ԵՊՀ Իջևանի մասնաճյուղը հայտարարում է 2021-2022 ուստարվա հեռակա ուսուցման ընդունելություն՝ բակալավրի հետևյալ կրթական ծրագրերով.

• Տարրական մանկավարժություն և մեթոդիկա,
• Պատմություն,
• Հայոց լեզու և գրականություն,
• Ֆինանսներ (ըստ ոլորտի),
• Հոգեբանություն,
• Զբոսաշրջություն:

Ընդունելության մրցույթին մասնակցելու համար դիմում-հայտերն ընդունվում են 2021թ. օգոստոսի 25-ից մինչև սեպտեմբերի 24–ը (մինչև ժամը 18:00-ն): Դիմում-հայտը և փաստաթղթերը կարելի է ներկայացնել ԵՊՀ ԻՄ-ի ընդունող հանձնաժողով (հասցե՝ ՀՀ Տավուշի մարզ, ք. Իջևան, Ուսանողական-1) կամ ուղարկել ephimmkpk@gmail.com էլեկտրոնային հասցեին։  Ընդունող հանձնաժողովը կաշխատի ս.թ. օգոստոսի 25-ից՝ ժամը 10։0-ից 16։00-ն։

Լրացուցիչ տեղեկություններ կտեղադրվեն ԵՊՀ իՄ-ի պաշտոնական կայքէջի (ijevan.ysu.am) «Դիմորդ» բաժնում:

ՈՒՇԱԴՐՈՒԹՅՈՒՆ.

Դիմում-հայտն առցանց ներկայացնելուց առաջ պետք է նախօրոք ունենալ ներքոնշյալ փաստաթղթերի բնօրինակների էլեկտրոնային տարբերակները։ Փաստաթղթերի էլեկտրոնային տարբերակները առցանց կցվում են դիմում-հայտին, իսկ բնօրինակները ընդունվելուց հետո ներկայացվում են ընդունող հանձնաժողովին։

2021-2022 ՈՒՍՏԱՐՎԱ ՀԵՌԱԿԱ ՈՒՍՈՒՑՄԱՆ ԸՆԴՈՒՆԵԼՈՒԹՅԱՆ ՀԱՄԱՐ ԱՆՀՐԱԺԵՇՏ ՓԱՍՏԱԹՂԹԵՐԸ

1. Ավարտական փաստաթուղթ (ատեստատ կամ դիպլոմ` միջուկի հետ),
2. 4 լուսանկար (3×4 սմ չափսի),
3. Անձը հաստատող փաստաթուղթ (անձնագիր, նույնականացման քարտ, ծննդյան վկայական, փախստականի վկայական, ՀՀ հատուկ անձնագիր, կացության վկայական),
4. Զինվորական գրքույկ (առկայության դեպքում) (1-4-րդ էջերը) կամ զինվորական կոմիսարիատից տեղեկանք ժամկետային զինվորական ծառայությունը անցնելու մասին,
5. 2021թ․ հեռակա ընդունելության կարգի կանոնների 30-32-րդ կետերով սահմանված արտոնություններից օգտվող դիմորդները ներկայացնում ենհամապատասխան փաստաթղթեր (1-ին կամ 2-րդ խմբի և մինչև 18 տարեկան մանկուց հաշմանդամության, առանց ծնողական խնամքի մնացած լինելու մասին, ինչպես նաև Հայաստանի Հանրապետության պաշտպանության նախարարության, Հայաստանի Հանրապետության ոստիկանության և Հայաստանի Հանրապետության ազգային անվտանգության ծառայության տված տեղեկանքներ),

6. Միջազգային և հանրապետական մրցույթների (օլիմպիադաներ, փառատոներ) դիպլոմները (առկայության դեպքում),
7. Տեղեկանք տվյալ տարվա ներբուհական ընդունելության քննությունների գնահատականների վերաբերյալ,
8. «Գնահատման և թեստավորման կենտրոն» ՊՈԱԿ-ի կողմից տրված միասնական քննությունների վկայագիր (Միասնական քննության դրական գնահատականը պահպանելու դեպքում),
9. Առկա ուսուցման համակարգում սովորող անձինք, հեռակա ուսուցման ընդունելության մրցույթին մասնակցելու համար կարող են ներկայացնել միջնակարգ կրթության ատեստատի կրկնօրինակը` այն բուհի նշագրումով և կնիքով, որտեղ գտնվում է բնօրինակը,
10. Ընտանիքի անապահովության միավորի վերաբերյալ սոցիալական ծառայություններ տրամադրող տարածքային մարմնի տրամադրած տեղեկանք, Հայաստանի Հանրապետության կառավարության 2014 թվականի դեկտեմբերի 18-ի N 1444-Ն որոշման N 1 հավելվածում ներառված սոցիալական աջակցություն ստացող համայնքներում հաշվառված և վերջին հինգ տարում մշտապես բնակվելու վերաբերյալ տեղեկանք (առկայության դեպքում),
11. Վճարելու վերաբերյալ անդորրագիր։ Քննությունների կազմակերպման և անցկացման նպատակով յուրաքանչյուր քննության համար դիմորդը վճարում է 1500 դրամ։ Վճարումը պետք է կատարել ըստ ստորև ներկայացվող աղյուսակի։ Անկախ քննության արդյունքից վճարված գումարը չի վերադարձվում։

ՈՒՇԱԴՐՈՒԹՅՈՒՆ.

Վերոնշյալ տվյալների, ինչպես նաև դիմորդի անունի, ազգանունի կամ հայրանունի բացակայության դեպքում վճարման կտրոնը կհամարվի անվավեր:

ՀՀ պետական բուհերում բակալավրի կրթական ծրագրով հեռակա ուսուցման ընդունելության կանոնները տե՛ս այստեղ։

ԵՊՀ ԻՄ–ի՝ 2021-2022 ուստարվա բակալավրի հեռակա ուսուցման ընդունելության մասնագիտությունները, քննությունները, տեղերը և վարձաչափերը տե՛ս այստեղ։

Դիմում-հայտի ձևը տե՛ս՝

1․ այստեղ:

2․ այստեղ։

Ուսման տևողությունը 5 տարի է:

Հասցեն` Տավուշի մարզ, քաղաք Իջևան, Ուսանողական 1:

Կայքէջ՝   http://old-ijevan.ysu.am

Մանրամասն տեղեկությունների համար կարող եք զանգահարել ԵՊՀ ԻՄ-ի ՄԿՊԿ բաժնի վարիչ Լ.Բեգինյանին (094 032 112) կամ ընդունող հանձնաժողովի պատասխանատու քարտուղար  Վ. Աղաբաբյանին (096 987 654 /Viva Cell/, 096 557 556 /Beeline/):

Սիրելի՛ ուսանողներ, «Բի Էս Սի» բիզնեսի աջակցման կենտրոնը ՀՀ բարձր տեխնոլոգիական արդյունաբերության նախարարության դրամաշնորհային ծրագրի շրջանակներում համաֆինանսավորմամբ իրականացնում է «Տվյալագիտության (Data Science/Analytics) և «ՏՏ վաճառքների (IT Sales)» առցանց (online) դասընթացներ:

«Տվյալագիտության (Data Science/Analytics) դասընթացի մասին տե՛ս հետևյալ հղումով՝ https://edu.hti.am/trainings/datascience-analytics:

«ՏՏ վաճառքների (IT Sales)» դասընթացի մասին տե՛ս հետևյալ հղումով՝ https://edu.hti.am/trainings/it-sales:

Դասընթացների վերաբերյալ այլ մանրամասներին ու գրանցման պայմաններին կարող եք ծանոթանալ այստեղ:

Լրացուցիչ հարցերի դեպքում կարող եք զանգահարել 095 574 778 հեռախոսահամարով:

ՀՀ ԿԳՄՍՆ գիտության կոմիտեն կազմակերպում է գիտական և գիտատեխնիկական գործունեության պայմանագրային (թեմատիկ) ֆինանսավորման շրջանակներում կիրառական արդյունքի ձեռքբերմանն ուղղված գիտական նախագծերի հայտերի մրցույթ:

Դրամաշնորհները կտրամադրվեն համաֆինանսավորման սկզբունքով՝ 4-6 անձից բաղկացած գիտահետազոտական խմբերի կողմից ներկայացված, 24 ամիս տևողությամբ, այնուհետև՝ ևս 12 ամիս երկարացման հնարավորությամբ գիտական նախագծերին՝ «Բնական գիտություններ», «Ճարտարագիտություն և տեխնոլոգիա», «Բժշկական գիտություններ», «Գյուղատնտեսական գիտություններ» բնագավառների՝ հրավերում նշված մասնագիտություններով:

Գիտական փորձաքննության ընթացքում լրացուցիչ առավելություն կտրվի ՀՀ տնտեսության, գյուղատնտեսության, առողջապահության, բարձր տեխնոլոգիաների, շրջակա միջավայրի և ենթակառուցվածքների  զարգացմանը նպաստող ուղղություններին համապատասխանող գիտական նախագծերին (համապատասխան գերատեսչությունների կողմից առաջարկվող ուղղություններին կարելի է ծանոթանալ հետևյալ հղումով՝ http://scs.am/files/directions_ministries.pdf: 

Մրցույթին մասնակցելու հայտը լրացնում և ներկայացնում է խմբի ղեկավարը՝ կոմիտեի հայտերի և հաշվետվությունների առցանց համակարգի միջոցով (grants.scs.am)՝ մինչև 2021թ. օգոստոսի 13-ը ներառյալ: Հայտի ուղարկման հնարավորությունն արգելափակվում է Երևանի ժամանակով ժամը 18:00-ին:

Պահանջվող փաստաթղթերը Կոմիտե են ներկայացվում առձեռն՝ աշխատանքային օրերին ժամը 10:00-13:00 և 14:00-17:00 (Օրբելի եղբայրների 22, 7-րդ հարկ, 708 սենյակ) կամ փոստով (Երևան 0028, Օրբելի եղբայրների 22)՝ մինչև 2021 թ. օգոստոսի 20-ը ներառյալ:

Մրցույթի վերաբերյալ լրացուցիչ տեղեկություններ և խորհրդատվություն կարելի է ստանալ Կոմիտեի գիտական քաղաքականության վարչության գիտական մշակումների պատվերի ձևավորման և ինովացիոն ծրագրերի բաժնում (հեռ.` 210 140 (105)): 

Մրցույթի հրավերի փաթեթը

Աղբյուրը՝ http://scs.am/:

Սիրելի՛ համալսարանականներ, տեղեկացնում ենք, որ ԵՊՀ արհեստակցական կազմակերպությունը պայմանավորվածություն է ձեռք բերել տուրիստական կազմակերպության հետ համալսարանի աշխատողների ամառային հանգիստն առավել մատչելի դարձնելու համար:

Եթե ԵՊՀ արհեստակցական միության անդամ եք, ապա Ձեր և Ձեր ընտանիքի անդամների ամառային հանգիստը կարող եք կազմակերպել Հայաստանում գործող Ձեր նախընտրելի հանգստյան տանը, առողջարանում և հյուրանոցում՝ սահմանվածից 10% զեղչված գներով:

Նախորդ տարիների համեմատ այս տարի ավելացել է ևս մեկ հնարավորություն. սահմանված 10% զեղչը տարածվում է նաև Հայաստանից դուրս՝ արտագնա–արտասահմանյան տուրիստական փաթեթների վրա:

Առավել մանրամասն տեղեկություն ստանալու և ուղեգրեր ձեռք բերելու համար կարող եք դիմել՝ ԵՊՀ ԱՐՀԿՈՄԻՏԵ, Ալեք Մանուկյան 1, կենտրոնական մասնաշենք, 4-րդ հարկ, 411 սենյակ, հեռ. (+374)60 710176, (+374)10 554612 կամ (+374)55 003989 (ժամը 10:00-17:00):

ԵՊՀ ԱՐՀԵՍՏԱԿՑԱԿԱՆ ԿԱԶՄԱԿԵՐՊՈՒԹՅՈՒՆ

Սիրելի՛ ուսանողներ, 2021թ. հոկտեմբերի 20-23-ը ԵՊՀ մշակույթի կենտրոնի նախաձեռնությամբ Հայաստանում առաջին անգամ կանցկացվի երիտասարդ ստեղծագործողների և կատարողների միջազգային ուսանողական բիենալե:

Բիենալեն կանցկացվի հետևյալ ուղղություններով՝

Ստեղծագործական մրցույթ

1. Կոմպոզիտորական մրցույթ
2. Գրական մրցույթ
3. Կերպարվեստի, լուսանկարչության և կիրառական արվեստի մրցույթ

Կատարողական մրցույթ

1. Երգի մրցույթ (անհատական կատարում, զուգերգ, խմբերգ)
2. Ասմունքի և թատերական մրցույթ (ներկայացում մինչև 15 րոպե)
3. Պարային մրցույթ (անհատական կատարում, զուգապար, խմբակային կատարում)
4. Գործիքային մրցույթ (անհատական և  նվագախմբային կատարումներ):

Ներկայացված ստեղծագործությունները գնահատվելու են պրոֆեսիոնալ ժյուրիի կողմից: Յուրաքանչյուր ուղղության համար նախատեսված մրցանակային տեղերից և պարգևատրումներից բացի, փառատոնի մասնակիցները կստանան նաև պատվոգրեր և հուշանվերներ: 

Բիենալեի ընթացքում տեղի կունենան հետևյալ գլխավոր միջոցառումները.

• մասնակիցների աշխատանքների ցուցահանդես
• ԱՊՀ երկրների մշակույթ տոնավաճառ
• բիենալեի գալա համերգ:

Անցկացվելու են նաև արվեստի և մշակույթի վերաբերյալ դասախոսություններ, քննարկումներ, կլոր-սեղաններ, մասնագետների կողմից վարպետության դասընթացներ: 

Բիենալեին կարող են մասնակցել ԱՊՀ երկրների բուհերի ուսանողները: Մասնակցության համար անհրաժեշտ է լրացնել հայտը, դրան կցել նաև ինքնակենսագրությունը, անձնագրի պատճեն, տվյալ բուհից տրված տեղեկանքը, ներկայացվող աշխատանքի էլեկտրոնային տարբերակը:

Հայտերի ընդունման վերջնաժամկետը 2021թ. հուլիսի 25-ն է:

Մնացյալ մանրամասների վերաբերյալ գրանցված մասնակիցները կտեղեկացվեն անհատապես:

Հայտաձևը տե՛ս այստեղ:

Լրացուցիչ տեղեկությունների համար դիմել ԵՊՀ մշակույթի կենտրոն:

Հեռ՝ քաղ. (060)710-183, (060)710-184, ներքին՝ 11-83, 11-84

Կայքէջ՝ www.ysu.am/culture

https://www.facebook.com/ephculturecenter/

Էլ. հասցե՝ culturecenter@ysu.am