ՀՀ բարձր տեխնոլոգիական արդյունաբերության նախարարության կողմից հայտարարված դրամաշնորհային ծրագրի շրջանակում «BITSCHOOL» ծրագրավորման և բիզնեսի դպրոցը համաֆինանսավորմամբ իրականացնում է սկսնակ և միջին մակարդակների «React.js» ծրագրավորման դասընթացներ:

Դասընթացը հնարավորություն է տալիս սկսնակ և միջին մակարդակի դիմորդներին ձեռք բերել այնպիսի գիտելիքների պաշար, որոնք հնարավորություններ և նոր հորիզոններ կբացեն մասնակիցների համար՝ տեղեկատվական տեխնոլոգիաների / ծրագրավորման աշխատաշուկայում աշխատանքի իրական հնարավորությամբ:

Դասընթացին կարող են մասնակցել նրանք, ովքեր հետաքրքրված են ՏՏ և ծրագրավորման ոլորտներով, կանցնեն դասընթացի ընդունելության կարգը և կհամապատասխանեն ծրագրի պահանջներին:

Գնահատելով և ընդգծելով համալսարանների դերը երիտասարդների զարգացման և առաջխաղացման գործում՝ «Bitschool» ծրագրավորման և բիզնես դպրոցը ցանկություն է հայտնում և ակնկալում, որ ԵՊՀ Իջևանի մասնաճյուղի ուսանողները կներգրավվեն ծրագրում:

Դասընթացին մասնակցելու համար անհրաժեշտ է դիմել մինչև 2020թ. դեկտեմբերի 30-ը:

Դասընթացի ընդունելության կարգը, մասնակցության պայմանները և այլ մանրամասներ տե՛ս հետևյալ հղումով:

«Դասավանդի՛ր, Հայաստան» կրթական հիմնադրամը ԵՊՀ Իջևանի մասնաճյուղի ավարտական կուրսերի ուսանողներին սիրով հրավիրում է մասնակցելու «Դասավանդի՛ր, Հայաստան»-ի Առաջնորդության զարգացման երկամյա ծրագրի վերաբերյալ տեղեկատվական հանդիպման։

Առցանց հանդիպման ընթացքում մասնակիցները մանրամասն կծանոթանան ծրագրին, ընձեռվող հնարավորություններին ու առավելություններին, ծրագրին դիմելու կարգին։ Հանդիպման մասնակիցներին նաև կներկայացվեն ծրագրի Ուսուցիչ-առաջնորդների ու շրջանավարտների պատմություններն ու իրականացրած նախագծերը։

Ե՞րբ.

դեկտեմբերի 3-ին` ժամը 17։00-ին:

Որտե՞ղ.

https://us02web.zoom.us/j/81578598124?pwd=aDR6Q2tOa0ltWCt2L0R5Y0VUQkhpUT09 (Meeting ID: 815 7859 8124 Passcode: 524266):

Գրանցման հղումը` https://goo.su/3cFl

Սիրով կսպասենք բոլորիդ։

Ծրագրի մասին.

«Դասավանդի՛ր, Հայաստան»-ն իրականացնում է Առաջնորդության զարգացման երկամյա ծրագիր` Հայաստանի լավագույն երիտասարդ մասնագետների համար: Այն միտված է բացահայտելու մասնակիցների մասնագիտական և առաջնորդական ներուժը՝ միաժամանակ նպաստելով գյուղական համայնքների զարգացմանը:

Հավաքագրելով և վերապատրաստելով համալսարանների շրջանավարտներին ու երիտասարդ մասնագետներին՝ անկախ մասնագիտությունից` «Դասավանդի՛ր, Հայաստան»-ը գործուղում է նրանց այն դպրոցներ, որտեղ կա ուսուցչի կարիք։

Սոցիալական փոփոխության հասնելու այս հաջողված ծրագիրն ունի 25 տարվա պատմություն և կիրառվել է աշխարհի ավելի քան 50 երկրում, որոնք համախմբվել են «Teach For All» (Կրթություն բոլորի համար) միջազգային ցանցի ներքո։

Ծրագրին կարող են դիմել բոլորը՝ անկախ մասնագիտությունից։ Անհրաժեշտ է ունենալ բակալավրի դիպլոմ 2021 թվականի հուլիս ամսվա դրությամբ, եթե դեռ ուսանող եք:

Ծրագրի նկարագիրը կարող եք տեսնել այստեղ:

Լրացուցիչ տեղեկությունների համար կարող եք անցնել այս հղումով՝ https://arm.teachforarmenia.org/tfaprogram:

Սիրելի՛ ուսանողներ, 2020թ. նոյեմբերի 26-ին՝ ժամը 21:00-22:00-ն, Zoom հարթակում տեղի կունենա վեբինար բիզնես փորձագետ Աստղիկ Հովեյանի հետ:

Վեբինարի ընթացքում դուք կբացահայտեք.

• Ինչու՞ են որոշ ապրանքանիշներ հարատև:
• Ո՞րն է մրցունակ բիզնես հիմնադրելու գաղտնիքը:
• Ինչպե՞ս է մարքեթինգն օգնում դիրքավորվել շուկայում:

Վեբինարը կարող է առավել հետաքրքրել Տնտեսագիտության և Կիրառական արվեստի ֆակուլտետների ուսանողներին:

Մասնակիցները կարող են նաև Ա.Հովեյանին ուղղել իրենց հետաքրքրող հարցերը:

Վեբինարին կարող եք միանալ հետևյալ հղումով՝

Meeting ID: 930 178 3464

Passcode: nSy8rp