2021թ. նոյեմբերի 11-13-ը Շիրակի պետական համալսարանում կայանալու է «Կրթության և գիտության հիմնախնդիրները» խորագրով միջազգային գիտաժողով:

Գիտաժողովի հիմնական նպատակն է բացահայտել կրթության և գիտության տարբեր ոլորտներում առկա հիմնախնդիրները, զարգացման միտումները և առաջադրել համապատասխան լուծումներ, ստացված արդյունքները համադրել եվրոպական, հետխորհրդային երկրների փորձի հետ  և ներկայացնել հանրապետության, արտերկրի կրթական և գիտական հանրությանը՝ նոր հետազոտություններ կատարելու նպատակով:

Գիտաժողովի հիմնական ուղղություններն են՝

• Մաթեմատիկական գիտություններ
• Բնագիտական գիտություններ
• Տեխնիկական գիտություններ
• Աշխարհագրական գիտություններ
• Տնտեսագիտություն
• Հումանիտար գիտություններ
• Հասարակական գիտություններ
• Դասավանդման մեթոդիկաներ:

Գիտաժողովի աշխատանքային լեզուներն են հայերենը, ռուսերենը և անգլերենը (համաժամանակյա թարգմանությամբ):

Գիտաժողովին առկա կամ հեռավար մասնակցելու համար անհրաժեշտ է մինչև 2021թ. սեպտեմբերի 20-ը լրացնել մասնակցության հայտը էլեկտրոնային համակարգով, որը հասանելի է հետևյալ հղումով՝  http://shsu.am/online-registration-2021/, ինչպես նաև shsu.science@gmail.com  էլեկտրոնային հասցեին ուղարկել զեկուցումներին համապատասխան հոդվածները՝ ըստ ներկայացվող չափանիշների՝ http://shsu.am/article-preparation-standards-2021/: Ներկայացված հոդվածները ենթարկվելու են գրախոսման, և արդյունքում դրական կարծիքի արժանացածները տպագրվելու են ՇՊՀ-ի Գիտական տեղեկագրի հատուկ համարում՝ նվիրված միջազգային գիտաժողովին:

Գիտաժողովին մասնակցելու համար մինչև 2021թ. սեպտեմբերի 20-ը անհրաժեշտ է համալսարանի հաշվեհամարին («ԱյԴի բանկ» ՓԲԸ Գյումրի մ/ճ, ՀՀ 11802024816700) փոխանցել մասնակցության գումար՝ նշելով փոխանցման նպատակը (Գիտաժողովի մասնակցություն-մասնակցի ազգանուն, անուն).

Առկա մասնակցության դեպքում՝ 1 անձի համար.

• ՇՊՀ-ի աշխատակից՝  5000 ՀՀ դրամ,
• Այլ մասնակից՝  10.000 ՀՀ դրամ:

Հեռավար մասնակցության դեպքում՝ 1 հոդվածի համար.

• ՇՊՀ-ի աշխատակից՝  5000 ՀՀ դրամ,
• Այլ մասնակից՝  10.000 ՀՀ դրամ:

* Պարզաբանում. եթե 1 հոդվածը ներկայացվում է մեկից ավել հեղինակների կողմից, ընդ որում` ոմանք առկա մասնակից են, ոմանք՝ հեռավար, ապա մասնակցության գումար վճարում են միայն առկա մասնակիցները:

Կատարված փոխանցումը հաստատող վճարման անդորրագիրը խնդրում ենք ուղարկել shsu.science@gmail.com  էլեկտրոնային հասցեին:

Վերջնաժամկետներ

Հարգելի՛ համալսարանականներ, 2021թ. սեպտեմբերի 7-ին՝ ժամը 17:00-ին, և սեպտեմբերի 11-ին՝ ժամը 14:00-ին, ԵՊՀ ԻՄ-ի կրթական բարեփոխումների և դասախոսների վերապատրաստման բաժինը կազմակերպում է «Հետազոտական աշխատանքների մեթոդաբանություն» թեմայով առցանց վերապատրաստում, որը կվարի Տուրիզմի կառավարման և մշակութաբանության ամբիոնի վարիչի պաշտոնակատար, ա.գ.թ., պրոֆեսոր Գ. Ժ. Հովհաննիսյանը:

Վերապատրաստման դասընթացի ժամանակ կներկայացվեն ուսումնական և ակադեմիական աշխատանքներ (ռեֆերատ, հետազոտական աշխատանք, բակալավրի և մագիստրոսի ավարտական աշխատանք, հոդված, ատենախոսություն և այլն) պատրաստելու հիմնասկզբունքները՝ հետազոտական աշխատանքի պլանավորման նրբությունները, աշխատանքների կառուցվածքային և բովանդակային պահանջները, գիտական էթիկայի հիմնատարրերը:

Դասընթացը կօգնի ունկնդիրներին արդյունավետ պլանավորել իրենց հետազոտությունները, պատրաստել գիտականության և գիտական էթիկայի կանոններին համապատասխանող աշխատանքներ:

Վերապատրաստման դասընթացին մասնակցելու  համար  կարող  եք  գրանցվել  հետևյալ հղումով՝ https://forms.gle/Y7DzSML1PLv4CTB9A:

 Հարգելի՛ դասախոսներ, 2021թ. սեպտեմ­բերի 8-ին “ERASMUS+ PRINTeL” նախագծի շրջանակներում անցկացվելու են վարպետաց դասեր՝ նվիրված տեխնոլոգիապես հագեցած առցանց դասավանդման մի շարք մոտեցումներին:

Դրանք ինտե­­ր­ակտիվ առցանց հարթակում վարելու են PRINTeL նախագծի փորձառու դասա­խոս­ները:

Ուսուցման լեզուն անգլերենն է: Մասնակիցները պետք է Zoom առցանց հարթակում ունենան գրանցում:

Վարպետաց դասերի մասնակցության հրավերը, ժամանակացույցը, գրանցման և ծրագրերի առցանց հղումները կարող եք տեսնել այստեղ  և այստեղ:

Յուրաքանչյուր դասախոս կարող է գրանցվել առավելագույնը երկու վարպետաց դասի համար:

Դասերին գրանցվելու վերջնաժամկետը ս.թ. սեպտեմբերի 7-ն է, տեղերը սահմա­նափակ են՝ ըստ գրանցման առաջնահերթության:

Ավելի մանրամասն տեղեկատվության համար կարող եք այցելել նաև PRINTeL-ի կայքէջ հետևյալ հղումով՝ http://printel.am/category/events/printel-master-classes–teachers-in-digi: