2018թ. սեպտեմբերի 24-ին՝ ժամը 15:30-ին, ԵՊՀ ԻՄ-ի մարզադահլիճում տեղի կունենա վոլեյբոլի մասնաճյուղային առաջնություն:

Մասնակցել ցանկացողները մինչև սեպտեմբերի 22-ը կարող են դիմել Արտակարգ իրավիճակների, մարմնակրթության և սպորտի ամբիոն:   

ԵՊՀ ԻՄ-ի առկա ուսուցման համակարգի երկրորդ, երրորդ և չորրորդ կուրսերի ուսանողներին տեղեկացնում ենք, որ ուսման վճարի մասնակի փոխհատուցման իրավունքից օգտվելու դիմումները մինչև 2018թ. սեպտեմբերի 29-ը ներկայացնեն իրենց ֆակուլտետի դեկանատ:

ԵՊՀ ԻՄ-ի մանդատային հանձնաժողով 

Հարգելի՛ համալսարանականներ, 2018թ. սեպտեմբերի 24-ից Արտակարգ իրավիճակների, մարմնակրթության և սպորտի ամբիոնը կազմակերպում է սեղանի թենիսի և մարմնամարզության պարապմունքներ, որոնք կանցկացնի ամբիոնի դասախոս Պ.Կարապետյանը:

Մասնակցել ցանկացողները մինչև 2018թ. սեպտեմբերի 22-ը կարող են դիմել Պ.Կարապետյանին (հեռ.՝ 098 69 29 39):

  2018թ. հոկտեմբերի 20-ին ԵՊՀ ԻՄ-ի ՈՒԳԸ նախաձեռնությամբ մասնաճյուղում տեղի կունենա «Հինավուրց և երիտասարդ մայրաքաղաք» խորագրով երիտասարդական գիտաժողովը՝ նվիրված Երևանի հիմնադրման   2800-ամյակին:

Գիտաժողովին կարող են մասնակցել  ԵՊՀ ԻՄ-ի ուսանողները և երիտասարդ դասախոսները (մասնակիցը պետք է լինի մինչև 35 տարեկան, բացառությամբ՝ ՈՒԳԸ կողմից հրավիրյալ գիտնականների):

Գիտաժողովի ոլորտներն են հասարակական գիտություններ (իրավագիտություն, քաղաքագիտություն, միջազգային հարաբերություններ, պատմություն, տնտեսագիտություն, սերվիս, հոգեբանություն, լրագրություն և այլն) և արվեստ:

Մասնակցության համար անհրաժեշտ է  մինչև 2018թ. հոկտեմբերի 5-ը լրացնել մասնակցության հայտը:

Հայտի մեջ պետք է նշել.

• զեկուցման վերնագիրը,
• անուն-ազգանունը (եթե առկա է գիտական ղեկավար, նշել նաև նրա անուն-ազգանունը, կոչումը և գիտական աստիճանը),
• ֆակուլտետը, մասնագիտությունը, կուրսը և ամբիոնը (եթե դասախոս է),
• կոնտակտային տվյալներ (էլեկտրոնային հասցե, հեռախոսահամար):

Գիտաժողովի աշխատանքային լեզուներն են՝  հայերեն, ռուսերեն, անգլերեն, ֆրանսերեն:

Զեկուցումը կարող է չհամապատասխանել գիտաժողովի խորագրին:

Աշխատանքներին ներկայացվող պահանջներն են.

• Տեքստի համակարգչային շարվածքը՝ Word 97-2003 ծրագիր:
• Ծավալը՝4-10 էջ:
• Էջի ֆորմատը՝ A4, լուսանցքները. ձախից՝ 30 մմ, աջից՝ 15 մմ, վերևից և ներքևից 20 մմ:
• Տեքստի տառատեսակը՝ հայերեն՝ Sylfaen, ռուսերեն և անգլերեն՝ Times New Roman:
• Տեքստը պետք է հավասարեցված լինի երկու կողմերից (Alignment: Justify): Հիմնական տեքստի տառաչափը՝ 12 pt, տողերի հեռավորությունը՝ 1.5: Պարբերությունները սկսել 1 սմ խորքից՝ TAB-ի կիրառմամբ:
• Հղումները պարտադիր են. տրվում են տողատակում՝ 8 pt տառաչափով, տողերի հեռավորությունը՝ 1: Հղման տեքստը պետք է հավասարեցված լինի երկու կողմից (Alignment: Justify): Հղման մեջ պետք է ներկայացված լինեն օգտագործված աղբյուրի հեղինակի ազգանունը և անվան առաջին տառը (թավ տառերով՝ Bold), այնուհետև՝ աշխատանքի վերնագիրը, հրատարակման վայրը, թվականը, օգտագործած գրականության էջը:

Հարցերի դեպքում կարող եք գրել հաղորդագրություն ԵՊՀ ԻՄ ՈՒԳԸ ֆեյսբուքյան էջին, նամակ էլեկտրոնային փոստին՝ sssysuib@gmail.com, կամ զանգահարել հետևյալ հեռախոսահամարին՝ 094 16 13 93: