Հայտարարություններ

Շախմատի՝ կանանց և աղջիկների մասնաճյուղային առաջնությանը մասնակցելու հրավեր

Շախմ.

 Սիրելի համալսարանականներ, 2019թ. նոյեմբերի 14-ին՝ ժամը 10:40-ին, ԵՊՀ Իջևանի մասնաճյուղի գրադարանում մեկնարկելու է շախմատի՝ կանանց և աղջիկների մասնաճյուղային առաջնությունը: 

Առաջնությանը մասնակցելու համար անհրաժեշտ է մինչև ս.թ. նոյեմբերի 13–ը դիմել ֆակուլտետային ՈՒԳԸ նախագահին կամ sssysuib@gmail.com էլեկտրոնային հասցեին որպես հաղորդագրություն ուղարկել Ձեր ազգանունը, անունը, հայրանունը, մասնագիտությունը, կուրսը և հեռախոսահամարը: Որպես հաղորդագրության թեմա անհրաժեշտ է գրել «ՇԱԽՄԱՏԻ՝ ԿԱՆԱՆՑ ԵՎ ԱՂՋԻԿՆԵՐԻ ՄԱՍՆԱՃՅՈՒՂԱՅԻՆ ԱՌԱՋՆՈՒԹՅՈՒՆ»:

Սիրով սպասում ենք:

ՈՒԳԸ-ն հայտարարում է թիմային բանավեճի մրցույթ՝ նվիրված ԵՊՀ ԻՄ-ի հիմնադրման 25-ամյակին

Կամ նկար 2-րդը 

 ԵՊՀ Իջևանի մասնաճյուղի հիմնադրման 25-ամյակին ընդառաջ Ուսանողական գիտական ընկերությունը հայտարարում է թիմային բանավեճի մրցույթ, որը տեղի կունենա 2019թ.  նոյեմբեր–դեկտեմբեր ամիսներին:

Մասնակցության համար անհրաժեշտ է մինչև 2019թ. հոկտեմբերի 25-ը ներառյալ լրացնել առցանց հայտադիմումը:

Թիմերը պետք է կազմված լինեն ԵՊՀ ԻՄ-ի առկա և հեռակա ուսուցման համակարգերում սովորող 5-ական ուսանողներից: Թիմերի կազմավորումն ազատ է. թիմը կարող է ձևավորվել ինչպես նույն կուրսի, այնպես էլ տարբեր ֆակուլտետների ու մասնագիտությունների ուսանողներից:

Բանավեճի առաջնությունը, կախված գրանցված թիմերի քանակից, կկայանա մի քանի խաղերով:

Թիմերի գրանցումից հետո մասնակիցների և դատավորների համար տեղի կունենա սեմինար, որի ընթացքում ուսանողները կծանոթանան բանավեճի ձևաչափին, կանոններին, իսկ դատավորները՝ թիմերի գնահատման կարգին:

Հարցերի դեպքում կարող եք գրել հաղորդագրություն ԵՊՀ ԻՄ-ի ՈՒԳԸ ֆեյսբուքյան էջին և էլեկտրոնային փոստին (sssysuib@gmail.com)  կամ զանգահարել 094 16 13 93 հեռախոսահամարով:

ԵՊՀ ԻՄ-ում կկայանա ՀՀ ԿԳՄՍՆ նախաձեռնած «Կրթության և տնտեսության համագործակցությունը մարզերում» թեմայով համաժողովը

2

 ՀՀ կրթության, գիտության, մշակույթի և սպորտի նախարարությունը «Բիզնես և կրթություն-համագործակցություն» հիմնադրամի հետ միասին 2019թ. հոկտեմբերի 23-ին՝ ժամը 11:00-ին, ԵՊՀ Իջևանի մասնաճյուղում կանցկացնի «Կրթության և տնտեսության համագործակցությունը մարզերում» թեմայով համաժողով։

Համաժողովը, որն իրականացվում է գերմանական «Մասնագիտական կրթություն և ուսուցում-համագործակցություն» ծրագրի շրջանակում, նպատակ ունի աջակցելու մարզերում աշխատաշուկա-մասնագիտական կրթություն համագործակցության ամրապնդմանը,  մասնագիտական և կրթության համակարգի բարելավմանն ուղղված երկխոսության ձևավորմանը։

«Կրթության և տնտեսության համագործակցությունը մարզերում» համաժողովի շրջանակներում նախատեսվում է քննարկել Հայաստանի,
մասնավորապես՝ ՀՀ Տավուշի մարզի աշխատաշուկայի կարիքներն ու պահանջները,
ձեռնարկությունների  դերը  նախնական (արհեստագործական) և միջին մասնագիտական ուսումնական հաստատությունների հետ համագործակցության հարցերում, ինչպես նաև ներկայացնել կրթական ոլորտում իրականացվող բարեփոխումների շրջանակում կատարվող աշխատանքները։

Համաժողովի օրակարգը տե´ս այստեղ:

Տեղի կունենա Հումանիտար գիտությունների ֆակուլտետի գիտական խորհրդի նիստ

Հ.-գ. - նկար

 2019թ. հոկտեմբերի 19-ին՝ ժամը 14-00-ին, №28 լսարանում տեղի կունենա Հումանիտար գիտությունների ֆակուլտետի գիտական խորհրդի նիստ՝ հետևյալ օրակարգով.

  1. 2018-2019 ուստարվա երկրորդ կիսամյակի լուծարքային շրջանի ամփոփման մասին (զեկուցող՝ Վ.Աղաբաբյան):
  2. 2019-2020 ուստարվա առաջին կիսամյակի առաջին ընթացիկ քննությունների և ստուգումների նախապատրաստական աշխատանքների մասին (զեկուցող՝ Կ.Պողոսյան):
  3. Ամբիոններում 2019-2020 ուստարվա առարկայական փաթեթների առկայության մասին (զեկուցողներ՝ ամբիոնների վարիչներ):
  4. Ընթացիկ հարցեր:

ԵՊՀ ԻՄ-ի տուրիզմի կառավարման և մշակութաբանության ամբիոնը հայտարարում է տուր փաթեթ կազմելու մրցույթ

1

 ԵՊՀ ԻՄ-ի տնտեսագիտության ֆակուլտետի տուրիզմի կառավարման և մշակութաբանության ամբիոնը 2019թ. հոկտեմբերի 10-18-ը հայտարարում է մեկօրյա տուրի համար փաթեթ կազմելու ուսանողական մրցույթ Հայաստանի Հանրապետության ցանկացած ուղղությամբ:

Պայմաններն են՝

  • մեկնարկը Իջևան քաղաքից,
  • առանց գիշերակաց,
  • մրցույթին կարող են մասնակցել ԵՊՀ Իջևանի մասնաճյուղի ուսանողները (ինչպես անհատապես, այնպես էլ խմբերով),
  • փաթեթը ներկայացնել Տուրիզմի կառավարման և մշակութաբանության ամբիոն,
  • էլեկտրոնային տարբերակով փաթեթը և համապատասխան շնորհանդեսը ուղարկել safaryan.95@mail.ru հասցեին,
  • ներկայացման ժամկետը՝ հոկտեմբերի 10-18,
  • մրցույթի արդյունքները կամփոփվեն հոկտեմբերի 22-ին,
  • հաղթող տուր փաթեթի երթուղով կիրականացվի տուր:

Հարցերի դեպքում կարող եք դիմել Տուրիզմի կառավարման և մշակութաբանության ամբիոն կամ զանգահարել 093 73 79 24 հեռախոսահամարով:

Սկիզբ...56575859606162636465...Վերջ

Հայտարարություն

Նորություններ