«ԿԱԶԱ» շվեյցարական մարդասիրական հիմնադրամը Հայաստանի Ալիանս Ֆրանսեզի հետ համատեղ հայտարարում է լուսանկարչական մրցույթ «Ինքնություն» խորագրով։ Մրցույթը մաս է կազմում «Բազմատարր ինքնություն, բազմակի թևե՞ր» միջոցառումների շարքի, որը տեղի է ունենում ս.թ. փետրվարի 15-ից ապրիլի 12-ը Հայաստանում Ֆրանկոֆոնիայի Օրեր 2014-ի շրջանակներում։

Photoմրցույթին մասնակցելու համար՝

Ուղարկե՛ք ձեր նկարը jpg ձևաչափով (300 dpi) մինչև ս.թ. մարտի 25-ը հետևյալ հասցեով՝ identites2014[at]gmail.com
Պետք է կցված լինեն նաև հետևյալ տեղեկությունները.
-Լուսանկարչի անունը, ազգանունը և տարիքը
-Լուսանկարի ամսաթիվը/վայրը
-Լուսանկարի վերնագիրը (ֆրանսերենով կամ հայերենով)
-Լուսանկարի վերաբերյալ փոքրիկ բացատրություն (նախադասություն կամ փոքրիկ տեքստ)

Մրցույթը բաց է բոլորի համար։

Թումանյան 24, 0001 Երևան
Հեռ.՝ 010 58 40 32
Էլ.փոստ՝ kasaam[at]kasa.am

Շահումյան 69, 3101 Գյումրի
Հեռ.՝ 0312 5 65 28
Էլ.փոստ՝ kasa.gumri[at]kasa.am

Մոսկովյան 5, 0001 Երևան
Հեռ.՝ 010 54 66 99
Էլ.փոստ՝ communication[at]alliancefr.am

Աղբյուրը` kasa.am

2014թ. ապրիլի 14-15-ը Երևանի Վ. Բրյուսովի անվան պետական լեզվաբանական համալսարանը կազմակերպում է երիտասարդ գիտնականների հանրապետական գիտաժողով հետևյալ խորագրով` “Միջմշակութային երկխոսություն. ժամանակակից լեզվաքաղաքականությունը և քաղաքականության լեզուն”:

Գիտաժողովը նախատեսվում է անցկացնել երեք թեմատիկ սեկցիաներով՝ 

1. լեզվաբանություն
2. մանկավարժություն և լեզուների դասավանդման մեթոդիկա
3. հասարակական գիտություններ

Գիտաժողովի շրջանակներում սեկցիաների նիս­տերը կանցկացվեն ըստ հետևյալ գիտական ուղղությունների.

• Մանկավարժության տեսություն և պատմություն
• Լեզուների դասավանդման մեթոդիկա
• Ռոմանական և գերմանական լեզուներ
• Հայագիտություն
• Հայ և արտասահմանյան գրականություն
• Թարգմանաբանություն
• Փիլիսոփայություն
• Քաղաքագիտության արդի խնդիրներ
• Միջազգային հարաբերություններ
• Մարդու իրավունքներ
• Կրթության կառավարում
• Ցեղասպանագիտություն

Ներկայացված աշխատանքը իր բովանդակությամբ պետք է արտացոլի հեղինակի(ների) կողմից ինքնուրույն աշխատանքի արդյունքները և պարունակի գիտականորեն ընդունված ձևակերպումներ:

Զեկուցման (ելույթի) թեման անհրաժեշտ է ուղարկել մինչև 2014թ. ապրիլի 4-ը հետևյալ հասցեով՝
0002, Հայաստան, Երևան, Թումանյան փողոց 42, ԵՊԼՀ-ի գիտական մաս, էլ-փոստ՝ v.zakaryan@yahoo.fr , science1@brusov.am

Գիտաժողովի նյութերը կտպագրվեն առանձին ժողովածուի տեսքով:

Գիտաժողովին մասնակցելու են հրավիրվում երիտասարդ գիտնականներ, ասպիրանտներ, հայցորդներ, ինչպես նաև մշակույթի, գիտության և կրթության ոլորտի գործիչներ, պետական և միջազգային հասարակական և քաղաքական կազմակերպությունների ներկայացուցիչներ:

Գիտաժողովը տեղի կունենա Երևանի Վ. Բրյուսովի անվան պետական լեզվաբանական համալսարանում:

