2016թ. հունվար ամսվա ընթացքում մասնաճյուղում ուսումնական և աշխատանքային պայմանները բարելավելու նպատակով իրականացվել են մի շարք ընթացիկ շինվերանորոգման աշխատանքներ, և ձեռք է բերվել նոր գույք:

Մասնավորոպես հիմնովին վերանորոգվել է Հումանիտար գիտությունների ֆակուլտետի օտար լեզուների ամբիոնը:

Նույն ֆակուլտետի համակարգչային սրահն ավելի հարմարավետ, լուսավոր և ընդարձակ դարձնելու նպատակով տեղափոխվել է №28 լսարան: Սրահը հասմալրվել է նոր համակարգիչներով ու համակարգչային սեղաններով: Նախկին 19-ի փոխարեն այժմ այն կսպասարկի 22 ուսանողի:

 Ընթացքի մեջ են Հումանիտար գիտությունների ֆակուլտետի մանկավարժության և հոգեբանության ամբիոնի, Տնտեսագիտության ֆակուլտետի №45 և 46 լսարանների վերանորոգման աշխատանքները:

Վարչատնտեսական վարչության պետ Կ.Այվազյանը շեշտեց, որ իրականացվում են ոչ միայն արտաքին հարդարման աշխատանքներ, այլև կատարվում է հիմնանորոգում:

2016թ. հունվարի 16-ին  ԵՊՀ ԻՄ-ի տնօրեն Ս.Առաքելյանը խորհրդակցություն անցկացրեց Մասնագիտական կրթության  որակի ապահովման բաժնի աշխատակիցների հետ:

Խորհրդակցության ընթացքում քննարկվեցին մասնաճյուղում որակի ներքին գործընթացների ակտիվացման, ստորաբաժանումներում խորհրդատվությունների ընդլայնման, ֆակուլտետներում որակի կառավարման հանձնաժողովի լիազոր ներկայացուցիչների աշխատանքների համակարգման վերաբերյալ խնդիրներ:

Տնօրենի կողմից բարձրացվեցին ԵՊՀ Իջևանի մասնաճյուղի ինստիտուցիոնալ կարողությունների ինքնավերլուծության ընթացքում բացահայտված խնդիրներ: 

ՄԿՈԱ բաժնին հանձնարարվեց մշակել և տնօրենին ներկայացնել առաջարկությունների փաթեթ, համապատասխան պլան-ժամանակացույց՝ մասնաճյուղում որակի ընթացիկ գործընթացների իրականացման համար: 

2016թ. հունվարի 13-ին ԵՊՀ ԻՄ-ի տնօրեն Ս.Առաքելյանը հանդիպեց Օտար լեզուների, Հայոց լեզվի և գրականության ամբիոնների պրոֆեսորադասախոսական անձնակազմի ներկայացուցիչների հետ:

Քննարկվեցին մի շարք հարցեր, որոնք վերաբերում էին ուսանողների բանավոր խոսքի, ազատ ու անկաշկանդ արտահայտվելու հմտությունների,  ինքնուրույնության զարգացմանը: Նշվեց, որ օտար լեզուների դեպքում մեծ ուշադրություն դարձվի մասնագիտական ուղղվածությամբ տեքստերի հետ աշխատանքին: Ընդգծվեց, որ ուսանողի ստացած գնահատականը պիտի լիովին արտացոլի նրանց գիտելիքները: 

Դարձյալ կարևորվեցին ամբիոնների գործունեությանը, մասնավորապես՝ դասախոսների կողմից իրականացվող գիտահետազոտական գործունեությանը, աշխատանքային պլանով նախատեսված դրույթների իրականացմանը, դասավանդման որակի և արդյունավետության բարձրացմանը վերաբերող խնդիրները:

Շեշտվեց, որ մշտապես անհրաժեշտ է հետևողական աշխատանք իրականացնել մասնաճյուղի դասախոսական անձնակազմի որակավորման անընդհատ աճի, դասավանդման և հետազոտական աշխատանքների ակտիվության, ուսումնամեթոդական և գիտամեթոդական աշխատանքների կատարման ուղղությամբ: