Հանրային քաղաքականության ինստիտուտը (ՀՔԻ) հայաստանյան բուհերի դասախոսների համար կազմակերպում է «Ակադեմիական բարեվարքություն և ակադեմիական ազատություն» թեմայով մասնագիտական վերապատրաստման դասընթաց:

Դասընթացն անվճար է:

Դասախոսություններով հանդես կգան կրթության ոլորտի մասնագետներ և հետազոտողներ:

Դասախոսությունները կուղեկցվեն ունկնդիրների գործնական և ինքնուրույն աշխատանքով:

Դասընթացը տեղի կունենա 2019թ. հունիսի 8 − հունիսի 22 ժամանակահատվածում, յուրաքանչյուր շաբաթ օր (ժամը 12:00-16:00), Երևանում:

Դասընթացի մասնակիցներին կտրվեն մասնակցությունը հավաստող վկայականներ, որոնց հիման վրա բուհերը կարող են հատկացնել մասնագիտական վերապատրաստման կրեդիտներ (վկայականի հիման վրա կրեդիտ ստանալու հնարավորությունը մասնակիցները պետք է ճշտեն և/կամ համաձայնեցնեն իրենց կրթական հաստատությունների հետ):

Դասընթացին մասնակցելու համար անհրաժեշտ է մինչև 2019թ. ապրիլի 15-ը training@ipp.am էլ. փոստի հասցեին ուղարկել.

• ինքնակենսագրություն (CV),
• մոտիվացիոն նամակ (առավելագույնը՝ 1 էջ)՝ նկարագրելով դասընթացին մասնակցելու շարժառիթներն ու ձեռք բերված գիտելիքները գործնականում կիրառելու հնարավորությունները:

Դասընթացի անցկացման վայրի և այլ պայմանների մասին ընտրված մասնակիցները կտեղեկացվեն էլ. նամակով մինչև 2019թ. մայիսի 7-ը:

Հարցերի դեպքում կարող եք զանգահարել +374 60 54 18 47 հեռախոսահամարով:

Դասընթացի նախնական ծրագիրը տե՛ս այստեղ:

 Հայաստանում ԱՄՆ դեսպանատունը և «Հայաստանի մանուկներ» բարեգործական հիմնադրամը հրավիրում են մարզերում բնակվող 17-35 տարեկան երիտասարդների՝ մասնակցելու անգլերենի առցանց ուսուցման անվճար դասընթացի:

ԱՄՆ դեսպանատան ֆինանսական աջակցության շնորհիվ դասընթացին մասնակցությունն անվճար է, այնուամենայնիվ մասնակիցները պիտի ունենան անհրաժեշտ տեխնիկա և ինտերնետ կապ, ինչպես նաև պարտավորվում են մասնակցել դեմ առ դեմ լսարանային դասերին, որոնք տեղի կունենան իրենց բնակության վայրից ոչ հեռու (վայրը կհստակեցվի կազմակերպիչների կողմից)։ 

Դասընթացի վերջում մասնակիցներին կտրվեն վկայականներ:

Հետաքրքրված անձինք կարող են լրացնել առցանց հայտը հետևյալ հղումով:

2019թ. մարտի 15-ին՝ ժամը 15:00-ին, ԵՊՀ Իջևանի մասնաճյուղի դահլիճում տեղի կունենա Գյումրիի Տեղեկատվական տեխնոլոգիաների կենտրոնի (ԳՏՏԿ) ներկայացուցիչների հետ հանդիպում, որի ընթացքում կներկայացվեն ԳՏՏԿ-ի կողմից Իջևանում իրականացվելիք դասընթացների մանրամասները:

Գյումրիի Տեղեկատվական տեխնոլոգիաների կենտրոնը (ԳՏՏԿ), Տավուշի մարզպետարանի հետ համագործակցելով, ԵՊՀ Իջևանի մասնաճյուղի հետ համատեղ սկսում է տեխնոլոգիական ոլորտի հատուկ մասնագիտացված կրթական ծրագրերի իրականացումը Իջևան քաղաքում:

Դասընթացն ընդգրկում է՝

Մոբայլ ծրագրավորում /C, C++, Swift, iOS, OOP Design Patterns:

Վեբ ծրագրավորում  /HTML/CSS, Core JS, jQuery, Node.js, MongoDB, Angular JS, React JS:

Բոլոր խմբերի համար պարտադիր է մասնակցությունը «Անգլերեն լեզու», «Ալգորիթմների տեսություն» և «Դիսկրետ մաթեմատիկա» դասընթացներին:

Ամսավճարը 10,000 ՀՀ դրամ է: 

Դասընթացի ավարտից հետո մասնակիցները հնարավորություն կունենան անցնել երկամսյա պրակտիկա, ամրապնդել իրենց տեսական ու գործնական գիտելիքները և արդեն իսկ ծանոթանալ աշխատաշուկայի հետ:

Դասընթացները հաջողությամբ ավարտած շրջանավարտները կստանան ավարտական վկայականներ, ինչպես նաև հնարավորություն կունենան համագործակցել ՏՏ և ճարտարագիտության ոլորտի լավագույն մասնագետների և ընկերությունների հետ:

Ծրագիրը համաֆինանսավորվում է Հայ օգնության ֆոնդի կողմից:

Դիմումների ընդունման վերջնաժամկետն է 2019թ. մարտի 25-ը ներառյալ, իսկ դասընթացը կմեկնարկի 2019թ. ապրիլի 1-ից:

Մասնակիցների ընտրությունը կկատարվի հարցազրույցի միջոցով: 

Դասընթացը տեղի կունենա ԵՊՀ Իջևանի մասնաճյուղում:

Հարցերի դեպքում զանգահարել 094 034 034 հեռախոսահամարներով: