2013թ. դեկտեմբերի 11-ին ԵՊՀ Իջևանի մասնաճյուղում տեղի ունեցավ  Հումանիտար գիտությունների ֆակուլտետի ուսանողական խորհրդի նախագահի ընտրություն:

Ուսանողական խորհրդի նախագահի թեկնածուներն էին “Պատմություն” մասնագիտության 1-ին կուրսի ուսանողուհի Անի Հարությունյանը, “Հայոց լեզու և գրականություն” մասնագիտության 1-ին կուրսի ուսանող Անուշավան  Աղաջանյաը,  “Անգլերեն լեզու և գրականություն” մասնագիտության  1-ին կուրսի ուսանողուհի  Վանուհի Վանեսյանը, “Անգլերեն լեզու և գրականություն” մասնագիտության  1-ին կուրսի ուսանողուհի Լիլիթ Ճաղարյանը, “Անգլերեն լեզու և գրականություն” մասնագիտության  2-րդ  կուրսի ուսանողուհի Ջուլիետա Խոջումյանը, “Ֆրանսերեն լեզու և գրականություն” մասնագիտության  1-ին կուրսի ուսանողուհի Իրինա Աղաբեկյանը:

Ընտրության արդյունքում 14 կողմ ձայներով հումանիտար գիտությունների ֆակուլտետի ուսանողական խորհրդի նախագահ ընտրվեց Վանուհի Վանեսյանը:

Ընտրությանը ներկա էր նաև Հումանիտար գիտությունների ֆակուլտետի դեկան Վ.Ալեքսանըանը: Նա շնորհավորեց ֆակուլտետի ուսանողական խորհրդի նորընտիր նախագահին` մաղթելով աշխատանքային բուռն գործունեություն և  նորանոր հաջողություններ:

“Միասին-2” խաղաղասիրական ծրագիրը, որը ՀՀ-ում ԱՄՆ դեսպանատան աջակցությամբ համատեղ իրականացնում են “Եվրոպական ինտեգրացիա” (Երևան), “Հումանիտար հետազոտությունների հանրություն” (Բաքու) և “Ժողովրդական դիվանագիտության ինստիտուտ” (Ստեփանակերտ) հասարակական կազմակերպությունները, հնարավորություններ է ընձեռում սահմանամերձ շրջանների երիտասարդների միջև երկխոսություն սկսելու համար:

“Ինչպիսի՞ն են նրանք՝ սահմանից այն կողմ”. այս ընդհանուր խորագրի ներքո ծրագրի ընթացքում տեղի ունեցավ Իջևանի և Ղազախի երիտասարդների միջև վիրտուալ հանդիպում (Skype կոնֆերանս):

Նախքան Skype կոնֆերանսը, ԵՊՀ Իջևանի մասնաճյուղի ուսանողների համար կազմակերպվեց  թրեյնինգ, որի ընթացքում “Եվրոպական ինտեգրացիա” ՀԿ նախագահ Կարեն Բեքարյանը պատմեց ծրագրի մասին:

“Շենգավիթ” բժշկական կենտրոնի հոգեբան Նարինե Պետրոսյանը հոգեբանորեն նախապատրաստեց ուսանողներին սահմանից այն կողմ իրենց հասակակիցների հետ զրույցին: Ի՞նչ է հանդուրժողականությունը և ո՞վ է թշնամին, շփման ի՞նչ կամուրջներ կան և ինչպե՞ս կարելի է հասնել խաղաղության:

Ինչպես Ղազախի, այնպես էլ Իջևանի լսարանները դրսևորեցին միմյանց հետ երկխոսելու ցանկություն և պատրաստակամություն:

Այս ծրագիրը բազմաթիվ երիտասարդների առիթ տվեց խորհելու այնպիսի կարևոր հարցերի շուրջ, ինչպիսիք են խաղաղությունը և թշնամին, բարին և հարևանը:

Աղբյուրը`  www.armedia.am

Քննարկելով 2013-14 ուստարվա նոյեմբեր ամսվա ընթացքում ԵՊՀ Իջևանի մասնաճյուղի առանձին ստորաբաժանումների աշխատակիցների կողմից կատարված աշխատանքների արդյունքները` պաշտոնական հրահանգով նախատեսված գործառութային պարտականություններն ու հասարակական կարգով տրված հանձնարարությունները բարեխղճորեն և օրինակելի կերպով կատարելու համար պարգևատրվեցին մասնաճյուղի հետևյալ աշխատակիցները.

