Միջին մասնագիտական ուսումնական հաստատությունների (ՄՄՈՒՀ) շրջանավարտների 2020-2021 ուսումնական տարվա ԵՊՀ ԻՄ-ի ընդունելության դիմում-հայտերն ընդունվում են մինչև 2020թ. օգոստոսի 30-ը ներառյալ առցանց տարբերակով՝ ysu_ib@ysu.am  էլեկտրոնային հասցեի միջոցով:

Համաձայն ՀՀ կառավարության մայիսի 27-ի N856-Ն որոշման՝ դիմում-հայտը կարող են լրացնել միայն «Գերազանց» և (կամ) «Լավ» գնահատական ունեցող շրջանավարտները:

Դիմում-հայտին անհրաժեշտ է կցել հետևյալ փաստաթղթերը (սքանավորված)՝

1. Դիպլոմ և դիպլոմի միջուկը (միջուկը սքանավորվում է երկու կողմից)
2. Անձնագիր կամ նույնականացման քարտ
3. Կցագրման վկայական կամ զինվորական գրքույկ:

Դիմորդին չի թույլատրվում ներկայացնել մեկից ավելի դիմում-հայտ:

Դիմում-հայտի ձևը տե՛ս այստեղ:

ԵՊՀ ԻՄ-ի՝ 2020-2021 ուստարվա ուսման վարձավճարների չափերը ըստ մասնագիտությունների տե՛ս այստեղ:

Հարցերի դեպքում կարող եք զանգահարել 093 41 51 22 հեռախոսահամարով յուրաքանչյուր աշխատանքային օր՝ ժամը 12:00-ից մինչև 16:00-ն:

Բոլոր դիմորդներին մաղթում ենք հաջողություն:

Սիրելի՛ ուսանողներ, ROSATOM ընկերությունը հայտարարում է «Տեխնոլոգիաներ, որոնք փոխում են աշխարհը» նկարչական մրցույթի անցկացման մասին՝ նվիրված միջուկային արդյունաբերության 75-ամյակին։ Մրցույթն անցկացվում է Հայաստանում գիտության և մշակույթի ռուսական կենտրոնների հետ համատեղ:

Մրցույթի հիմնական նպատակներն են.

• միջուկային էներգիայի և միջուկային տեխնոլոգիաների նկատմամբ օբյեկտիվ վերաբերմունքի ձևավորում,
• ստեղծագործական մտածողության հմտությունների զարգացում,
• երեխաների և երիտասարդների ստեղծագործական ունակությունների բացահայտում:

Մրցույթն անցկացվում է հետևյալ թեմաներով․

• «Իմ երկրի միջուկային էներգիան»,
• «Միջուկային ոլորտի մասնագիտություններ/Մարդիկ և գործեր»,
• «Միջուկային տեխնոլոգիաները մարդու կյանքում»։

Մրցույթին ներկայացվող աշխատանքները պետք է լինեն А4 չափից ոչ փոքր և А3 չափից ոչ մեծ։ Նկարները կարող են կատարված լինել ցանկացած նյութի վրա (կտավ, ստվարաթուղթ, վատման և այլն), իրականացված լինեն նկարչական ցանկացած տեխնիկայով (յուղաներկ, ջրաներկ, գունավոր մատիտներ, տուշ, պաստել և այլն)։ Մրցույթին ընդունվում են առանց ուսուցիչների և ծնողների օգնության պատրաստված նկարները, որոնք համապատասխանում են մրցույթի թեմատիկային։

Մրցույթին ընդունվում են նաև թվային տեխնոլոգիաների կիրառմամբ ստեղծված աշխատանքները (համակարգչային գրաֆիկա, նկարազարդում, կոլաժ, պաստառ կամ հեղինակի ընտրությամբ այլ վիզուալ նախագիծ)։

Մրցույթի անցկացման ժամկետը՝ 2020 թվականի սեպտեմբեր-հոկտեմբեր:

Մրցույթի փուլերը.

• աշխատանքների ընդունում` մինչև 2020թ. սեպտեմբերի 30-ը ներառյալ,
• աշխատանքների գնահատում՝ 2020թ. հոկտեմբերի 1-5-ը,
• լավագույն աշխատանքների ցուցահանդեսի կազմակերպում և մրցույթի հաղթողների պարգևատրում՝ մինչև 2020թ. ավարտը։

Մրցույթին կարող են մասնակցել ՀՀ հանրակրթական, նախնական և միջին մասնագիտական, ինչպես նաև բարձրագույն ուսումնական հաստատությունների սովորողները:

Մրցույթի մասնակիցների տարիքը.

• երեխաներ և դպրոցականներ՝ մինչև 12 տարեկան,
• դպրոցականներ, ուսանողներ, երիտասարդներ՝ 13-ից 31 տարեկան:

Մրցույթին մասնակցելու համար նկարները պետք է ներկայացվեն մինչև 2020թ. սեպտեմբերի 30-ը Երևանում Գիտության և մշակույթի ռուսական կենտրոն (հասցեն՝ Երևան, Պռոշյան 1-ին նրբ. 20/14, հեռ․՝ +374 12 544890, էլ. փոստ՝ armenia_erevan@rs.gov.ru):

«Տեխնոլոգիաներ, որոնք փոխում են աշխարհը» նկարչական մրցույթի տեղեկատվական թերթիկը տե՛ս այստեղ:

Մրցույթի անցկացման կարգը տե՛ս այստեղ:

Հայ oգնության ֆոնդը (ՀՕՖ) «Մաթևոսյան կրթավճար» ծրագրի շրջանակներում Երևանի պետական համալսարան, Հայաստանի ազգային պոլիտեխնիկական համալսարան, Հայաստանի պետական տնտեսագիտական համալսարան, Հայաստանի ազգային ագրարային համալսարան և նրանց մասնաճյուղեր ընդունված սոցիալապես անապահով, բարձր առաջադիմություն ցուցաբերած, բակալավրի առկա բաժնի առաջին կուրսեցիների համար հայտարարում է մրցույթ:

Մրցույթին կարող են մասնակցել այն ուսանողները, որոնք.

ա) ընդունվել են․

• ԵՊՀ – մաթեմատիկայի և մեխանիկայի, ինֆորմատիկայի և կիրառական մաթեմատիկայի, ֆիզիկայի, ռադիոֆիզիկայի, քիմիայի, ֆարմացիայի, կենսաբանության, միջազգային հարաբերությունների /քաղաքագիտություն, հանրային կառավարում/, սոցիոլոգիայի /սոցիալական աշխատանք/, փիլիսոփայության և հոգեբանության /հոգեբանություն/, հայ բանասիրության, աշխարհագրություն և երկրաբանություն /սերվիս/ և ժուռնալիստիկայի ֆակուլտետներ:
• ՀՊՏՀ – ֆինանսական, ինֆորմատիկայի և վիճակագրության, հաշվապահական հաշվառման և աուդիտի ֆակուլտետներ:
• ՀԱՊՀ – տեղեկատվական և հեռահաղորդակցական տեխնոլոգիաների ու էլեկտրոնիկայի, էներգետիկայի և էլեկտրատեխնիկայի ինստիտուտներ, կիրառական մաթեմատիկայի և ֆիզիկայի, ընդերքաբանության և մետալուրգիայի ֆակուլտետներ, մեխանիկամեքենաշինական, տրանսպորտային համակարգերի և դիզայնի ինստիտուտ (ավիացիոն և հրթիռային տեխնիկա):
• ՀԱԱՀ- ագրոբիզնեսի և շուկայաբանության, տնտեսագիտական, անասնաբուժական և անասնաբուժական բժշկագիտության, ագրոնոմիկայի ֆակուլտետներ:
• ՀՊՄՀ- հատուկ կրթության, Կրթության հոգեբանության և սոցիոլոգիայի ֆակուլտետ/հոգեբանություն, սոցիալական աշխատանք, սոցիալական մանկավարժություն/։

բ) ունեցել են բարձր առաջադիմություն դպրոցում, միասնական քննությունը հանձնել են լավ կամ գերազանց գնահատականով և ընդունվել ուսուցման վճարովի համակարգ,

գ) սոցիալապես անապահով ընտանիքներից են,

դ) պարտավորվում են ուսման ավարտից հետո նվազագույնը 4 տարի ապրել և աշխատել Հայաստանի Հանրապետությունում կամ Արցախում,

ե) առավելություն կտրվի միասնական քննությունից բարձր գնահատական ստացած դիմորդներին։

Վերոհիշյալ պայմաններին համապատասխանող ուսանողները պետք է քննությունների ավարտից հետո, 2020թ. օգոստոսի 1-ից 15-ը ներառյալ ք. Երևան, Մովսես Խորենացի 22 հասցեում գտնվող ՀՕՖ-ի Հայաստանի մասնաճյուղ ներկայացնեն կամ էլ․ փոստով edik.karapetyan@far.am, mane.khachatryan@far.am ուղարկեն հետևյալ փաստաթղթերը.

• Դիմում (ձևը ստանալու համար կարող եք դիմել վերոհիշհալ հասցեներով կամ ՀՕՖ-ի ֆեյսբուքյան էջին`facebook.com/farusa/ (Fund for Armenian Relief),
• անձնագրի պատճեն,
• 1 լուսանկար (3×4 սմ չափսի),
• միջնակարգ կրթության վկայականի պատճեն,
• միասնական քննության գնահատականի մասին տեղեկանք,
• ԲՈՒՀ ընդունվելու մասին հանրապետական ընդունող հանձնաժողովի կողմից հաստատված ցուցակի պատճեն,
• ընտանիքի անապահովության միավորի մասին տեղեկանք (առկայության դեպքում),
• տեղեկանք ծնողների աշխատավայրից՝ նրանց աշխատանքի և աշխատավարձի վերաբերյալ, եթե չեն աշխատում՝ տեղեկանք զբաղվածության տարածքային կենտրոնից կամ աշխատանքային գրքույկի պատճեն, պարզաբանումով ներկա զբաղվածության կամ չաշխատելու պատճառի մասին։
• հակիրճ ինքնակենսագրություն՝ նշելով, թե ինչու եք դիմել տվյալ ծրագրին:

Թերի փաստաթղթերը չեն դիտարկվի:

Շահառուների ընտրությունը տեղի է ունենալու 2 փուլով.

1. Ներկայացված փաստաթղթերի դիտարկում
2. Առցանց հարցազրույց դիմումատուի և ընտանիքի անդամների ներկայությամբ:

Ծրագրում ուսանողի ընդգրկման որոշումը կայացնելու է ՀՕՖ-ի կրթական ծրագրերի հանձնաժողովը օգոստոսի 24-ից 31-ը:

Լրացուցիչ տեղեկությունների համար կարող եք զանգահարել 060526660 հեռախոսահամարով:

Հովհաննես Թումանյանի թանգարանը «Պատմամշակութային արգելոց–թանգարանների և պատմական միջավայրի պահպանության ծառայություն» ՊՈԱԿ–ի հետ իրականացնում է «Յոթը սարի ետևում…» հայրենաճանաչողական-գիտակրթական մրցույթ–փառատոնը:

Եթե ապրում ես Հայաստանի չքնաղ գյուղերից կամ քաղաքներից մեկում, սիրում ես ընկերներիդ հետ գնալ արկածների և բացահայտումների հետևից, ապա այս մրցույթ-փառատոնը քեզ հուշելու է, թե որտեղ են ամենահետաքրքրական և թանկարժեք գանձերը, ինչպես որոնել և բացահայտել դրանք:

Փառատոնի մասնակիցները ստանձնում են հետախույզ-գիտնականի գործառույթ, նրանց խնդիրն է իրենց հայրենի բնակավայրի մշակութային ժառանգության՝ բոլորին անհայտ կամ քիչ հայտնի հուշարձանի հետազոտումը, պահպանումը և հանրայնացումը:

Փառատոնի մասնակիցների համար ուսումնասիրության առարկա կարող են լինել բնակավայրի տարածքում եղած պատմաճարտարապետական հուշարձանները, հնատիպ կառույցները, պաշտամունքային կոթողները, ազգագրական նյութերը, գյուղին կամ քաղաքին բնորոշ ոչ նյութական մշակութային ժառանգության նմուշները՝ պարեր, արհեստներ, բաղադրատոմսեր, երգեր, առասպելներ և այլն:

Լավագույն ուսումնասիրությունները կարժանանան դրամական և խրախուսական մրցանակների:

Մասնակցության կանոններին, հայտադիմումը լրացնելուն կարելի է ծանոթանալ հետևյալ հղումով՝  https://bit.ly/304ewvK:

Մրցույթ-փառատոնի ժամկետները՝

• Հայտերի ընդունման ժամկետ՝ 07 – 10. 08. 2020թ.
• Ուսումնասիրությունների փուլ՝ 07 – 10. 09. 2020թ.
• Արդյունքների ներկայացում՝ 10 – 15. 09. 2020թ.
• Արդյունքների ամփոփում՝ 09. 2020թ.:

Լրացուցիչ հարցերի համար՝

Առաջնային կապի միջոցներ՝ competitionfestival@gmail.com, competition.festival@gmail.com

Պաշտոնական ֆեյսբուքյան խումբ՝ https://www.facebook.com/groups/YoteSariEtevum/

Հեռ. (+374 010) 560021: 

«Յոթը սարի ետևում…» մրցույթ-փառատոնին վերաբերող փաստաթղթային փաթեթը տե՛ս այստեղ:

Սիրով տեղեկացնում ենք, որ Գնահատման և թեստավորման կենտրոնի կողմից հրապարակվել են բարձրագույն ուսումնական հաստատությունների՝ 2020-2021 ուստարվա ընդունելության թափուր տեղերի մրցույթի արդյունքները:

Ըստ այդ արդյունքների՝ վճարովի  ուսուցման թափուր տեղերի մրցույթով 2020-2021 ուստարում ԵՊՀ Իջևանի մասնաճյուղ է ընդունվել 15 դիմորդ, որոնց շնորհավորում ու մաղթում ենք հաջողություններ ուսման մեջ և կյանքի հաջորդ փուլերում:

ԵՊՀ ԻՄ-ի՝ 2020-2021 ուստարվա թափուր տեղերի մրցույթի արդյունքները տե՛ս այստեղ: