Սիրով տեղեկացնում ենք, որ այսօր՝ հոկտեմբերի 27-ին, ԵՊՀ ԻՄ-ի պաշտոնական կայքի «Դիմորդ» բաժնի Հեռակա ուսուցման «Մագիստրատուրայի ընդունելության մրցույթի արդյունքները» էջում հրապարակվել են «Ընդհանուր մանկավարժություն» մասնագիտության «Դպրոցական մանկավարժություն և մեթոդիկա» կրթական ծրագրով 2020-2021 ուստարվա մագիստրատուրայի հեռակա ուսուցման ընդունելության մրցույթում հաղթած 25 դիմորդների անունները: Մոտակա 1.5 տարում նրանք կխորանան մանկավարժի մասնագիտության առանձնահատկությունների մեջ, կլսեն մասնագիտական և հետազոտության մեծ փորձառություն ունեցող մանկավարժների ու մեթոդիստների դասախոսություններ, կիրականացնեն ինքնուրույն հետազոտություններ մանկավարժության ոլորտում:

ԵՊՀ Իջևանի մասնաճյուղի ողջ անձնակազմի անունից ջերմորեն շնորհավորում ենք մագիստրատուրա ընդունված մեր դիմորդներին՝ նրանց մաղթելով մասնագիտական և անձնական մեծ հաջողություններ, ամենայն բարիք, անկոտրում կամք և նպատակասլացություն՝ իրենց գիտելիքներն ու կարողությունները նպատակային և արդյունավետ կիրառելու գործում:

Դասերը կմեկնարկեն ս.թ. նոյեմբերի 16-ին, իսկ մինչև նոյեմբերի 6-ը առավելագույն միավորներ հավաքած դիմորդները պետք է ներկայանան ԵՊՀ ԻՄ-ի ուսումնամեթոդական վարչություն՝ պայմանագիր կնքելու։ Կհրամանագրվեն այն դիմորդները, ովքեր մինչև նոյեմբերի 10-ը վճարած կլինեն կիսամյակի ուսման վարձը (ամբողջությամբ կամ կեսը):

Առավելագույն միավորներ հավաքած, բայց մինչև վերոնշյալ ժամկետը չներկայացած դիմորդների տեղը կզբաղեցնեն ըստ միավորների և ՄՈԳ-ի՝ մյուս դիմորդները:

2020թ. հոկտեմբերի 22-ին ՀՀ ԿԳՄՍ նախարարի կողմից հաստատվել են  ԵՊՀ ԻՄ-ի հեռակա ուսուցման՝ 2020թ. ընդունելության մրցույթի արդյունքները, որոնք հրապարակված են ԵՊՀ Իջևանի մասնաճյուղի պաշտոնական կայքի «Դիմորդ» բաժնի Հեռակա ուսուցման «Ընդունելության արդյունքները» էջում:

2020/2021 ուսումնական տարվա առաջին կիսամյակի առաջին ընթացիկ քննությունների ժամկետը հետաձվգել է մեկ շաբաթով: Դրանք իրականացվելու են նոյեմբերի 2-7-ն ընկած ժամանակահատվածում:

Հարգելի՛ գործընկերներ, սիրելի՛ ուսանողներ,

Այսօր առավել, քան երբևէ կարևոր է, որ յուրաքանչյուրս մեր դիրքում ամուր և տոկուն լինենք և կատարենք մեր պարտքը, չընկրկենք ո՛չ մարտի դաշտում, ո՛չ էլ թիկունքում՝ հատկապես կրթվելու մեր իրավունքն իրացնելիս։

ԵՊՀ գիտական խորհուրդը, հաշվի առնելով «ԵՊՀ բակալավրի և մագիստրոսի կրթական ծրագրերով ուսումնական գործընթացի կազմակերպման կարգի» 3.1. և 3.2. կետերով սահմանված ընթացիկ քննությունների անցկացման պահանջը և հիմք ընդունելով ՀՀ կառավարության կողմից 2020թ. սեպտեմբեր 27-ի 1586 – Ն որոշումը Հայաստանում ռազմական դրություն հայտարարելու մասին, ինչպես նաև դիտարկելով այդ իրավիճակով պայմանավորված ուսանողության մի հատվածի անմիջական մասնակցությունը պատերազմական գործողություններին (այդ թվում՝ կամավորական աշխատանքների կատարումը, բնակությունը սահմանամերձ շրջաններում, ինչպես նաև ապաստարաններում), որոշել է.

1. 2020/2021 ուսումնական տարվա առաջին կիսամյակի առաջին ընթացիկ քննությունների ժամկետը հետաձգել մեկ շաբաթով, և ընթացիկ քննու­թյուններն իրականացնել նոյեմբերի 2-7-ն ընկած ժամանակա­հատ­վածում:
2. Հնարավորություն տալ կրթական ծրագրեր իրականացնող ստորա­բաժա­նումներին կրճատելու ընթացիկ քննությունների քանակը՝ հասցնելով նվազագույնը երեքի (վերոնշյալալ կարգի 2.7. կետ):
3. Պատերազմական գործողություններին անմիջականորեն մասնակցող, Արցախում կամավորական աշխատանք կատարող, սահմանամերձ շրջաններում, ինչպես նաև ապաստարաններում բնակվող ուսանող­ներին հնարավորություն տալ հանձնելու ընթացիկ քննություններն իրենց համար սահմանված ժամկետում՝ հիմք ընդունելով նրանց դիմումը:

Աղբյուրը՝ ysu.am:

 Հարգելի՛ դիմորդներ, տեղեկացնում ենք, որ 2020թ. հոկտեմբերի 5-12-ը ԵՊՀ Իջևանի մասնաճյուղն ընդունելության մրցութային քննական առարկաներից ZOOM հարթակի միջոցով իրականացնելու է  խորհրդատվություն, որը ձեզ հնարավորություն կտա ևս մեկ անգամ ծանոթանալ թեստերի կառուցվածքին, ձևաթղթի լրացման կարգին, ստանալ ձեր հարցերի պատասխանները քննական առարկաններից։

 Խորհրդատվությանը կարող եք մասնակցել ներքոնշյալ հղումներով․

• «Հայոց լեզու և գրականություն» – հոկտեմբերի 5-ին՝ ժամը 13։00-ին, 7-ին՝ ժամը 14։00-ին, 9-ին՝ ժամը 09։30-ին և 10-ին՝ ժամը 13։00-ին,11-ին՝ժամը 09։30-ին և 12-ին՝ ժամը 11։00-ին, https://us04web.zoom.us/j/5994080811?pwd=Y0dQbnBlU2l3cFptbWxjUysvQ3ErZz09
• «Պատմություն»– հոկտեմբերի 6-ին, 7-ին, 8-ին և 9-ին և 10-ին՝ ժամը 16։00-ին, https://us04web.zoom.us/j/5445241992?pwd=Y2JmUy9GZjNZM3QzQUN0RG1Wa0g5dz09
• «Մաթեմատիկա»– հոկտեմբերի 5-ին, 6-ին, 8-ին և 10-ին, ժամը՝ 20։45-ին և 12-ին ժամը 10:00-ին https://us04web.zoom.us/j/9363239614?pwd=SlA3ekFJYytwS2oybXFMMGpjVWhFQT09։

Մասնակցության համար նախապես ծանոթացե՛ք  Zoom ծրագրից օգտվելու կարգին:

Անհրաժեշտության դեպքում կարող եք օգտվել ԵՊՀ Իջևանի մասնաճյուղի կայքում տեղադրված «Zoom ուսանողի ուղեցույց»-ից հետևյալ հղումով:

Կազմակերպչական հարցերի դեպքում կարող եք զանգահարել 096 98 76 54  հեռախոսա­համարով, Zoom ծրագրի հետ կապված հարցերի դեպքում՝ 077 83 07 60  հեռախոսա­համարով:

Սիրելի՛ ուսանողներ, աշխատակիցներ, հայրենակիցներ, Արցախում ծավալվող պատերազմական իրադրությամբ պայմանավորված՝ ԵՊՀ Իջևանի մասնաճյուղի Ուսանողական գիտական ընկերությունը և Ուսանողական խորհուրդը նախաձեռնել են անհրաժեշտ իրերի` ծխախոտի, պահածոյացված ու չփչացող սննդի, առաջին անհրաժեշտության այլ պարագաների հավաքագրում՝ առաջնագիծ ուղարկելու նպատակով:

Այս օրերին առավել, քան երբևէ անհրաժեշտ է մեր միասնականությունը թիկունքում՝ հանուն մեր հերոս եղբայրների:

ԵՊՀ ԻՄ-ի ուսանողական կառույցների նախաձեռնությանը միանալու համար նախատեսվող պարագաները կարող եք բերել ԵՊՀ Իջևանի մասնաճյուղ (ՈՒԽ և ՈՒԳԸ սենյակ), այսօր՝13:00-ից մինչև 21:00-ն:

Հավաքագրումը շարունակվելու է մի քանի օր:

Կոնտակտային տվյալներ՝

098121259 / 077132700

ԵՊՀ ԻՄ-Ի ՈՒՍԱՆՈՂԱԿԱՆ ԽՈՐՀՈՒՐԴ 

ԵՊՀ ԻՄ-Ի ՈՒՍԱՆՈՂԱԿԱՆ ԳԻՏԱԿԱՆ ԸՆԿԵՐՈՒԹՅՈՒՆ