2019թ. մայիսի  10-ին՝ ժամը 14։00-ին, և  մայիսի 11-ին՝ ժամը 10։00-ին,  ԵՊՀ   Իջևանի մասնաճյուղի տնտեսագիտության ֆակուլտետի   №39  լսարանում  տեղի կունենա «Կրթական հետազոտությունները բուհական համակարգում» թեմայով վերապատրաստման դասընթաց, որը կվարի Կրթական հետազոտությունների և խորհրդատվությունների կենտրոնի հիմնադիր տնօրեն Մարինա Գալստյանը, ով ունի կրթական հետազոտությունների մշակման և իրականացման ավելի քան 10 տարվա փորձ: Նա ներգրավված է եղել EUROSTUDENT  V 2012–2015, Social and Economic Conditions of  Student Life in  Europe ծրագրում՝ որպես հետազոտական թիմի անդամ և վերլուծաբան։ Երիտասարդության ոլորտի հետազոտողների եվրոպական ցանցի անդամ է՝ սկսած 2017 թ.-ից:

Դասընթացի նպատակն է կրթական հետազոտությունների վերաբերյալ մասնակիցներին տրամադրել բազային գիտելիքներ, ինչպես  նաև ձևավորել հետազոտություններ  իրականացնելու  գործնական  հմտություններ:

Այն նախատեսված է բուհի վարչական և պրոֆեսորադասախոսական անձնակազմի ներկայացուցիչների, որակի ապահովման պատասխանատուների համար:

Դասընթացը  բաղկացած է  2 մոդուլից՝

Մոդուլ I.  ԿՀԿ/ Կրթական հետազոտությունների հայեցակարգը,

Մոդուլ II. ԿՀՊ/Կրթական հետազոտությունները պրակտիկայում:

Դասընթացի   ավարտին  մասնակիցները՝

• կստանան գիտելիքներ կրթական հետազոտությունների նպատակների և խնդիրների վերաբերյալ, 
• կստանան գիտելիքներ կրթական հետազոտությունների տարբեր մոտեցումների և մեթոդաբանությունների վերաբերյալ,
• պատկերացում կկազմեն կրթական հետազոտությունների իրականացման փուլերի վերաբերյալ, այդ թվում՝ պլանավորման, իրականացման, որակի վերահսկման, ինչպես նաև հետազոտություններում էթիկական սկզբունքների  վերաբերյալ,
• կկարողանան պլանավորել և իրականացնել կրթական հետազոտություններ՝ մասնագիտական աջակցության միջոցով:

Դասընթացից հետո մասնակիցները կստանան մասնագիտական խորհրդատվություն՝ գործնական աշխատանքների  ընթացքում:

 2019թ. մայիսի 16-ին՝ ժամը 13:30-ին, ԵՊՀ ԻՄ-ում  հոգեբանական կենտրոն բացվելու կապակցությամբ տեղի կունենա «Էմոցիոնալ ինտելեկտ (EQ)» թեմայով սեմինար–թրեյնինգ ԵՊՀ Իջևանի մասնաճյուղի  կիրառական արվեստի ֆակուլտետի դահլիճում, որը կվարի ԵՊՀ Իջևանի մասնաճյուղի մանկավարժության և հոգեբանության ամբիոնի դասախոս Աշխեն Մկոյանը , ով ունի պրակտիկ հոգեբանի և թրեյնինգներ վարելու 7 տարվա փորձառություն, անցկացրել է թրեյնինգներ Հայաստանում, Վրաստանում և Ռուսաստանում:

Սեմինարի ընթացքում կքննարկվեն հետևյալ հարցերը.

• Ի՞նչ է էմոցիոնալ ինտելեկտը:
• Ինչպե՞ս է այն ազդում մեր կյանքի, ուսման և աշխատանքի արդյունավետության վրա:
• Հնարավո՞ր է արդյոք զարգացնել EQ-ն և ինչպե՞ս:
• Ինչու՞ են հույզերը հաճախ խոչընդոտում նպատակին հասնելու ճանապարհին:

Թրեյնինգի ընթացքում կներկայացվի նաև, թե ինչպես տիրապետել էմոցիաներն արդյունավետ օգտագործելու 4 կարևոր հմտություններին, որոնք են՝

• Հստակ ընկալել սեփական և այլ մարդկանց էմոցիաները:
• Օգտագործել էմոցիաները խնդիրները լուծելու համար:
• Հասկանալ էմոցիաների պատճառները:
• Կառավարել սեփական և այլ մարդկանց էմոցիաները:

 2019թ. մայիսի 8-ին՝ ժամը 14:00-ին, ԵՊՀ ԻՄ-ի խորհրդակցությունների սենյակում կանցկացվի «Դիլիջան Ֆաբ Լաբ» նախագծի վերաբերյալ տեղեկատվական սեմինար, որի ընթացքում կներկայացվեն Ֆաբ Լաբ-ում սովորելու, աշխատելու, նախագծեր իրականացնելու հնարավորությունները, և կքննարկվի ուսանողների ներգրավվածությունը Ֆաբ Լաբ-ի աշխատանքներում:

«Ֆաբ Լաբ» ծրագիրը սկսվել է Մասաչուսեթի տեխնոլոգիական ինստիտուտի  Media Lab-ում՝ որպես Grassroots Invention Group-ի և Center for Bits and Atoms-ի միջև համագործակցության արդյունք: Ֆաբլաբը (fabrication laboratory, «խելացի» լաբորատորիա) տեխնիկական նախատիպերի պատրաստման հարթակ է  նորարարության և գյուտերի համար, որը խթանում է տեղական ձեռներեցությունը: Ֆաբլաբի հնարավորություններից կարող են օգտվել բոլոր տարիքային խմբերի, տարբեր մասնագիտությունների և հետաքրքրությունների մարդիկ:

Դիլիջանի ֆաբլաբը նպատակ ունի Տավուշի երիտասարդներին տրամադրել համապատասխան միջոցներ և միջավայր, որոնց շնորհիվ կզարգանան ստեղծագործ միտքը, գիտությունը և ճարտարագիտությունը:

 Սիրով ձեզ ենք ներկայացնում 2019թ. մայիսի 11-ին  «Երևանի պետական համալսարան» հիմնադրամի Իջևանի մասնաճյուղի հումանիտար գիտությունների ֆակուլտետի հայոց լեզվի և գրականության ամբիոնի նախաձեռնած՝ Հովհաննես Թումանյանի ծննդյան 150-ամյակին նվիրված հանրապետական գիտաժողովի ծրագիրը:

 Սիրելի՛ դասախոսներ և ուսանողներ, Երևանի պետական համալսարանը ԵՊՀ 100-ամյակին ընդառաջ կազմակերպում է «ԵՊՀ 100» ցուցահանդեսների շարք, որին մասնակցելու համար անհրաժեշտ է նախապես լրացնել հայտաձևը, այնուհետև ներկայացնել «Իմ համալսարանը» խորագրով գեղանկարչության, լուսանկարչության, քանդակային կամ կիրառական արվեստի ստեղծագործություն (աշխատանքների քանակը՝ 1-ից 3):
Հայտաձևը լրացնելու համար դիմել ԵՊՀ Արհեստակցական կազմակերպություն և Մշակույթի կենտրոն (ԵՊՀ կենտրոնական մասնաշենք, 4-րդ և 6-րդ հարկ): Մանրամասն տեղեկությունների համար զանգահարել՝ 060 710 176, 060 710 173, 060-710-183, 060-710184:

Ֆեյսբուքյան էջ՝ https://www.facebook.com/ephculturecenter/

Աղբյուրը՝ ysu.am: