Սիրելի՛ ուսանողներ, ԵՊՀ ԻՄ-ի հումանիտար գիտությունների ֆակուլտետի հայոց լեզվի և գրականության ամբիոնը հայտարարում է «Իմ Թումանյանը» խորագրով ստեղծագործական շարադրությունների մրցույթ:

Մրցույթին կարող են մասնակցել ԵՊՀ Իջևանի մասնաճյուղի առկա և հեռակա ուսուցման բոլոր մասնագիտությունների ուսանողները:

Անհրաժեշտ է, որ մասնակիցները մինչև 2019թ. ապրիլի 15-ը շարադրությունները ներկայացնեն Հայոց լեզվի և գրականության ամբիոն:

Լավագույն աշխատանքների հեղինակները կարժանանան խրախուսանքի:

Հայոց լեզվի և գրականանության ամբիոն

 ԵՊՀ ԻՄ-ի սիրելի՛ ուսանողներ, մեկնարկել է Համաբուհական ուսանողական բանավեճի առաջնությունը, որին կարող են մասնակցել ՀՀ բոլոր բարձրագույն և միջին մասնագիտական կրթական հաստատությունների ուսանողները:

Թիմերը կձևավորվեն 6 ուսանողներից, որոնք կարող են լինել՝

• միևնույն ուսումնական հաստատության տարբեր կուրսերից և ֆակուլտետներից հավաքական թիմեր,
• տարբեր ուսումնական հաստատություններից հավաքական թիմեր,
• անհատ ուսանողներ, որոնց միջոցով կկազմավորվեն նոր հավաքական թիմեր:

Մասնակիցները սկզբում կանցնեն երկշաբաթյա որակավորման դասընթացներ, որոնք կիրականացվեն ոլորտային փորձառու, կոմպետենտ մասնագետների կողմից: Այնուհետև կմեկնարկի մրցութային փուլը:

Լավագույն թիմերը հնարավորություն կունենան բանավիճել քաղաքական գործիչների և պետական մարմինների ներկայացուցիչների հետ:

Թիմերին սպասվում են մի շարք մրցանակներ՝ ժամանցային, կրթական:

Մարզերի ուսանողների տեղափոխման և մնացյալ այլ ծախսերը կհոգա բանավեճի ակումբը:

Գրանցման հայտը լրացնելու համար անցե՛ք հետևյալ հղումով:

Լրացուցիչ հարցերի դեպքում կարող եք գրել ակումբի ֆեյսբուքյան էջին:

 Սիրելի՛ ուսանողներ, 2019թ. մարտի 13-ին՝  ժամը 12:00-ին, ԵՊՀ ԻՄ-ի տնտեսագիտության ֆակուլտետի  թիվ 39 լսարանաում տեղի կունենա  «Դասավանդի՛ր, Հայաստան» ծրագրի ներկայացուցիչների  հետ հանդիպում:

«Դասավանդի՛ր, Հայաստան» կրթական հիմնադրամն իրականացնում է Առաջնորդության զարգացման երկամյա ծրագիր՝ հանուն կրթական հավասարության և երիտասարդների առաջնորդական, մասնագիտական կարողությունների զարգացման:

Ծրագրի նպատակն է յուրաքանչյուր երեխայի՝ անկախ իր սոցիալ-տնտեսական իրավիճակից, տրամադրել հավասար և գերազանց հանրակրթական կրթություն ստանալու հնարավորություն: Ծրագրի պատասխանատուները վստահ են, որ Հայաստանի բոլոր երեխաներն ունեն մեծ ներուժ, որի  բացահայտման և ճիշտ ուղղորդման շնորհիվ կարելի է ունենալ սոցիալական փոփոխություն:

Ծրագրին մասնակցելու նվազագույն պահանջներն են՝

• 2019 թ. հուլիս ամսվա դրությամբ բակալավրի աստիճանի առկայություն,
• հայերենի իմացություն:

Ծրագրին մասնակցելու առավելություններն են՝

• մասնագիտական աճի հնարավորություն,
• մանկավարժի որակավորում,
• մարզային համայնքների զարգացմանը նպաստելու հնարավորություն,
• ֆինանսական աջակցություն,
• նորարար մտքերը և նախագծերը իրականացնելու հարթակ,
• առաջնորդության հմտությունների զարգացման հնարավորություն,
• գաղափարակից մարդկանց հետ կապերի հաստատում,
• կարիերայի զարգացման հնարավորություն:

«Դասավանդի՛ր, Հայաստան» հիմնադրամի Առաջնորդության զարգացման երկամյա ծրագրին մասնակցելու համար անհրաժեշտ է գրանցվել՝ լրացնելով հետևյալ առցանց հայտադիմումը:

Ծրագրի պայմանների կամ հայտադիմումի վերաբերյալ ցանկացած հավելյալ ինֆորմացիայի համար կարող եք զանգահարել 041-530-039  հեռախոսահամարով կամ գրել էլեկտրոնային նամակ՝ anzhela.avagyan@teachforarmenia.org հասցեին:

 ԵՊՀ Իջևանի մասնաճյուղի ավարտական կուրսերի ուսանողներին հայտնում ենք, որ 2019թ. մարտի 2-ին՝ ժամը 14:10-ին, Տնտեսագիտության ֆակուլտետի թիվ 39 լսարանում, տեղի կունենա «Ինչպե՞ս գրել ավարտական աշխատանք» թեմայով սեմինար-քննարկում:

Սեմինարը կվարի ԵՊՀ ԻՄ-ի տուրիզմի կառավարման և մշակութաբանության ամբիոնի վարիչի ԺՊ, ա.գ.թ., դոցենտ Գուրգեն Հովհաննիսյանը:

Սիրով հրավիրում ենք: