Հարգելի՛ դասախոսներ,  2020թ. հունիսի 30-ին՝ ժամը 12:00-14:30-ն, հրավիրում ենք ձեզ մասնակցելու “H2020 EURAXESS-Armenia” նախագծի շրջանակներում Եվրահանձնաժողովի հետ համատեղ կազմակերպվող առցանց սեմինարին (աշխատանքային լեզուն անգլերենն է):

ՀՀ Գիտությունների ազգային ակադեմիան միացել է Եվրոպական EURAXESS ցանցին 2019 թվականի սեպտեմբերից: Եվրահանձնաժողովի «EURAXESS–Գիտնականները շարժման մեջ» առանցքային նախաձեռնությունը միտված է նպաստելու գիտնականների շարժողությանը և կարիերայի զարգացմանը, ըստ այդմ՝ Եվրոպական գիտական տարածքի զարգացմանը: EURAXESS ցանցի հիմնական նպատակն է դյուրինացնելու գիտնականների համաեվրոպական շուկայի ձևավորման գործընթացը` տրամադրելով անվճար տեղեկատվական ծառայություններ  և բարձրորակ աջակցություն գիտնականների կարիերայի առաջընթացին նպաստելու համար:

Սեմինարին կներկայացվեն EURAXESS ցանցի նպատակները, Հայաստանյան պորտալը և իրականացված աշխատանքները, հայաստանյան ցանցի գործառույթները, համագործակցության հնարավորությունները:

Մասնակցելու համար խնդրում ենք նախապես՝ մինչև հունիսի 26-ը՝ ժամը 15:00-ն, գրանցվել հետևյալ հղումով:

Սեմինարի համար կօգտագործվի MEET.ASNET.AM հարթակը, որին միանալու ուղեցույցը կուղարկվի գրանցվելուց հետո:

Առցանց սեմինարի օրակարգը (անգլերեն) տե՛ս այստեղ:

2020թ. հուլիսի 8-ին՝ ժամը 12.00-ին, Իրավաբանների հայկական ասոցիացիան կիրականացնի «Երիտասարդությունը հանուն հակակոռուպցիայի» նախագծի վերաբերյալ առցանց իրազեկման միջոցառում, որին կարող են մասնակցել ԵՊՀ ԻՄ-ի ուսանողները:

Իրավաբանների հայկական ասոցացիան, 2015թ. սկսած, գործարկում է Երիտասարդ առաջնորդների հակակոռուպցիոն դպրոցը, որի 5 հոսքերին մասնակցել և հակակոռուպցիոն ոլորտի գիտելիքներ են ստացել ՀՀ մարզերում և Երևանում բնակվող ավելի քան 100 երիտասարդներ:

Ասոցիացիան նախաձեռնում է երիտասարդության հակակոռուպցիոն կրթության նոր ծրագիր: 2020թ. հունիսից մինչև տարեվերջ նախատեսվում է իրականացնել «Երիտասարդությունը հանուն հակակոռուպցիայի» խորագրով հակակոռուպցիոն ոչ ֆորմալ կրթական նախագիծը: Նախագծի նպատակն է բարձրացնել երիտասարդության հակակոռուպցիոն գիտելիքներն ու իրազեկության մակարդակը` խթանելով երիտասարդների մասնակցությունը մեր երկրում կոռուպցիայի դեմ պայքարին:

Նախագծի շրջանակներում 2020թ. օգոստոսի 1-ից գործարկվելու է հակակոռուպցիոն ուսուցման առցանց հարթակ, որի միջոցով երիտասարդ առաջնորդների հակակոռուպցիոն դպրոցի շուրջ 100 մասնակից երիտասարդներ և ուսանողներ հնարավորություն են ստանալու զարգացնելու կոռուպցիայի դեմ պայքարի ոլորտի իրենց գիտելիքներն ու իրազեկության մակարդակը` հաշվի առնելով նաև COVID19-ով պայմանավորված իրավիճակն ու պահպանելով հակահամաճարակային բոլոր կանոնները: Առցանց դասավանդումները կիրականացվեն Իրավաբանների հայկական ասոցիացիայի հակակոռուպցիոն փորձագետների կողմից` Կարեն Զադոյանի գլխավորությամբ:

Ծրագրի շրջանավարտներ կհամարվեն և համապատասխան վկայականներ կստանան միայն այն ունկնդիրները, ովքեր հաջողությամբ կհանձնեն ծրագրի ավարտին կազմակերպվելիք ստուգարքը: Ծրագրի այս փուլի ավարտին՝ արդյունքների ամփոփումից հետո, կընտրվեն 20 երիտասարդ առաջնորդներ, որոնք կմասնակցեն նախագծի խորացված փուլին, այն է՝ «Երիտասարդ առաջնորդների հակակոռուպցիոն դպրոցին»: Դպրոցի շրջանակներում հակակոռուպցիոն ոլորտի տեսական գիտելիքները կամրապնդվեն և կուղեկցվեն գործնական գիտելիքների ձեռքբերմամբ:

Ավելին՝ 20 մասնակիցները կկատարեն խմբային հետազոտական աշխատանքներ, որոնց համար պահանջվող ծախսերը կֆինանսավորվեն Իրավաբանների հայկական սոցացիայի կողմից: Դեկտեմբերի 9-ին՝ Կոռուպցիայի դեմ պայքարի միջազգային օրը, կկազմակերպվի միջացոռում, որտեղ, ի թիվս այլոց, կներկայացվեն դպրոցի ունկնդիրների հետազոտական աշխատանքները:

ԵՊՀ ԻՄ-ի այն ուսանողները, ովքեր հետաքրքրված են մասնակցել հուլիսի 8-ին՝ ժամը 12.00-ին, ասոցիացիայի կողմից իրականացվելիք «Երիտասարդությունը հանուն հակակոռուպցիայի» նախագծի վերաբերյալ առցանց իրազեկման միջոցառմանը, կարող են միանալ հետևյալ հղումով՝

Meeting ID: 934 3800 5861

Password: 770314

Իրավաբանների հայկական ասոցիացիայի և վերջինիս կողմից իրականացվող հակակոռուպցիոն գործունեության մասին լրացուցիչ տեղեկատվություն կարող եք գտնել ասոցիացիայի պաշտոնական www.armla.am վեբ կայքում:

Ինչպես նախորդ տարիներին, այս տարի նույնպես Գերմանիայի Բունդեսթագը, համագործակցելով Բեռլինի Ազատ համալսարանի, Հումբոլդտի համալսարանի և Տեխնիկական համալսարանի հետ, առաջարկում է քաղաքականությամբ հետաքրքրվող, բարձրագույն կրթություն ունեցող երիտասարդներին Միջազգային խորհրդարանական կրթաթոշակ Բեռլինում:

Ծրագիրը տևում է 2021թ. մարտի 1-ից մինչև հուլիսի 31-ը:

Հայտերի ներկայացման վերջնաժամկետը 2020թ․ հուլիսի 31-ն է։

Գերմանիայի Բունդեսթագի www.bundestag.de/ips համացանցային էջում զետեղված են ծրագրի վերաբերյալ կարևոր տեղեկություններ, այդ թվում՝ մասնակցության նախադրյալներն ու մրցութային փաստաթղթերի ցանկը, գերմաներենի գիտելիքները հաստատող լրացման թերթիկը, ինչպես նաև մրցույթին վերաբերող հարցաթերթիկը։

Դեսպանության www.eriwan.diplo.de կայքում տեղադրված է համապատասխան հղում:

Լրացուցիչ հարցերի դեպքում հետաքրքրված անձինք կարող են դիմել դեսպանություն:

Ի լրումն 01/06/10425-20 Կորոնավիրուս-COVID19 քառօրյայի մասնակիցներին քննությունների թույլատրելու մասին ՀՀ ԿԳՄՍ նախարարի գրության՝ հայտնում ենք, որ առկա և հեռակա ուսուցման ձևերով անվճար համակարգում չընդգրկված՝ 2016թ. ապրիլի 2-6-ն ընկած ժամանակահատվածում ՀՀ զինված ուժերում մարտական հերթապահություն իրականացրած (զինվորական գրքույկում համապատասխան նշման կամ զինվորական կոմիսարիատի կողմից տրամադրած տեղեկանքի առկայությամբ) բակալավրի և մագիստրոսի կրթական ծրագրում ընդգրկված ուսանողներին, ինչպես նաև առկա ուսուցմամբ բակալավրի կրթական ծրագրով ընդունված և անվճար համակարգում չընդգրկված երկու և ավելի անչափահաս երեխա ունեցող ուսանողներին ՀՀ կառավարության կողմից կտրամադրվի ուսման վարձավճարի 20%-ի չափով մասնակի փոխհատուցում:

ԵՊՀ ԻՄ-ում սովորող՝ Ապրիլյան քառօրյա պատերազմի ժամանակ մարտական հերթապահություն իրականացրած, ինչպես նաև երկու և ավելի երեխա ունեցող ուսանողների ցուցակը տե՛ս այստեղ: