Հիմնական

featured

Հայաստանի գիտության և տեխնոլոգիաների հիմնադրամը (FAST) հայտարարել է նոր դրամաշնորհային ծրագրերի մասին

ef4de2bb4093582b79311b580e7afa07

Հայաստանի գիտության և տեխնոլոգիաների հիմնադրամը (FAST) հայտարարել է Հայաստանում աննախադեպ դրամաշնորհային ծրագրի մեկնարկի մասին (ADVANCE STEM Research Grant Program):

ADVANCE ծրագրի նպատակն է Հայաստան բերել առաջատար մասնագետների փորձը ԳՏՃՄ ոլորտներում։ Ծրագիրը հանդիսանալու է կամուրջ միջազգային հեղինակավոր գիտնականների և Հայաստանի հետազոտական խմբերի միջև, որպեսզի նրանք համատեղ իրականացնեն նորարարական հետազոտական ծրագրեր։ Երեք հետազոտական խմբերի կտրամադրվեն դրամաշնորհներ հետևյալ թեմաների ուղղությամբ աշխատելու համար՝

– Նոր նյութեր

Թեմա՝ Stable perovskite materials for solar energy

– Մեքենայական ուսուցում

Թեմա՝ Statistical analysis of machine learning algorithms (SAM-lab)

-Կենսատեխնոլոգիա

Թեմա՝ Biotechnology – towards a sustainable circular bioeconomy:

Դրամաշնորհային ծրագրի մանրամասներին և դիմելու ընթացակարգին կարող եք ծանոթանալ https://fast.foundation/#/advance_stem հղումով:

Աղբյուրը՝ scs.am:

Ավարտվեց «Տնտեսագիտություն» մասնագիտության IV կուրսի ուսանողների արտադրական պրակտիկան

1. գլխավոր

 2020թ. փետրվարի 2-ից մարտի 6-ն ընկած ժամանակահատվածում ԵՊՀ ԻՄ-ի «Տնտեսագիտություն» մասնագիտության IV կուրսի ուսանողները ուսումնական պլանով նախատեսված արտադրական պրակտիկա անցան Տավուշի մարզում գործող մի շարք հաստատություններում:

Ուսանողների պրակտիկան կազմակերպվել է ՀՀ կենտրոնական բանկի Դիլիջանի ուսումնահետազոտական կենտրոնում, ՀՀ-ում գործող բանկերի Տավուշի մասնաճյուղերում, Տավուշի մարզպետարանում, Իջևանի և Դիլիջանի համայնքապետարաններում, ՀՀ ՊԵԿ հարկ վճարողների սպասարկման վարչությունում, Տավուշի տարածաշրջանային քոլեջում և այլ կազմակերպություններում:

Պրակտիկայի նպատակն է խորացնել ուսանողների գործնական հմտությունները տնտեսագիտության, ազգային տնտեսության, հաշվապահական հաշվառման, բանկային գործի ոլորտներում, զարգացնել նրանց կարողությունները տեղեկատվության կուտակման և վերլուծության ասպարեզում:

Ուսանողները հնարավորություն են ունեցել կիրառել տեսական գիտելիքները մասնագիտական պրակտիկ գործունեության մեջ:

Պրակտիկայի վայրերում ուսանողները նաև ձեռք են բերել համապատասխան նյութեր, որոնք կօգտագործեն իրենց ավարտական աշխատանքներն իրականացնելիս:

Արտադրական պրակտիկայի ղեկավար Ընդհանուր տնտեսագիտության ամբիոնի ասիստենտ Ա.Ալեքսանյանը պրակտիկանտ-ուսանողների հետ սահմանված կարգով իրականացրել է խորհրդատվություններ, պարզաբանել պրակտիկայի նպատակը, խնդիրները, անցկացման ժամկետները, տրամադրել մեթոդական ցուցումներ:

Մեր ուսանողների լավագույն զեկուցումները հրատարակվել են «Вестник научных конференций» ժողովածուում

1. գլխավոր

  ԵՊՀ ԻՄ-ի բնական գիտությունների ֆակուլտետի կողմից կազմակերպված՝ մասնաճյուղի 25-ամյակին նվիրված ուսանողական գիտական կոնֆերանսի (2019թ. դեկտեմբերի 10) շրջանակներում և դրանից դուրս 2019-2020 ուստարվա դեկտեմբեր-հունվար ամիսների ընթացքում զեկուցումներով հանդես են եկել առկա և հեռակա ուսուցման տարբեր մասնագիտությունների մի շարք ուսանողներ:

Կոնֆերանսին զեկուցում են կարդացել Գերասիմ Ալավերդյանը («ԻԿՄ» 4-րդ կուրս), Դիանա Ներսիսյանը («ՔԿԳ» 4-րդ կուրս),  Նելլի Դավթյանը («ԱԼԳ» 1-ին կուրս): Հետագայում զեկուցումներ են ներկայացրել Ջավահիր Մնացականյանը («ՔԿԳ» 4-րդ կուրս), Քրիստինե Փաշինյանը («ՔԿԳ» 4-րդ կուրս), Անի Ծատուրյանը («ՔԿԳ» 4-րդ կուրս), Լուսինե Դավթյանը (հեռակա ուսուցման «ԲԲ» 2-րդ կուրս), Մարգարիտա Կարապետյանը (ԵՊՀ Ֆարմացիայի ինստիտուտի ուսանողուհի), Վիգեն Վանեսյանը (ԵՊՀ ԻՄ-ի շրջանավարտ) և ուրիշներ:

Ներկայացված զեկուցումների շարքից ընտրվել են 9 լավագույն զեկուցումները, թարգմանվել և ներկայացվել «Ucom» հրատարակչության  կողմից 2020 թվականի հունվարի 31-ին կազմակերպված «Գիտության և կրթության տեսական և կիրառական հարցերը» խորագրով միջազգային գիտագործնական կոնֆերանսին:

Զեկուցումները  հրատարակվել են «Вестник научных конференций» («Գիտական կոնֆերանսների բանբեր») ժողովածուում:

Հոդվածների հրատարակության ծախսերը հոգացել է  «Gayluk.am» ընկերությունը:

Պրակտիկայի հնարավորություն «ԻՆԵԿՈԲԱՆԿ» ՓԲԸ-ում

Inecobank

Ծրագրի նպատակն է. տարբեր ստորաբաժանումներում պրակտիկա անցնելով ուսանողին ծանոթացնել բանկային միջավայրին, գործունեությանը, որը կնպաստի հետագայում ընտրել կարիերայի իր ուղին:

Ծրագիրը հնարավորություն կտա.

  • Անհատական պլանի միջոցով ուսուցանվել Ինեկոբանկի նորաբաց սրահում՝ «ԻնեկոԼաբ»-ում
  • Ներգրավված լինել տարբեր գործընթացներում՝ ներդնելով սեփական գաղափարները
  • Զարգացնել ֆինանսական ոլորտին հատուկ հմտություններ
  • Ծանոթանալ Բանկի աշխատելաոճին և կորպորատիվ մշակույթին։

Ցանկացողները կարող են լրացնել դիմումի առցանց հայտաձևը՝ համապատասխան բաժնում նշելով, որ հայտարարության մասին տեղեկացել եք ԵՊՀ շրջանավարտների և կարիերայի կենտրոնի միջոցով:

Դիմումների ընդունման վերջնաժամկետն է՝ 15.03.2020թ.:

ԵՊՀ օլիմպիադա 2020

Օլիմպիադայի հայտ. նկար

2020թ. մարտի 28-ին՝ ժամը 11:00-ին, Երևանի պետական համալսարանի Իջևանի մասնաճյուղում անցկացվելու է դպրոցական օլիմպիադայի I փուլը:

Օլիմպիադան կանցկացվի հետևյալ հանրակրթական առարկաների գծով.

  • մաթեմատիկա,
  • ֆիզիկա,
  • քիմիա,
  • կենսաբանություն,
  • աշխարհագրություն,
  • հայոց պատմություն,
  • հայոց լեզու և գրականություն,
  • անգլերեն,
  • գերմաներեն,                                             
  • ռուսաց լեզու,
  • ֆրանսերեն,
  • ստեղծագործական աշխատանք:

«Ինֆորմատիկա» առարկայից օլիմպիադան կանցկացվի մեկ փուլով՝ մարտի 28-ին՝ ժամը 11:00-ին:

Օլիմպիադան նախատեսվում է 12-րդ դասարանի աշակերտների համար: Ըստ առարկաների յուրաքանչյուր առարկայից կարող են մասնակցել 2-3 աշակերտ:

Օլիմպիադայի մասնակիցները մարտի 28-ին՝ ժամը 10:30-ին, պետք է ներկայանան ԵՊՀ Իջևանի մասնաճյուղ:

I փուլի հաղթողները կմասնակցեն II փուլին, որը տեղի կունենա ապրիլի 18-ին՝ ժամը 11:00-ին, Երևանի պետական համալսարանում:

Օլիմպիադայի փակման և պարգևատրման արարողությունը տեղի կունենա մայիսի 15-ին՝ ժամը 15:00-ին, Երևանի պետական համալսարանի Մեծ դահլիճում (Կենտրոնական մասնաշենք, 3-րդ հարկ):

Ի գիտություն

ԵՊՀ գիտական խորհրդի որոշմամբ՝ օլիմպիադայում հաղթած (I, II և III կարգի դիպլոմների արժանացած) աշակերտներին համալսարանի վճարովի համակարգ ընդունվելու դեպքում առաջին կուրսում կտրամադրվի համապատասխանաբար 50, 40 և 30 տոկոս ուսման վարձի զեղչ:

Հարցերի դեպքում կարող եք զանգահարել Վահան Աղաբաբյանին (096987654- Vivacell, 096557556 –Beeline):

Մինչհամալսարանական կրթության և պրակտիկայի կազմակերպման բաժին

Սկիզբ...141142143144145146147148149150...Վերջ

Հայտարարություն

Նորություններ