2014թ. ապրիլի 10-ին ԵՊՀ Իջևանի մասնաճյուղի հումանիտար գիտությունների ֆակուլտետում տեղի ունեցավ  մասնաճյուղային ուսանողական գիտական ընկերության նախագահի ընտրություն:

Առաջադրվել էր Հումանիտար գիտությունների ֆակուլտետի «Հայոց լեզու և գրականություն» մասնագիտության 2-րդ կուրսի ուսանողուհի Գոհար Գրիգորյանի թեկնածությունը:

Ընտրությանը մասնակցում էին մասնաճուղի Ուսանողական խորհրդի և ուսանողական գիտական ընկերության նախագահները, ուսանողներ:

Ձայների 21 կողմ և 1 դեմ հարաբերակցությամբ Հումանիտար գիտությունների ֆակուլտետի Ուսանողական գիտական ընկերության նախագահ ընտրվեց Գոհար Գրիգորյանը:

2014թ. ապրիլի 10-ին ԵՊՀ Իջևանի մասնաճյուղի բնական գիտությունների ֆակուլտետում տեղի ունեցավ   ինտելեկտուալ խաղ, որը կազմակերպել էր  մասնաճյուղի ուսանողական գիտական ընկերությունը: 

Մասնակցում էին ուսանողներ` Տնտեսագիտության ֆակուլտետի «Սերվիս» մասնագիտության 1-ին և «Տնտեսագիտության տեսություն» մասնագիտության 1-ին և 2-րդ կուրսերից:

Ներկա էին դասախոսներ, Ուսանողական գիտական ընկերության անդամներ, թիմերի երկրպագուներ: Խաղն ընթացավ  շնորհանդեսի ուղեկցությամբ:

Խաղը  անցկացվեց 2 փուլով:

2-րդ փուլ անցան «Տնտեսագիտության տեսություն» մասնագիտության 2-րդ և «Սերվիս» մասնագիտության 1-ին կուրսերի ուսանողները:

Միավորների 5:3 հարաբերակցությամբ հաղթող ճանաչվեց «Տնտեսագիտության տեսություն» մասնագիտության 2-րդ կուրսի թիմը:

2014թ. ապրիլի 9-ին ԵՊՀ Իջևանի մասնաճյուղի գրադարանում տեղի ունեցավ «Սասնա ծռեր» էպոսը որպես հայ մարդու հոգեվիճակ` արտացոլված հեղինակի նկարազարդումներում» թեմայով բաց դաս:

Ներկա էին մասնաճյուղի պրոֆեսորադասախոսական անձնակազմի ներկայացուցիչներ, ուսանողներ տարբեր ֆակուլտետներից, հյուրեր:

Դասը վարեց «Գծանկար, գունանկար» ամբիոնի ասիստենտ,  ՀՀ նկարիչների միության անդամ Մհեր Ստեփանյանը:

Բաց դասի ընթացքում Մ.Ստեփանյանը «Սասնա ծռեր» էպոսին վերաբերող իր նկարազարդումները ներկայացրեց շնորհանդեսի և հեղինակային սուբյեկտիվ վերլուծությունների ուղեկցությամբ:

«Ես կարծում եմ, որ «Սասնա ծռեր» էպոսը մեր նախնիների ուղերձն է մեզ այս դժվարին ժամանակներում, երբ մեծացել է արտագաղթը: Էպոսը մեզ հուշում է, թե ինչ պետք է անել և ինչ չանել, ինչպես հաղթահարել դժվարությունները և մնալ սիրով միմյանց նկատմամբ»,- իր խոսքում շեշտեց Մ.Ստեփանյանը:

Ներկայացվեց գիրք հրատարակելու համար նախատեսված 20 գծանկար, որոնք միասին կազմում են մեկ ամբողջական նկար` «Սասնա ծռեր» էպոսի թեմատիկայով:

2014թ. ապրիլի 7-ին ԵՊՀ Իջևանի մասնաճյուղի  տեղի ունեցավ Մայրության և գեղեցկության տոնին նվիրված ուսանողական միջոցառում:

Այն նախաձեռնել և կազմակերպել էր մասնաճյուղի ուսանողական խորհուրդը:

Ներկա էին ուսանողներ բոլոր ֆակուլտետներից, վարչական և պրոֆեսորադասախոսական անձնակազմի ներկայացուցիչներ, հյուրեր:

Մասնաճյուղի շնորհալի ուսանողները գովերգեցին գարունն իր գեղեցկություններով, հանդես եկան պարով, մայրության և գեղեցկության թեմայով գողտրիկ բանաստեղծություններով ու երգերով:

Վերջում ԵՊՀ ԻՄ-ի տնօրեն Ս.Առաքելյանը գեղեցիկ միջոցառման համար շնորհակալություն հայտնեց Ուսանողական խորհրդին` ևս մեկ անգամ շնորհավորելով մեր սիրելի մայրերին:

Տնօրենը մատուցեց նաև անակնկալ. ներկաներին ուղղեց հարց (ո՞րն է ամենագեղեցիկ կինը), որին արագ և ճիշտ պատասխանողը տնօրենության կողմից արժանանալու էր նվերի: Ճիշտ պատասխան տվեց Բնական գիտությունների ֆակուլտետի II կուրսի ուսանողուհի Սոնա Ղևոնդյանը:

Միջոցառման մյուս լուսանկարները՝ այստեղ: