվում է բաց մրցութային ընտրության միջոցով: Ընտրությունների կարգին կարող եք ծանոթանալ ԵՊՀ ԻՄ-ի պաշտոնական կայքէջում՝ http://old-ijevan.ysu.am/documents/work-regulations/:

Ամբիոնի վարիչի պաշտոնի տեղակալման մրցույթին կարող է մասնակցել այն պրոֆեuորը կամ դոցենտը, որն ունի գիտությունների դոկտորի կամ թեկնածուի գիտական աuտիճան: Բացառություն են կազմում արվեստի բնագավառի ամբիոնների վարիչների պաշտոնների հավակնորդները, ովքեր պետք է լինեն ՀՀ նկարիչների միության կամ ՀՀ դիզայներների միության անդամ: Գիտությունների թեկնածուի գիտական աստիճան ունեցող թեկնածուներն ամբիոնի վարիչի պաշտոնի տեղակալման մրցույթին երկրորդ անգամ կարող են մասնակցել միայն ֆակուլտետի դեկանի ներկայացմամբ՝ տնօրենի թույլտվությամբ: Արգելվում է գիտությունների թեկնածուի գիտական աստիճան ունեցող թեկնածուների մասնակցությունն ամբիոնի վարիչի պաշտոնի տեղակալման մրցույթին՝ երրորդ ժամկետով:

Ամբիոնի վարիչի պաշտոնի հավակնորդները պետք է ունենան առնվազն 7 տարվա գիտամանկավարժական աշխատանքի ստաժ և վերջին 5 տարում տպագրված մենագրություն, դասագիրք կամ առնվազն 5 հոդված՝ տպագրված ՀՀ բարձրագույն որակավորման հանձնաժողովի կողմից հաստատված «Ատենախոսությունների հիմնական արդյունքների և դրույթների հրատարակման համար ընդունելի պարբերական գիտական հրատարակությունների ցուցակում» ընդգրկված պարբերականներում: Բացառություն են կազմում արվեստի բնագավառի ամբիոնների վարիչների պաշտոնների հավակնորդները, որոնք պետք է ունենան առնվազն 10 տարվա գիտամանկավարժական աշխատանքի ստաժ և վերջին 5 տարում մասնակցել են հանրապետական կամ միջազգային ցուցահանդեսների:

Ամբիոնի վարիչի մրցույթի մասնակիցները, մեկամսյա (2018թ. հոկտեմբերի 10-ից մինչև 2018թ. նոյեմբերի 10-ը՝ ժամը 15:00-ն) ժամկետում ներկայացնում են.

1. դիմում՝ տնօրենի անունով,
2. կադրերի հաշվառման անձնական թերթիկ,
3. ինքնակենսագրություն, բարձրագույն կրթության վկայականի (դիպլոմի) պատճենը,
4. գիտական աստիճանի դիպլոմի, գիտական կոչման վկայականի պատճենը,
5. հրատարակված գիտական աշխատությունների և գյուտերի ցանկը,
6. որակավորման բարձրացում անցնելու մասին վկայականը (առկայության դեպքում), մասնագիտական գործունեությունը բնութագրող այլ փաստաթղթեր:

Փաստաթղթերը ներկայացվում են ԵՊՀ ԻՄ-ի կադրերը սպասարկող ավագ մասնագետ Ն.Աբազյանին ներքոհիշյալ հասցեով՝  ՀՀ Տավուշի մարզ, ք. Իջևան, Ուսանողական 3, Մարդկային ռեսուրսների կառավարման բաժին:

Լրացուցիչ հարցերի դեպքում կարող եք դիմել ԵՊՀ ԻՄ-ի որակավորման մանդատային հանձնաժողովի նախագահ Ա.Դավթյանին  (հեռ.՝ 093 415-122, էլ. հասցե՝ davtyan-arkadi@mail.ru) կամ գիտական քարտուղար Մհեր Աթոյանին (հեռ.՝ 093 317-847, էլ. հասցե՝ matoyan@ysu.am):

Հովնանյան կրթաթոշակների համար գարնանային հայտերի ընդունումը սկսվում է նոյեմբերի 1-ից և ավարտվում  նոյեմբերի 10-ին: Որոշումը կհայտարարվի հունվարի կեսերին: Հովնանյան հիմնադրամի կողմից հովանավորվում են միայն տեղական (հայկական) համալսարանները:

Դիմելու գործընթացը

Ստորև ներկայացված չափորոշիչներին համապատասխանող բոլոր անձինք կարող են դիմել Հովնանյան կրթաթոշակի համար.

– Ազգությունրը – հայ  (կարող են լինել Հայաստանի կամ այլ երկրի քաղաքացիներ):

– Բակալավրի կամ մագիստրատուրայի ուսանողներ տեղական պետական բուհերից (ներառյալ Հայաստանի ամերիկյան համալսարանը և Ֆրանսիական համալսարանը):

– Բարձր առաջադիմություն ունեցող աշակերտները  (ինչպես նաև համալսարանի ուսանողները, եթե արդեն գրանցվել են):

– Հովնանյան հիմնադրամը տրամադրում է հայաստանյան բուհերում սովորող հայ ուսանողներին ուսման վարձի մասնակի փոխհատուցում (ուսման տարեկան վարձի մինչև 50 տոկոսի չափով), այնպես, որ դիմորդը պետք է ունենա ֆինանսավորման այլ աղբյուրներ և տա երաշխիք, որ  մնացած գումարը մուծված է։

Դիմորդը լրացված դիմումի ձևի հետ միասին պետք է ներկայացնի հետևյալ  փաստաթղթերը (անգլերեն թարգմանության կարիք չկա).

– անձնագրի պատճենը,

– համալսարանի կողմից կնքված նամակը, որը հաստատում է ձեր հաշվառումն առանձին ծրագրի համար՝ տարեկան ուսման վարձավճարի նշումով,

– ընդունելության նամակը համալսարանից (եթե դեռ չեք ավարտել),

– ատեստատ (ավագ դպրոցի / համալսարանի),

– աշխատանքի ընդունված ուսանողների համար`գործատուից տրված նամակ` նշելով ամսական աշխատավարձը, գործազուրկ ուսանողների համար՝ ծնողների գործատուների նամակը՝ նշելով ամսական  աշխատավարձը կամ ծնողների գործազրկության մասին նամակ,

– ռեզյումե կամ CV:

Ամբողջական փաթեթները պետք է ներկայացվեն թղթային տարբերակով (ստորագրությամբ) և թողնեն Հիմնադրամի շենքի անվտանգության բաժնում։

Դիմումի ձև (հայերեն)

Դիմումի ձև (անգլերեն)

Նախընտրելի է օգտվել դիմումի անգլերեն տարբերակից, բայց եթե չեք կարող պատասխանել անգլերենով, կարող եք օգտվել հայերեն հայտից:

Տպագրված հայտի ձևերն առկա են նաև անվտանգության բաժնում՝ Հանրապետության փողոց,  37 հասցեում:

Չնայած այս ուղեցույցներում կրթաթոշակների տրամադրման համար սահմանված չափորոշիչներին՝ Հիմնադրամի խորհուրդը կարող է որոշել, որ դիմողը կարող է ստանալ կրթաթոշակ՝  հաշվի առնելով ցանկացած հատուկ հանգամանք, ինչպես օրինակ, երբ  դիմողն ունի անհատական դժվարություն, կարիք, դիմողը կամ նրա ընտանիքը ԱՄՆ-ի միջատլանտյան տարածքի կամ հայ համայնքի շրջանում ցույց են տվել որոշ ծառայություն, ապա նրանց համար կրթաթոշակ ստանալու որոշակի չափորոշիչներ կարող են անտեսվել:

Նյութի աղբյուրը՝ www.hovnanianfoundation.am

 Ամենօրյա նորություններն աչքի անցկացնելիս կարելի է տպավորություն ստանալ, թե աշխարհում տեղի են ունենում միայն պատերազմներ, բռնություններ, աղետներ, վթարներ, հանցագործություններ, լավագույն դեպքում՝ սպորտային կամ ժամանցային իրադարձություններ: 

Բայց չէ՞ որ մեր կյանքը միայն վերը թվարկածից չէ բաղկացած, չէ՞ որ մեր կյանքում նաեւ բարի պատմություններ են լինում. երբեմն շատ զարմանալի, անհավանական, բայց, միեւնույն է, իրական բարի պատմություններ, որոնք արժե պատմել մյուսներին:  

Եվ այսպես, շարունակելով 2015, 2016 եւ 2017 թվականներին Մեդիամաքսի հետ իրականացրած շարադրությունների մրցույթների շարքը, այս անգամ նախաձեռնում ենք «Ինձ պատահել է այս անհավանական բարի պատմությունը» մրցույթը, որտեղ առաջարկում ենք շարադրություն գրել Ձեզ կամ Ձեր մերձավորներին պատահած ամենազարմանալի, ամենաանհավանական բարի պատմության մասին:

Մրցույթի պայմանները

– Մրցույթին կարող են մասնակցել 16-ից 55 տարեկան ՀՀ քաղաքացիները՝ ներկայացնելով շարադրություն «Ինձ պատահել է այս անհավանական բարի պատմությունը» թեմայով: 

– Շարադրության մեջ պետք է ներկայացվեն անհավանական թվացող, բայց իրական բարի պատմություններ, որոնք պատահել են հեղինակի կամ նրա մերձավորների հետ:

– Շարադրության առավելագույն ծավալը չպետք է գերազանցի 500 բառը: Նշված ծավալը գերազանցող շարադրությունները մրցույթին չեն մասնակցի:

– Մասնակիցները երաշխավորում են, որ շարադրությունում նկարագրված պատմությունը իրական է: Այս պայմանը խախտած մասնակիցը կորակազրկվի:

– Մասնակիցները երաշխավորում են, որ իրենք են հանդիսանում ներկայացված աշխատանքների հեղինակները: Հեղինակային իրավունքների խախտում հայտնաբերելու դեպքում մասնակիցը կորակազրկվի:

– Մասնակիցները երաշխավորում են, որ շարադրությունը գրված է «Ինձ պատահել է այս անհավանական բարի պատմությունը» մրցույթի համար եւ նախկինում հրապարակված չի եղել տպագիր մամուլում կամ օնլայն տիրույթում (կայքեր, սոցիալական մեդիա): Այս պայմանի խախտման դեպքում մասնակիցը կորակազրկվի:

– Մրցույթի անցկացման լեզուն հայերենն է: Այլ լեզուներով ուղարկված շարադրությունները մրցույթին չեն մասնակցի: 

– Մրցույթը մեկնարկում է 2018 թ. հոկտեմբերի 15-ին եւ կտեւի մինչեւ 2018 թ. հոկտեմբերի 26-ը, ժամը 16:00-ը: Հաղթողի անունը կհրապարակվի 2018թ. նոյեմբերի 5-ին: Պարգեւատրման արարողությունը կկայանա նոյեմբերի 13-ին, երբ նշվում է Բարության համաշխարհային օրը:

– Մրցույթին ներկայացված բոլոր շարադրությունները հրապարակվելու են www.Mediamax.am կայքի հատուկ «Անհավանական բարի պատմությունը» բաժնում՝ բացառությամբ այն աշխատանքների, որոնք ակնհայտորեն չեն համապատասխանի մրցույթի թեմային եւ պայմաններին, կպարունակեն թեմային չվերաբերող պնդումներ եւ նյութեր, վիրավորական արտահայտություններ:

– Շարադրությունները պետք է ուղարկել contest@mediamax.am հասցեին` UN_Mediamax թեմայով (subject): 

– Շարադրության հետ մասնակիցները պետք է ուղարկեն նաեւ անձնագրի էլեկտրոնային պատճենը, հեռախոսահամարը եւ բարձր որակի եւ մեծ չափի լուսանկար (աշխատանքի հետ հրապարակման համար): Առանց անձնագրի պատճենի, լուսանկարի եւ հեռախոսահամարի ուղարկված շարադրությունները մրցույթին չեն մասնակցի:   

– Մրցույթի գլխավոր մրցանակն է դրամական պարգեւ՝ 400 000 ՀՀ դրամ: 

– Երկրորդ եւ երրորդ տեղեր գրաված մասնակիցները կստանան համապատասխանաբար 200 000 եւ 100 000 դրամ:

– Մրցույթի ընթացքին հետեւելու համար մասնակիցները պետք է բաժանորդագրվեն Facebook-ում Մեդիամաքսի էջին. https://www.facebook.com/Mediamax.am: 

– Մրցույթի հաղթողներին կորոշի ՄԱԿ-ի Բնակչության հիմնադրամի եւ Մեդիամաքսի կազմած համատեղ ժյուրին:

ՄԱԿ-ի Բնակչության հիմնադրամն ու Մեդիամաքսը հաջողություն են մաղթում բոլոր մասնակիցներին:

Նյութի աղբյուրը՝ https://armenia.unfpa.org/hy