Գիտաժողովի աշխատանքային լեզուներն են հայերենը, ռուսերենը, անգլերենը:

Գիտաժողովի կազմակերպչական հարցերի և մասնակցության պայմանների վերաբերյալ լրացուցիչ տեղեկությունների համար կարող եք զանգահարել հետևյալ հեռախոսահամարներով՝ 010 532239 /106/, 010 535511 /118/, 091 724746

Գիտական կոմիտե
Լուսինե Հրանտի Ֆլջյան, բ.գ.դ, պրոֆ., ԵՊԼՀ պրոռեկտոր՝ գիտության և միջազգային կապերի գծով
Ցոլակ Արամի Ակոպյան, ք.գ.թ., ԵՊԼՀ պրոռեկտոր՝ ուսանողության, երիտասարդության և հասարակայնության հետ կապերի գծով
Հայկ Հմայակի Պետրոսյան, մ.գ.դ., ԵՊԼՀ Մանկավարժության և լեզուների դասավանդման մեթոդիկայի ամբիոնի պրոֆեսոր
Հակոբ Սամվելի Մադոյան, փ.գ.թ., ԵՊԼՀ Փիլիսոփայության ամբիոնի վարիչ

Կազմկոմիտե
Կարինե Արմենի Ելոյան, ԵՊԼՀ գիտքարտուղարի պաշտոնակատար
Վահան Ալբերտի Զաքարյան, բ.գ.թ., ԵՊԼՀ Երիտասարդ գիտնականների խորհրդի նախագահ
Եպրաքսիա Հրաչի Հովհաննիսյան, ԵՊԼՀ գիտական մասի տեսուչ

ԵՊԼՀ ռեկտոր` Գ. Գասպարյան

Աղբյուրը` armacad.blogspot.com

Ս.թ. մարտի  17-ին` ժամը 14:00-ին, Իջևանի քաղաքային պատկերասրահում տեղի կունենա ԵՊՀ ԻՄ կիրառական արվեստի դասախոսների և ուսանողների ստեղծագործությունների ցուցահանդեսի հանդիսավոր բացումը: 

Ցուցահանդեսը նվիրված է կանանց միամսյակին, կտևի մինչև ս.թ. ապրիլի 7-ը:

Սիրով հրավիրում ենք բոլորիդ:

Եթե Դուք ունեք համապատասխան մասնագիտական կրթություն, կամ ուսանող եք, հետաքրքրված եք լրագրողական աշխատանքով ևցանկանում եք աշխատել  ՄԱՄՈՒԼ.am լրատվականում, կամ ստեղծել Ձեր անձնական էլեկտրոնային լրատվամիջոցը, կամ ուղղակի հրապարակել հոդվածներ, ապա առաջարկում ենք աննախադեպ հնարավորություն:
Այսուհետ, ՄԱՄՈՒԼ.am լրատվականի առցանց համակարգում գրանցվելով որպես “Անհատ”, կարող եք անձամբ տեղադրել և հրապարակել Ձեր ինչպես հին, այնպես էլ նոր հոդվածները: Հոդվածները կարող են լինել ցանկացած բնագավառից. քաղաքական, մշակույթ, սպորտ, գիտություն:

Մեր մասնագետներն անընդհատ հետևելու են այդ հրապարակումներին:
1. Յուրօրինակությամբ,
2. գրագետ հայերենով (կամ այլ լեզվով),
3. ընթերցվածությամբ, ընթերցողի ուշադրությամբ, դրական կարծիքներով աչքի ընկած հոդվածների հեղինակները կհրավիրվեն մշտական աշխատանքի ՄԱՄՈՒԼ.am լրատվականում:

Պարտադիր պայմաններ.
1. գրանցվել իրական անվամբ,
2. տեղադրել անձնական լիարժեք տեղեկատվություն,
3. կոնտակտային հեռախոսահամար և այլն,
4. ծանոթանալ Մամուլի խոսնակի ընդհանուր դրույթներին,
5. պահպանել գրանցման պայմանագրի պահանջները:

Աղբյուրը` http://mamul.am

Ամերիկյան խորհուրդների գրասենյակը կազմակերպում է հանդիպումների շարք Քարնեգի հետազոտական կրթաթոշակային ծրագրի մասին: Հանդիպումների ընթացքում ծրագրի համակարգող Ալեքսեյ Խարլամովը կներկայացնի ծրագիրը, դրան դիմելու պայմանները, ինչպես նաև կպատասխանի հետաքրքրող հարցերին: