Հիմնական

featured

ՀԿՀ-ն հայտարարում է կրթաթոշակների մրցույթ նոր՝ 2020-2021 ուստարվա համար

krtՀայ կրթական հիմնարկությունը հայտարարում է կրթաթոշակների մրցույթ` 2020-2021 թթ. նոր ուսումնական տարվա համար:

Կրթաթոշակները տրամադրվում են տվյալ ուստարվա ուսման վարձի չափով` (հիմնարկության կողմից տրամադրվող գումարի առավելագույն չափը 600,000 ՀՀ դրամ է) խրախուսելու և նպաստելու բարձր առաջադիմությամբ և միևնույն ժամանակ նյութապես անապահով ուսանողներին, ովքեր սովորում են ՀԿՀ-ի կողմից նախընտրած մասնագիտություններով։

Դիմում-հայտը տե՛ս այստեղ:

Շնորհավո՛ր մարտի 8

1. գլխավոր

   Սիրելի՛ կանայք և աղջիկներ, ջերմորեն շնորհավորում ենք Կանանց միջազգային օրվա՝ մարտի 8-ի կապակցությամբ, մաղթում ձեզ անանց ու անսահման սեր և երջանկություն, գարնանային թարմ ու պայծառ տրամադրություն, նվիրական իղձերի իրականացում, անհուն բերկրանք, ամենայն բարիք…

Գարնան չքնաղ ծաղիկների պես լինեք միշտ քնքուշ ու հմայիչ, թարմ ու զգլխիչ, զեփյուռի պես մեղմ, արևի պես ջերմ, լինեք միշտ սիրող և սիրված…

Տոնի նախապատմությունը

Ամբողջ աշխարհում մարտի 8-ը  նշվում է որպես Կանանց միջազգային օր:

Այդ օրվա հետ կապված առաջին պատմական իրադարձությունը 1857թ. մարտի 8-ն էր, երբ Նյու Յորքի տեքստիլ գործարանների կին աշխատողներն իրենց իրավունքների պաշտպանության համար քայլերթով անցան քաղաքի փողոցներով:

Տոնի պատմությունն ավանդաբար կապվում է Կլարա Ցետկինի անվան հետ, ով ստեղծել էր կանանցից կազմած հեղափոխական ջոկատ: Որոշվում է ընտրել մի օր, որը կհամարվեր կանանց պրոլետարիատի ծննդյան օրը:

Կես դար անց նյույորքյան սոցիալ–դեմոկրատական կազմակերպության ակտիվիստները, հիշելով 1857թ. տեքստիլագործների բողոքի երթը, 1908թ. մարտի 8-ին կանանց իրավունքների պաշտպանության համար ցույց կազմակերպեցին: 1909թ. Ամերիկայի սոցիալիստական կուսակցությունը փետրվարի վերջին կիրակին հռչակեց Կանանց ազգային օր:

1910թ. Կոպենհագենում կին սոցիալիստների միջազգային երկրորդ խորհրդաժողովում Կլարա Ցետկինն առաջարկեց կանանց տոնը դարձնել ամենամյա, սակայն հստակ օր չմատնանշվեց:

Կանանց միջազգային օրն առաջինը նշվեց 1911թ. մարտի 19-ին չորս երկրում՝ Ավստրիայում, Գերմանիայում, Դանիայում, Շվեյցարիայում:

1914թ. մարտի 8-ին տոնը նշվեց վեց երկրում՝ Ավստրիայում, Դանիայում, Գերմանիայում, Նիդեռլանդներում, Ռուսաստանում և Շվեյցարիայում, քանի որ այդ օրը կիրակի էր և ոչ աշխատանքային:

1965-ից Խորհրդային Միությունում օրը համարվեց ոչ աշխատանքային: 1975-ին խորհրդային գաղափարախոսներին հաջողվեց հասնել նրան, որ ՄԱԿ–ը 1975-ը ճանաչեց Կանանց միջազգային տարի, որից հետո նույն կառույցը 1977թ. մարտի 8-ն արդեն հայտարարեց Կանանց միջազգային օր:

Հայաստանում փորձեցին մարտի 8-ը հանել տոնացույցից, և որպես այլընտրանք ապրիլի 7-ը հռչակվեց Մայրության և գեղեցկության օր, սակայն մարտի 8-ն այնքան խոր արմատներ էր գցել և դարձել հայերի սիրված տոներից, որ արդեն ձևավորված ավանդույթին հակառակ գնալն անիմաստ էր, և մարտի 8-ը վերականգնվեց: Ավելին՝ մարտի 8-ից ապրիլի 7-ը ոչ պաշտոնապես մեզանում համարվում է կանանց միամսյակ:

2. տեքստի ներքևում. գլխավոր նկարի չափով

Արիզոնայի պետական համալսարանում կիսամյակային կացության ծրագրի մասնակցության համար բաց մրցույթի հրավեր

1

Հարգելի՛ դասախոսներ, ԵՊՀ-ի և Արիզոնայի պետական համալսարանի համագործակցության շրջանակներում 2020-2021 թթ. նախատեսվում է դասախոսական կազմի համար հատուկ ծրագրի գործարկում, որը հնարավորություն կընձեռի առավելագույնը ութ դասախոսների կիսամյակային կացության ծրագրով մեկնել Արիզոնայի պետական համալսարան՝ ամերիկյան հետազոտությունների թիրախային բնագավառներում համապատասխան կրթական դասընթացներ մշակելու համար։

Պրոֆեսորադասախոսական կազմի այն ներկայացուցիչները, որոնք հետաքրքրված են Արիզոնայի պետհամալսարանում կիսամյակային կացության ծրագրով, հրավիրվում են մասնակցելու բաց մրցույթի: Ամերիկյան հետազոտությունների կենտրոնը հիմնված է և գործում է ԵՊՀ Միջազգային հարաբերությունների ֆակուլտետում, սակայն մրցույթին մասնակցելու համար հրավիրվում են նաև ամերիկագիտության կամ հարակից ակադեմիական գիտակարգերով հետաքրքրված դասախոսներն ու հետազոտողները:

Ծրագրի իրականացման ժամկետները.

Ծրագրի մասնակիցների առաջին խումբը Արիզոնայի պետական համալսարան կմեկնի 2020թ. աշնանային կիսամյակում` 2020թ. օգոստոսի վերջից մինչև դեկտեմբերի վերջն ընկած ժամանակահատվածում, իսկ երկրորդ խումբը՝ 2021թ. հունվար – մայիս ժամանակահատվածում:

Ի՞նչ են անելու հաջողակ դիմորդները Արիզոնայում կեցության ընթացքում.  Կիսամյակային կացության ծրագրով Արիզոնա մեկնած գիտնականները կիսամյակի ընթացքում կմասնակցեն ամերիկագիտության և ամերիկյան հետազոտությունների ոլորտի առնվազն երկու դասընթացների/սեմինարների, ինչպես նաև կպատրաստեն առնվազն երկու դասընթացի ծրագրեր: Ընդ որում՝ ծրագրի մասնակիցների կողմից մշակված դասընթացներից առնվազն մեկը հետագայում պարտադիր դասավանդվելու է անգլերեն լեզվով:

Կեցության ծախսերը. 

Արիզոնայի պետական համալսարան այցելող գիտնականները կստանան ամսական մոտ 1600 ԱՄՆ դոլար աշխատավարձ: Բացի այդ, մասնակիցներին կտրամադրվի 1000 ԱՄՆ դոլար նպաստ` համապատասխան դասընթացների համար անհրաժեշտ գիտա-կրթական նյութեր ձեռքբերելու համար: Փոխանակման ծրագրի մասնակիցների ընտանիքի անդամների մեկնում ԱՄՆ նախատեսված չէ:

Ո՞վքեր իրավունք ունեն դիմելու.

Խրախուսվում են ԵՊՀ պրոֆեսորադասախոսական կազմի բոլոր ներկայացուցիչների և ասպիրանտների դիմումները, ինչպես նաև Երևանում գործող հավատարմագրված բուհերի, որոնք ներկայումս ունեն հասարակագիտական ծրագիր, պրոֆեսորադասախոսական կազմի ներկայացուցիչներ, ովքեր ամերիկյան հետազոտությունների շրջանակներում ունեն դասավանդման և (կամ) հետազոտական հետաքրքրություններ:  Քանի որ ընտրված մասնակիցները Արիզոնայի պետական համալսարանում պետք է մասնակցեն սեմինարների, ուստի կպահանջվի անգլերեն լեզվի իմացության այնպիսի մակարդակ,  որը բավարար կլինի համալսարանական դասերին և սեմինարներին մասնակցելու համար: Նկատի ունենալով Արիզոնայի պետական համալսարանի պարտավորվածությունը` բազմազանությունը խթանելու և համալսարանի քաղաքականությունը` կրթական ծրագրերում և գործունեության մեջ հավասար հնարավորություններ ապահովելու, արգելվում է խտրականության ցանկացած դրսևորում` հիմնված ռասայի, գույնի, կրոնի, ազգային ծագման, սեռի, սեռական կողմնորոշման, տարիքի կամ հաշմանդամության վրա:

Դիմումների վերջնաժամկետը.

Ավարտուն դիմումները և պահանջվող հավելվածներ (միային անգլերեն լեզ.) պետք է ներկայացվեն ոչ ուշ, քան 2020թ. մարտի 26-ը` ԵՊՀ միջազգային համագործակցության վարչություն, ինչպես նաև ուղարկվեն պրոֆ. Ալեքսանդր Մարգարովին` էլեկտրոնային փոստի հետևյալ հասցեներին՝ amarkarov@ysu.am  և ԱՊՀ «Ամերիկյան հետազոտություններ» ծրագրի համաղեկավար, Արիզոնայի   պետհամալսարանի Մելիքյան կենտրոնի հիմնադիր տնօրեն պրոֆ. Ստիվեն Բատալդենին` stephen.batalden@asu.edu:

Մրցույթի եզրափակիչ փուլ անցած մասնակիցների հետ հարցազրույցը կիրականացվի 2020թ. մարտի վերջին – 2020թ . ապրիլի սկզբին: Մրցութային հայտի արդյունքների մասին հայտարարությունը կկազմվի մինչև  2020թ . ապրիլի 15-ը:

Մրցույթի վերաբերյալ ամբողջական տեղեկատվությունը տե՛ս այստեղ, նույնի անգլերեն տարբերակը՝ այստեղ:

Դիմում-հայտի ձևը տե՛ս այստեղ:

ԵՊՀ ԻՄ-ի՝ 2019-2020 ուստարվա 2-րդ կիսամյակի անվանական կրթաթոշակառուները

collage

Սիրելի՛ համալսարանականներ, ձեզ ենք ներկայացնում ԵՊՀ Իջևանի մասնաճյուղի՝ 2019-2020 ուսումնական տարվա երկրորդ կիսամյակում անվանական կրթաթոշակ ստացող ուսանողների ցուցակը:

«ՄՈՆԹԵ   ՄԵԼՔՈՆՅԱՆ»  ԱՆՎԱՆԱԿԱՆ  ԿՐԹԱԹՈՇԱԿ

Տնտեսագիտության ֆակուլտետի «Ֆինանսներ» մասնա­գի­տության «Ֆինանսներ (ըստ ոլորտի)» բակալավրի կրթական ծրագրի անվճար ուսուցման համակարգի երրորդ կուրսի ուսանողուհի

 Լուիզա Վարդանի Մադաթյան

 

2

♦♦♦

«ՎԱԶԳԵՆ  ՍԱՐԳՍՅԱՆ»  ԱՆՎԱՆԱԿԱՆ ԿՐԹԱԹՈՇԱԿ

Բնական գիտությունների ֆակուլտետի «Աշխարհագրություն» մասնա­գի­տության «Քարտեզագրություն և կադաստրային գործ» անվճար ուսուցման համակարգի երրորդ կուրսի ուսանող

 Տիգրան Սերյոժայի Գասպարյան

1

♦♦♦

«ԵՐԵՎԱՆԻ ՊԵՏԱԿԱՆ ՀԱՄԱԼՍԱՐԱՆ»  ԱՆՎԱՆԱԿԱՆ  ԿՐԹԱԹՈՇԱԿ

 Հումանիտար գիտությունների ֆակուլտետի «Օտար լեզու և գրականություն» մասնագիտության «Անգլերեն լեզու և գրականություն» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի

Մանե Գագիկի Գաբրիելյան

5

♦♦♦

ԳՐԻԳՈՐ ՆԱՐԵԿԱՑԻ»  ԱՆՎԱՆԱԿԱՆ ԿՐԹԱԹՈՇԱԿ 

Հումանիտար գիտությունների ֆակուլտետի «Հայոց լեզու և գրականություն» մասնագիտության «Հայոց լեզու և գրականություն» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի

Աննա Հրաչյայի Դովլաթբեկյան

6

♦♦♦

«ՄԽԻԹԱՐ ԳՈՇ»  ԱՆՎԱՆԱԿԱՆ ԿՐԹԱԹՈՇԱԿ 

Հումանիտար գիտությունների ֆակուլտետի «Պատմություն» մասնագիտության «Պատմություն» բակալավրի կրթական ծրագրի անվճար  ուսուցման  համակարգի  չորրորդ  կուրսի  ուսանողուհի

Լարիդա Արարատի Ղազումյան

7

♦♦♦

«ՇԱՌԼ ԱԶՆԱՎՈՒՐ»  ԱՆՎԱՆԱԿԱՆ  ԿՐԹԱԹՈՇԱԿ 

Հումանիտար գիտությունների ֆակուլտետի «Օտար լեզու և գրականություն» մասնագիտության «Անգլերեն լեզու և գրականություն» բակալավրի կրթական ծրագրի

անվճար ուսուցման համակարգի չորրորդ կուրսի ուսանողուհի

Մարիամ Արմենի Բաբուռյան

4

♦♦♦

«ԴԱՎԻԹ ԱՆՀԱՂԹ»  ԱՆՎԱՆԱԿԱՆ  ԿՐԹԱԹՈՇԱԿ 

Հումանիտար գիտությունների ֆակուլտետի «Ընդհանուր մանկավարժություն» մասնագիտության «Տարրական մանկավարժություն և մեթոդիկա» բակալավրի կրթական ծրագրի

անվճար ուսուցման համակարգի չորրորդ կուրսի ուսանողուհի

Աշխեն Ալբերտի Վիրաբյան

8

♦♦♦

«ՇԱՎԱՐՇ ՄԱՐԳԱՐՅԱՆ»  ԱՆՎԱՆԱԿԱՆ  ԿՐԹԱԹՈՇԱԿ

Տնտեսագիտության ֆակուլտետի «Տնտեսագիտություն» մասնագիտության «Տնտեսագիտություն» բակալավրի կրթական ծրագրի անվճար ուսուցման համակարգի չորրորդ կուրսի ուսանողուհի

Տիգրանուհի Վարուժանի Թիրաբյան

3

 ♦♦♦

«ՀԱՄԼԵՏ ԿԱՐԱՅԱՆ» ԱՆՎԱՆԱԿԱՆ ԿՐԹԱԹՈՇԱԿ

Բնական գիտությունների ֆակուլտետի «Ինֆորմատիկա (համակարգչային գիտություն)» մասնագիտության անվճար ուսուցման համակարգի չորրորդ կուրսի ուսանող

Գերասիմ Սամվելի Ալավերդյան

Գերասիմ Ալավերդյան- նկար

 

ԵՊՀ ԻՄ տնօրենի թափուր պաշտոնի բաց մրցույթին մասնակցելու համար հայտ է ներկայացրել վեց հավակնորդ

ԵՊՀ ԻՄ - նկ.

 «Երևանի պետական համալսարան» հիմնադրամի հոգաբարձուների խորհրդի՝ 2020 թ. հունվարի 31-ին տեղի ունե­ցած նիս­տի № 68 որոշմամբ հայտարարվել է ԵՊՀ ԻՄ տնօրենի թափուր պաշ­տո­նի համար բաց մրցույթ: Թեկնածուների հայտերի և անհրաժեշտ փաստաթղթերի ընդունման գործընթացը կազմակերպվել է՝ ըստ «Երևանի պետական հա­մալ­սարան» հիմնադրա­մի ԻՄ տնօրենի ընտրու­թյան կանոնակարգի (տե՛ս doc.ysu.am):

Հայտ է ներկայացրել վեց թեկնածու․

  • Արթուր Թենգիզի Կոբելյան – հոգեբանական գիտությունների թեկնածու, դոցենտ, ԵՊՀ փիլիսոփայության և հոգեբանության ֆակուլտետ, Սոցիալական և կլինիկական հոգեբանության ամբիոն (ինքնաառաջադրմամբ),
  • Վարդան Արամայիսի Ալեքսանյան – պատմական գիտությունների թեկնածու, դոցենտ, ԵՊՀ Իջևանի մասնաճյուղ, Հայոց պատմության և հասարակագիտության ամբիոն (ինքնաառաջադրմամբ),
  • Հովսեփ Իսրայելի Մովսեսյան – քաղաքական գիտությունների թեկնածու, դոցենտ, ԵՊՀ Իջևանի մասնաճյուղ, Հայոց պատմության և հասարակագիտության ամբիոն (ինքնաառաջադրմամբ),
  • Հայկ Արթուրի Քամալյան – ֆիզիկամաթեմատիկական գիտությունների թեկնածու, դոցենտ, ԵՊՀ Իջևանի մասնաճյուղ, Ընդհանուր մաթեմատիկայի և բնագիտության ամբիոն (ինքնաառաջադրմամբ),
  • Արծրունի Սամվելի Սահակյան – բանասիրական գիտությունների դոկտոր, պատմական գիտությունների դոկտոր, պրոֆեսոր, ԵՊՀ աստվածաբանության ֆակուլտետ, Հայ եկեղեցու պատմության և եկեղեցաբանության ամբիոն (ինքնաառաջադրմամբ),
  • Անուշավան Հայկարամի Մակարյան – ֆիզիկամաթեմատիկական գիտությունների թեկնածու, դոցենտ, ԵՊՀ Իջևանի մասնաճյուղի տնօրենի պաշտոնակատար (ինքնաառաջադրմամբ),

«Երևանի պետական հա­մալ­սարան» հիմնադրա­մի ԻՄ տնօրենի ընտրու­թյունը տեղի է ունենալու 2020 թ. մարտի 16-ին՝ ժամը 11:00-ին, Երևանի պետական համալսարանի գիտական խորհրդի նիստերի դահլիճում: 

Լրացուցիչ տեղեկությունների հա­մար դիմել ԵՊՀ հոգաբարձուների խորհրդի քարտուղար Գրիգոր Հայրապետյանին (հեռ.՝ (+374 43) 661-922, էլ. փոստ՝ board@ysu.am):

«Երևանի պետական համալսարան» հիմնադրամի հոգաբարձուների խորհուրդ

 

Սկիզբ...142143144145146147148149150151...Վերջ

Հայտարարություն

Նորություններ