• Արկադի Ցոլակի Դավթյան – Ուսումնամեթոդական վարչության պետ,
• Ալեքսան Շամիլի Մարգարյան – ԿՈԱԳ բաժնի վարիչ,
• Վաչագան Վարազդատի Ավագյան – Հայոց լեզվի և գրականության ամբիոնի վարիչ,
• Հարություն Ալեքսանի Մարզպանյան – Ընդհանուր տնտեսագիտության ամբիոնի վարիչ,
• Պավել Նորիկի Ասիլբեկյան – Տուրիզմի կառավարման և մշակութաբանության ամբիոնի ասիստենտ
• Վաչիկ Արամայիսի Բրուտյան – Մանկավարժության և հոգեբանության ամբիոնի վարիչի ժ/պ,
• Տիգրան Գագիկի Խառատյան – Օտար լեզուների ամբիոնի ասիստենտ,
• Յուրա Իսրայելի Բեկնազարյան – ԿՈԱԳ բաժնի ավագ մասնագետ,
• Գեղամ Վոլոդյայի Գուլակյան – Ընդհանուր ֆիզիկայի, քիմիայի և կենսաբանության լաբորատորիայի վարիչ,
• Վարդիթեր Գուրգենի Պողոսյան – Արտակարգ իրավիճակների, մարմնակրթության և սպորտի ամբիոնի վարիչ,
• Արթուր Հենրիկի Վանեսյան – Արտակարգ իրավիճակների, մարմնակրթության և սպորտի ամբիոնի դասախոս,
•  Աիդա Ասիլբեկի Սարհատյան – Հայոց լեզվի և գրականության ամբիոնի դոցենտ,
• Մարիետա Ալբերտի Ճաղարյան – Բարձրագույն մաթեմատիկայի և ինֆորմատիկայի ամբիոնի ասիստենտ,
• Աստղիկ Վոլոդյայի Մինասյան – ՈՒԳՊԾԱ բաժնի ավագ տեսուչ,
• Կորյուն Գագիկի Մելիքսեթյան – Տնտեսական մասի վարիչ,
• Վեներա Յուրայի Գալստյան – ԱԿ բաժնի մասնագետ,
• Հասմիկ Վահրամի Մանթաշյան – հաշվապահ,
• Վարազդատ Խաժակի Նավոյան – Բարձրագույն մաթեմատիկայի և ինֆորմատիկայի ամբիոնի դոցենտ,
• Նարինե Նվերի Դավթյան – Բնական գիտությունների ֆակուլտետի մասնագիտական համակարգչային լաբորատորիայի վարիչ, «Ակունք» հանդեսի ձևավորող:

Մասնաճյուղի տասնմեկ աշխատակիցների արհբյուրոյի կողմից տրվեց դրամական օգնություն:

2013թ. նոյեմբերի 25-ին Երևանի պետական համալսարանի Իջևանի մասնաճյուղում տեղի ունեցավ շախմատի մասնաճյուղային առաջնություն, որին մասնակցում էր բնական գիտությունների, կիրառական արվեստի, հումանիտար գիտությունների և տնտեսագիտության ֆակուլտետներից 8 ուսանող:

Շախմատի մասնաճյուղային առաջնությունը կազմակերպել էր Երևանի պետական համալսարանի Իջևանի մասնաճյուղում արտակարգ իրավիճակների, մարմնակրթության և սպորտի ամբիոնի վարիչ Վ.Պողոսյանը:

Խաղերն անցկացվեցին օլիմպիական ձևով:

Առաջնությունում հաղթող ճանաչվեց Հումանիտար գիտությունների ֆակուլտետի «Պատմություն» մասնագիտության 4-րդ կուրսի ուսանող Արման Մատինյանը: