2017թ. մայիսի 19-30-ը ԵՊՀ Իջևանի մասնաճյուղում կայացավ 2016-2017 ուստարվա առկա ուսուցման ամփոփիչ ատեստավորումը` ինը մասնագիտությունների ամփոփիչ ատեստավորման քննություններն ու ավարտական աշխատանքների պաշտպանությունը:

2017թ. մայիսի 19-ին տեղի ունեցավ «Պատմություն»  մասնագիտության ամփոփիչ քննությունը:

Հանձնաժողովը գլխավորում էր «Հայաստանի ազգային պոլիտեխնիկական համալսարան» հիմնադրամի հասարակագիտության ամբիոնի պրոֆեսոր, պատմ. գիտ. դոկտոր Համլետ Մարտիկի Գևորգյանը:

Քննությանը մասնակցում էր 18 ուսանող, որոնցից «գերազանց» ստացավ 8-ը, «լավ»` 8-ը, «բավարար»` 2-ը:

Մայիսի 20-ին կայացավ ավարտական աշխատանքների պաշտպանությունը:

10 ուսանող ստացավ «գերազանց», 6-ը` «լավ», 2-ը` «բավարար»:

«Պատմություն»  մասնագիտության ամփոփիչ ատեստավորման հանձնաժողովը լավ գնահատեց մասնագիտական գիտելիքների իմացության և կիրառման, իրենց մասնագիտության շրջանակներում ինքնուրույն դատողություններ անելու, ազատ հաղորդակցվելու շրջանավարտների կարողությունները, ինքնակրթության հմտությունների դրսևորման մակարդակը:

Շրջանավարտների ձեռք բերած ուսումնառության ընդհանրական արդյունքների բարելավման ուղղությամբ  առաջարկվեց մասնագիտական կարողությունները զարգացնելու համար առավել խորությամբ ուսումնասիրել սկզբնաղբյուրները:

Ավարտական աշխատանքների հետագա բարելավման հետ կապված՝ շեշտը դրվեց ուսանողների ինքնուրույնության զարգացման վրա,  առաջարկվեց ընտրել այնպիսի թեմաներ, որոնք դեռևս պատշաճ մակարդակով ուսումնասիրված չեն:

 Մայիսի 19-ին կայացավ «Մանկավարժություն և հոգեբանություն» մասնագիտության ամփոփիչ քննությունը:

Հանձնաժողովը գլխավորում էր Շիրակի «Մ.Նալբանդյանի անվան պետական համալսարան» հիմնադրամի պրոռեկտոր, մանկ. գիտ. դոկտոր, պրոֆեսոր Սպարտակ Սերյոժայի Սողոյանը:

Քննությանը մասնակցում էր 19 ուսանող, որոնցից «գերազանց» ստացավ 4-ը, «լավ»` 11-ը, «բավարար»` 4-ը:

Մայիսի 20-ին տեղի ունեցավ ավարտական աշխատանքների պաշտպանությունը:

7 ուսանող ստացավ «գերազանց», 12-ը` «լավ»:

«Մանկավարժություն և հոգեբանություն»  մասնագիտության ամփոփիչ ատեստավորման հանձնաժողովը  լավ  գնահատեց մասնագիտական գիտելիքների իմացության, իրենց մասնագիտության շրջանակներում ինքնուրույն դատողություններ անելու, հաղորդակցվելու շրջանավարտների կարողությունները, բավարար գնահատեց ձեռք բերած գիտելիքների և պատկերացումների կիրառման կարողությունների, ինքնակրթության հմտությունների դրսևորման մակարդակը:

Շրջանավարտների ձեռք բերած ուսումնառության ընդհանրական արդյունքների հետագա բարելավման ուղղությամբ առաջարկվեց մեծ ուշադրություն դարձնել  գործնական հետազոտությունների արդյունքների մշակմանը:

Ավարտական աշխատանքների թեմաների ընտրության վերաբերյալ դարձյալ առաջարկվեց ընտրել տարածաշրջանային հիմնախնդիրների բացահայտմանն ու լուծմանն ուղղված  թեմաներ:

Մայիսի 20-ին տեղի ունեցավ «Ֆրանսերեն լեզու և գրականություն» մասնագիտության ամփոփիչ ատեստավորման քննությունը:

Հանձնաժողովը գլխավորում է Երևանի Վ.Բրյուսովի անվան պետական լեզվահասարակագիտական համալսարանի ֆրանսերեն լեզվի ամբիոնի դոցենտ, բ.գ.թ. Մելանյա Սմբատի Ղազարյանը:

Քննությանը մասնակցում էր 10 ուսանող, որոնցից «գերազանց» ստացավ 4-ը, «լավ»` 4-ը, «բավարար»՝ 2-ը:

Մայիսի 21-ին կայացավ ավարտական աշխատանքների պաշտպանությունը:

5 ուսանող ստացավ «գերազանց», 5-ը` «լավ»:

«Ֆրանսերեն լեզու և գրականություն»  մասնագիտության ամփոփիչ ատեստավորման հանձնաժողովը  բարձր  գնահատեց   շրջանավարտների մասնագիտական գիտելիքների իմացության և կիրառման կարողությունների մակարդակը, իրենց մասնագիտության շրջանակներում ինքնուրույն դատողություններ անելու, ազատ հաղորդակցվելու, ինքնակրթության հմտությունների դրսևորման մակարդակը: Ընդգծվեց, որ, ի տարբերություն գործնական ֆրանսերենի, տեսական առարկաների ներկայացումը երբեմն կաղում էր:

Ավարտական աշխատանքների իրականացման հետագա բարելավման ուղղությամբ առաջարկվեց, ցածր կուրսերից սկսած, ուսանողներին ներկայացնել հետազոտական աշխատանք գրելու հիմնական սկզբունքներն ու պահանջները, հետևողական լինել նախապաշտպանությունների նկատմամբ:

Մայիսի 20-ին տեղի ունեցավ «Ինֆորմատիկա և կիրառական մաթեմատիկա»  մասնագիտության ամփոփիչ քննությունը:

Հանձնաժողովը գլխավորում է Ռուս-հայկական (սլավոնական) համալսարանի ՏՏ դեպարտամենտի ծառայության պետ,  ֆիզմաթ. գի­տ. թեկնածու, դոցենտ Հարություն Վոլոդյայի Գասպարյանը:

Քննությանը մասնակցում էր 21 ուսանող, որոնցից «գերազանց» ստացավ 9-ը, «լավ»` 4-ը, «բավարար»` 8-ը:

Մայիսի 21-ին կայացավ ավարտական աշխատանքների պաշտպանությունը:

9 ուսանող ստացավ «գերազանց», 8-ը` «լավ», 4-ը` «բավարար»:

«Ինֆորմատիկա և կիրառական մաթեմատիկա» մասնագիտության ամփոփիչ ատեստավորման հանձնաժողովի կարծիքը տվյալ մասնագիտությամբ շրջանավարտների ընդհանուր պատրաստվածության մակարդակի վերաբերյալ  մանրամասն տե՛ս հանձնաժողովի նախագահի հետ հարցազրույցում:

Մայիսի 20-ին կայացավ «Սերվիս»  մասնագիտության ամփոփիչ քննությունը:

Հանձնաժողովը գլխավորում է ՀՀ տնտեսական զարգացման և ներդրումների նախարարության զբոսաշրջության զարգացման քաղաքականության վարչության պետ Մեխակ Վեմիրի Ապրեսյանը:

Քննությանը մասնակցում էր 14 ուսանող, որոնցից «գերազանց» ստացավ 7-ը, «լավ»` 6-ը, «բավարար»` 1-ը:

Մայիսի 27-ին տեղի ունեցավ ավարտական աշխատանքների պաշտպանությունը:

9 ուսանող ստացավ «գերազանց», 4-ը՝ «լավ», 1-ը` «բավարար»:

«Սերվիս»  մասնագիտության ամփոփիչ ատեստավորման հանձնաժողովի նախագահի արտահայտած կարծիքի համաձայն՝ ԵՊՀ Իջևանի մասնաճյուղը բավարարում է «Սերվիս բակալավր» պատրաստելու պահանջներին և ոլորտում պահանջարկին համապատասխանող կադրեր պատրաստելու զգալի ներուժ ունի:

Ամփոփիչ քննության և ավարտական աշխատանքների պաշտպանության հետագա բարելավման ուղղությամբ առաջարկվեց քննարկել այդ գործընթացում տեղեկատվական տեխնոլոգիաների առավել արդյունավետ կիրառման և ինովացիոն մոտեցումների ներդրման հնարավորությունը, կատարելագործել հարցաշարերը՝ հաշվի առնելով ոլորտը կարգավորող օրենսդրության մեջ նախատեսվող փոփոխությունները, աշխատանքներում պահպանել ու զարգացնել վերլուծական և պրակտիկ մոտեցումները, առավել ուշադրություն դարձնել դրանց կիրառական կողմին:

Մայիսի 21-ին տեղի ունեցավ «Տնտեսագիտության տեսություն» մասնագիտության  ամփոփիչ  քննությունը:

Հանձնաժողովը գլխավորում է ՀՀ Կառավարությանն առընթեր ՊԵԿ-ի ֆինանսահաշվային վարչության պետ, գլխավոր հաշվապահ Հովիկ  Գուրգենի Հովհաննիսյանը:

Քննությանը մասնակցում էր 21 ուսանող, որոնցից «գերազանց» ստացավ 3-ը, «լավ»` 13-ը, «բավարար»` 5-ը:

Մայիսի 28-ին կայացավ ավարտական աշխատանքների պաշտպանությունը:

8 ուսանող ստացավ «գերազանց», 11-ը` «լավ», 2-ը` «բավարար»:

«Տնտեսագիտության տեսություն» մասնագիտության ամփոփիչ ատեստավորման հանձնաժողովը լավ գնահատեց  շրջանավարտների մասնագիտական գիտելիքների իմացության մակարդակը,  բավարար համարեց ինքնուրույն մտածելու և արտահայտվելու կարողությունները:

 Շրջանավարտների ձեռք բերած ուսումնառության ընդհանրական արդյունքների հետագա բարելավման ուղղությամբ առաջարկվեց բարձրացնել ուսանողների տնտեսագիտական գիտելիքների մակարդակը՝ առավելագույնս նրանց հանձնարարելով տարբեր դասագրքեր և ժամանակակից տնտեսագիտական հոդվածներ ու վերլուծություններ, զարգացնել ուսանողների գործնական հմտություններն ու կարողությունները՝ ՀՀ տնտեսության տարբեր ճյուղերի համար ինքնուրույն վերլուծություններ կատարելու համար:  

Մայիսի 22-ին տեղի ունեցավ «Կիրառական արվեստ»  մասնագիտության ամփոփիչ քննությունը:

Հանձնաժողովը գլխավորում է ՀՀ նկարիչների միության նախագահի տեղակալ-քարտուղար, պրոֆեսոր Խաչատուր Սուրենի Ազիզյանը:

Քննությանը մասնակցում էր 15 ուսանող, որոնցից «գերազանց» ստացավ 2-ը, «լավ»` 8-ը, «բավարար»` 5-ը:

Մայիսի 25-ին կայացավ ավարտական աշխատանքների պաշտպանությունը: Աշխատանքներն աչքի էին ընկնում թեմատիկ, ոճական, ժանրային բազմազանությամբ և մեծ մասամբ արժանացան հանձնաժողովի նախագահի ու անդամների դրվատանքին: 8 ուսանող ստացավ «գերազանց», 7-ը` «լավ»:

«Կիրառական արվեստ» մասնագիտության ուսանողների ավարտական աշխատանքների պաշտպանության մասին մանրամասն տե՛ս հետևյալ հղումով:

Մայիսի 26-ին տեղի ունեցավ «Անգլերեն լեզու և գրականություն» մասնագիտության ամփոփիչ քննությունը:

Հանձնաժողովը գլխավորում է Երևանի Վ.Բրյուսովի անվան պետական լեզվահասարակագիտական համալսարանի անգլերեն լեզվի բառագիտության և ոճաբանության ամբիոնի դոցենտ, բ.գ.թ. Լիլիթ Ասատուրի Բադալյանը:

Քննությանը մասնակցում էր 29 ուսանող, որոնցից «գերազանց» ստացավ 9-ը, «լավ»` 16-ը, «բավարար»` 4-ը:

Մայիսի 27-ին կայացավ ավարտական աշխատանքների պաշտպանությունը:

12 ուսանող ստացավ «գերազանց», 15-ը` «լավ», 2-ը` «բավարար»:

«Անգլերեն լեզու և գրականություն»  մասնագիտության ամփոփիչ ատեստավորման հանձնաժողովը բարձր գնահատեց մասնագիտական գիտելիքների իմացության և կիրառման կարողությունները, իրենց մասնագիտության շրջանակներում ինքնուրույն դատողություններ անելու, ազատ հաղորդակցվելու շրջանավարտների կարողությունների և ինքնակրթության հմտությունների դրսևորման մակարդակը:

Շրջանավարտների ձեռք բերած ուսումնառության ընդհանրական արդյունքների հետագա բարելավման ուղղությամբ առաջարկվեց պրակտիկայի համար տրամադրել ավելի լայն հնարավորություններ:

Ավարտական աշխատանքների իրականացման և դրանց ներկայացման մակարդակը ևս բարձր գնահատվեց: Հետագա բարելավման ուղղությամբ առաջարկվեց աշխատանքներում պահպանել տեսական և գործնական մասերի հավասարակշռությունը, որպեսզի հնարավորություն տրվի լիարժեք գնահատելու ուսանողների վերլուծական հմտությունները:

Մայիսի 29-ին տեղի ունեցավ «Հայոց լեզու և գրականություն» մասնագիտության  ամփոփիչ  քննությունը:

Հանձնաժողովը գլխավորում է ՀՀ պետական կառավարման ակադեմիայի դոցենտ, բան. գիտ. թեկնածու Լավրենտի Աշոտի Միրզոյանը:

Քննությանը մասնակցում էր 18 ուսանող, որոնցից «գերազանց» ստացավ 1-ը, «լավ»` 12-ը, «բավարար»` 5-ը:

Մայիսի 30-ին կայացավ ավարտական աշխատանքների պաշտպանությունը:

3 ուսանող ստացավ «գերազանց», 15-ը` «լավ»:

«Հայոց լեզու և գրականություն» մասնագիտության ամփոփիչ ատեստավորման հանձնաժողովը  բավարար  գնահատեց   շրջանավարտների մասնագիտական գիտելիքների իմացության մակարդակը, իրենց մասնագիտության շրջանակներում ինքնուրույն դատողություններ անելու և հաղորդակցվելու նրանց կարողությունները, ինքնակրթության հմտությունների դրսևորման մակարդակը, բարձր գնահատեց նրանց ձեռք բերած գիտելիքների կիրառման կարողությունները:

Ավարտական աշխատանքների վերաբերյալ հանձնաժողովի կարծիքը բարձր էր հատկապես որակավորմանը թեմայի համապատասխանության, մասնագիտական գրականությունից օգտվելու և համադրելու կարողությունների տեսանկյուններից: 

Աշխատանքների հետագա բարելավման ուղղությամբ առաջարկվեց, որ թեմաները լինեն ժամանակակից, աշխատանքները զերծ լինեն գրքայնությունից ու արտագրություններից, ընդգծվի շրջանավարտի ինքնուրույնությունը:

ԵՊՀ ԻՄ-ի Հումանիտար գիտությունների ֆակուլտետի «Օտար լեզու և գրականություն» մասնագիտության առաջին կուրսի ուսանող Մհեր Մկրտումյանը մասնակցել է  Հայաստանի Եվրոպական երիտասարդական պառլամենտի և ՀՀ կենտրոնական բանկի հետ համագործակցությամբ՝ «Իմ ֆինանսների ամիսը» նախագծի շրջանակներում կազմակերպված “FIND 2017” (Ֆինանսական նորարարություն ազգային զարգացման համար) համահայկական ուսանողական ֆորումին, որը գլխավորապես կենտրոնացած էր ֆինանսական կրթման վրա։

Ֆորումը համախմբել էր 120 ուսանողների՝ Երևանից և ՀՀ մարզերի բուհերից։ Ուսանողները 5 օրվա ընթացքում (2017 թվականի մայիսի 20-ից 24-ը)  քննարկել են մի շարք ֆինանսական հարցեր, կազմել բանաձևեր և ներկայացրել ֆորումի նախագահությանը։

Ըստ այդմ՝ ԵՊՀ ԻՄ-ի ուսանող Մհեր Մկրտումյանն ընտրվել է լավագույն պատվիրակներից մեկը, և ևս 5 պատվիրակների հետ ներկայացնելու է Հայաստանը սույն թվականի նոյեմբերի 11-ից 19-ը Վրաստանում կայանալիք Եվրոպական երիտասարդական պառլամենտի 86-րդ միջազգային ֆորումում։

2017թ. մայիսի 27-ից հունիսի 3-ը ԵՊՀ Իջևանի մասնաճյուղում կայացան կուրսային աշխատանքների պաշտպանություններ:

Մայիսի 27-ին և 29-ին տեղի ունեցան Կիրառական արվեստի ֆակուլտետի «Կիրառական արվեստ» մասնագիտության 2-րդ  և 3-րդ կուրսերի ուսանողների կուրսային աշխատանքների պաշտպանությունները:

Հունիսի 2-ին կայացավ Բնական գիտությունների ֆակուլտետի «Ինֆորմատիկա և  կիրառական մաթեմատիկա» մասնագիտության 3-րդ կուրսի ուսանողների կուրսային աշխատանքների պաշտպանությունը:

Հունիսի 3-ին տեղի ունեցան Տնտեսագիտության ֆակուլտետի «Տնտեսագիտության տեսություն» մասնագիտության 2-րդ և 3-րդ, «Սերվիս» մասնագիտության 2-րդ և 3-րդ կուրսերի ուսանողների կուրսային աշխատանքների պաշտպանությունները:

Հունիսի 2-3-ին կայացան Հումանիտար գիտությունների ֆակուլտետի կուրսային աշխատանքների պաշտպանությունները:

Հունիսի 2-ին տեղի ունեցան «Պատմություն», «Մանկավարժություն և հոգեբանություն», «Ֆրանսերեն լեզու և գրականություն» մասնագիտությունների 3-րդ կուրսերի ուսանողների կուրսային աշխատանքների պաշտպանությունները:

Հունիսի 3-ին կայացան «Պատմություն», «Հոգեբանություն» 2-րդ, «Անգլերեն լեզու և գրականություն» 3-րդ կուրսերի ուսանողների կուրսային աշխատանքների պաշտպանությունները:

Բոլոր ֆակուլտետներում կուրսային աշխատանքների պաշտպանությունները կազմակերպված էին պատշաճ մակարդակով: Հանձնաժողովների անդամների և մասնագիտությունների կրթական ծրագրերի պատասխանատուների խոսքով՝  աշխատանքները համապատասխանում էին կուրսային աշխատանքներին ներկայացվող ընդհանուր պահանջներին (թեմայի արդիականություն, բովանդակության և թեմայի համապատասխանություն, նպատակի և խնդիրների ներկայացում ու հիմնավորում, «հարցի պատմություն» և այլն), կատարված էին բարեխղճորեն, դրանցում նկատվում էր նաև ղեկավարների նվիրված և հետևողական աշխատանքը:

Պաշտպանությունների ժամանակ աշխատանքների ներկայացման ընդհանուր մակարդակը բարձր էր, ուսանողների մեծամասնությունն ուներ սահուն ու տրամաբանված բանավոր խոսք:

Աշխատանքները ներկայացվում էին շնորհանդեսների ուղեկցությամբ, տեսական մտքերը հաստատվում գործնական համապատասխան հիմնավորումներով, բնագրային մեջբերումներով:

2017թ. մայիսի 31-ին ԵՊՀ ԻՄ-ի ուսանողական խորհուրդն ամփոփեց 2016-17 ուստարում իր կատարած աշխատանքները:

Ներկա էին ՈՒԽ-ի անդամները, հրավիրված էին մասնաճյուղի տնօրեն Ս. Ա. Առաքելյանը, վարչական անձնակազմի, բուհի ուսանողական այլ կառույցների ներկայացուցիչներ:

Ուսանողական խորհրդի նախագահ Իսկուհի Շաղբաթյանը նախ ներկայացրեց 2016-2017 ուստարվա 1-ին կիսամյակում իրենց կողմից կատարված  աշխատանքները, որոնք ներառում էին՝

Միջոցառումներ, ծրագրեր, նախաձեռնություններ.

1. Փոփոխություններ ՈՒԽ-ի կազմում,
2. Գիտելիքի և դպրության օրվան նվիրված միջոցառում,
3. Անկախության տոնին նվիրված միջոցառումներ,
4. «Ուսանողը որպես հասարակության շարժիչ ուժ» թեմայով էսսեների մրցույթ,
5. «Ինչպե՞ս հասնել հաջողության» թեմայով դաս-միջոցառում,
6. Անգլերեն լեզվի ուսուցման խմբակի ստեղծում,
7. Նոր ուսանողների ընդգրկում ՈՒԽ-ում,
8. Սեմինար ՈՒԽ-ին նոր անդամագրված ուսանողների համար,
9. «Miss Foreign Language» լեզվի գեղեցկության մրցույթ-միջոցառում (համագործակցությամբ՝ Օտար լեզուների ամբիոնի),
10. Մասնաճյուղային ինտելեկտուալ խաղ և զեկուցումներ գիտության ոլորտի համաշխարհային մրցանակների մասին (Ֆիլդսյան, Աբելյան, Նոբելյան, Պուլիցերյան),
11. «Բարի գալուստ Իջևան» ֆիլմի դիտում,
12. 2016-17 ուստարվա հեռակա բաժնի ուսուցման դասերի մեկնարկի առթիվ տոնական միջոցառում,
13. Այց ՎՏԲ-Հայաստան Իջևանի մասնաճյուղ,
14. Ուսանողական ֆլեշ-մոբ՝ Ուսանողների միջազգային օրվա առթիվ,
15. «Կանխարգելենք ՁԻԱՀ-ը» թեմայով բաց դաս,
16. «Վախի վերահսկումը հանրային ելույթների ժամանակ» թեմայով քննարկում,
17. «Ճանաչենք հայ թատրոնի մեծերին» խորագրով դաս-միջոցառում,
18. Ազգային պարերի ուսուցման խմբակի ստեղծում,
19. Ամանորյա դիմակահանդես:

Հանդիպումներ.

1. ՈՒԽ-ի հանդիպումները ուսանողության հետ՝ ըստ ֆակուլտետների,
2. Հանդիպում մասնաճյուղի տնօրենի հետ:

Արտաքին կապեր, ձեռքբերումներ.

1. Մասնակցություն Համապետական ուսանողական եռօրյա խորհրդաժողովին,
2. Խնայողությունների խաղ (համագործակցությամբ՝ ՀԵՀ Տավուշի մարզային կենտրոնի),
3. Մեդիագրագիտության վերաբերյալ դասընթաց (համագործակցությամբ՝ Ինֆոտան),
4. ՀՈՒԱԱ-ի «Կրթական ավտոբուս» ծրագրի իրականացում մասնաճյուղում,
5. «Հասարակություն առանց բռնության» ՀԿ-ի կողմից դասընթաց մասնաճյուղում «Գենդերային անհավասարություն» թեմայով,
6. Մասնաճյուղի թվով 4 ուսանողների մասնակցություն «Բազե-2016»-ին, որոնցից 2-ն արժանացել են մրցանակների,
7. Ուսանողների հասարակական ակտիվության սանդղակի մշակում:

Ապա ներկայացվեցին 2016-17 ուստարվա 2-րդ կիսամյակում կատարված հետևյալ աշխատաքները՝

Միջոցառումներ, ծրագրեր, նախաձեռնություններ.

1. ՈՒԽ-ի կազմի վերահաստատում,
2. Փոփոխություն ԵՊՀ ԻՄ-ի գիտական խորհրդում ընդգրկված ուսանող անդամների կազմում,
3. Կրթաթոշակային ծրագրերին մ/ճ-ի ուսանողների հայտագրման կազմակերպում,
4. Բասկետբոլի առաջնություն,
5. «Երիտասարդության հիմնախնդիրները և պետության հզորացման միտումները» խորագրով ուսանողական գիտաժողով (համագործակցությամբ՝ ԵՊՀ ԻՄ ՈՒԳԸ-ի),
6. «Ուսանողական կառույցների դերն ու նշանակությունը» թեմայով քննարկում,
7. «Ինչպե՞ս գրել ռեզյումե և ներկայանալ հարցազրույցի» թեմայով սեմինար,
8. «Գարեգին Նժդեհ» ֆիլմի դիտում,
9. Սուրբ Զատկի տոնին ընդառաջ իրազեկող միջոցառում,
10. Կանանց միջազգային օրվան նվիրված ֆակուլտետային միջոցառում,
11. Իրազեկում ազգաբնակչությանն ընտրության կարգի մասին,
12. «Հայ զինվորի հոգեկերտվածքի ձևավորումը ազգային գաղափարախոսության համատեքստում» թեմայով քննարկում ուսանողների մասնակցությամբ,
13. Ծանոթացում հայ և համաշխարհային հայտնիների նամականուն,
14. Մոմավառություն և ջահերով երթ՝ ի հիշատակ Հայոց ցեղասպանության զոհերի,
15. Անգլերենի և ազգային պարերի ուսուցման խմբակներում նոր ուսանողների ընդգրկում,
16. «Մենք և մեր ազգային պարերը» խորագրով միջոցառում Պարի միջազգային օրվան ընդառաջ,
17. Անանուն հարցում ուսանողությանը ծավալած գործունեության վերաբերյալ,
18. «Կամակոր կնոջ սանձահարումը» ներկայացման դիտում,
19. Անգլերեն լեզվի ուսուցման ուսանողական խմբակի ուսանողներին հավաստագրերի հանձնում,
20. Շուշիի ազատագրման օրվան ընդառաջ իրազեկող դաս և այցելություն հուշարձան:

Հանդիպումներ՝

1. ՈՒԽ-ի հանդիպումները ուսանողության հետ՝ ըստ ֆակուլտետների,
2. Հանդիպում հեռակա բաժնի ուսանողների հետ,
3. Հանդիպում մասնաճյուղի տնօրենի հետ:

Արտաքին կապեր, համագործակցություններ՝

1. «Ժամանակի կառավարում» թեմայով սեմինար Բարձրագույն կրթության կազմակերպման փորձագետների կողմից,
2. ՁԻԱՀ/ՄԻԱՎ-ի վերաբերյալ եռօրյա սեմինար (համագործակցությամբ՝ ՀԵՀ-ի Տավուշի մարզային կենտրոնի),
3. Մարդու իրավունքների և հանրային քննարկումների վերաբերյալ երօրյա դասընթաց (համագործակցությամբ՝ ՄԱԿ-ի ազգային ասոցիացիայի):

Հանդիպման վերջում ելույթ ունեցավ մասնաճյուղի տնօրեն Ս. Ա. Առաքելյանը՝ կատարված աշխատանքների համար իր գոհունակությունն արտահայտելով Ուսանողական խորհրդին՝ ի դեմս Իսկուհի Շաղբաթյանի, լուծումներ առաջարկեց ուսանողների կողմից բարձրացված խնդիրների շուրջ, դրականորեն արձագանքեց նրանց առաջարկների մեծ մասին: Տնօրենը ուսանողությանը դարձյալ կոչ արեց լինել ակտիվ, նախաձեռնող, ուսումնատենչ, նպատակասլաց, ապրել ուսանողական լիարժեք կյանքով:

2017թ. մայիսի 27-ին ԵՊՀ Իջևանի մասնաճյուղում կայացավ  «Ապրիլյան մարտական գործողություններ. զինվորից մինչև հրամանատար» թեմայով բաց դաս, որը վարեց Հայոց պատմության և հասարակագիտության ամբիոնի դասախոս, Ապրիլյան մարտական գործողությունների մասնակից Վլադիմիր Պողոսյանը:

Բաց դասի հիմնական նպատակն էր բացահայտել բանակային միջավայրը և հնարավորությունները, որտեղ յուրաքանչյուրը, ըստ իր ֆիզիկական և մտավոր ունակությունների, կարող է դրսևորվել:

Վ.Պողոսյանը, բաց դասի շրջանակներում ներկայացնելով բանակային առօրյան, մասնավորապես նշեց. «Անկեղծ ասած, մինչ բանակ զորակոչվելը այլ պատկերացում ունեի բանակային կյանքի, զինվորական կարգապահության և այլ հարցերի շուրջ: Այս երկու տարիները փոխեցին ինձ, իմ պատկերացումները, մարդկային կերպը, վերաբերմունքը դիմացինի, կոլեկտիվի նկատմամբ: Իմ հերոսը, միանշանակ, իմ զինակից ընկերն է, ով անկախ պայմաններից, իրավիճակից, հնարավորություններից, կյանքին սպառնացող վտանգի պայմաններում բարեխղճորեն իրականացնում է իր ծառայողական պարտքը»:

Ընդգծվեց, որ երբ 2016 թ. ապրիլի 1-ի լույս 2-ի գիշերը սկսվեցին ապրիլյան մարտական գործողությունները, հայրենիքի մերօրյա պաշտպանները սառնասրտորեն դիմակայեցին մինչև ատամները զինված հակառակորդին: Ժամկետային զինծառայողներն իրենց հմտավարժ սպաների հրամանատարությամբ արիաբար կանգնեցին մինչև վերջ և հանդես բերեցին հերոսության անկրկնելի օրինակներ: Ապրիլյան իրադարձությունները փոխեցին ոչ միայն բանակային առօրյան, այլև հասարակ քաղաքացուն:

Անդրադառնալով ապրիլյան մարտական գործողություններին՝ Վ.Պողոսյանը նշեց. «Կցանկանայի առանձնացնել հրամանատարներիս, իսկապես, Հայոց հաղթական բանակի սյունը հրամանատարն է: Յուրքանաչյուր հրամանատար հսկայական ներդրում ունի իր ենթակաների բոլոր հաջողությունների մեջ: Զորամասը միասնական տուն է, որտեղ յուրաքանչյուրն ունի իրեն վերապահված դերը, իսկ բանակը մեր պետության ամենակայացած համակարգն է:

Ապրիլյան մարտական գործողություններն ամբողջությամբ փոխեցին իմ պատկերացումներն աշխարհի, մարդկանց, պարզապես հասարակ զինվորի մասին: Կարծես ամեն ոք իր տեղում էր` հրամանատար, զինվոր, զինակից ընկեր… Ես հավատում եմ, որ նման զավակներ ունեցող ժողովուրդն անպարտալի է: Մենք արդեն մի բռունցք ենք` Հայաստան-Սփյուռք-Արցախ, և այդ բռունցքը շեշտակի ուժով իջնում է մեր ժողովրդի խաղաղ գոյակցությանը սպառնացող ոսոխի գլխին»:

Վ.Պողոսյանն առանձնացրեց բանակի ոչ միայն մարտական պատրաստականության մակարդակն ու խնդիրները, այլև  անդրադարձավ մշակութաժամանցային հարցերին. «Բանակում մեզ հնարավորություն տրվեց ոչ միայն լավագույնս ուսումնասիրել ռազմական գործը, այլև ցուցաբերել հասարակական ակտիվություն, կազմել թիմ` «Հայ Ասպետ», տպագրել ամսաթերթ: Թերթը այն հոգեմտավոր միջավայրն էր, որ փորձում  էինք ձևավորել և ստացվեց»:

Բաց դասի վերջում Վ.Պողոսյանը ԼՂՀ Պաշտպանության բանակի հրամանատարության կողմից շնորհակալագիր հանձնեց ԵՊՀ ԻՄ-ի տնօրեն Ս.Առաքելյանին` հայրենասեր, բանիմաց զինվորներ կրթելու համար: