Սույն թվականի նոյեմբերի 22-ին, ԵՊՀ ԻՄ գրադարանում տեղի ունեցավ ցուցահանդես: Այն կազմակերպել էին Կիրառական արվեստի ֆակուլտետի ուսանողներն ու դասախոսները: Ներկայացված էին 40 ուսանողների 90-ից ավելի աշխատանքներ` գունանկար, գծանկար, կարպետ, գոբելեն, ասեղնագործ և խեցեգործական աշխատանքներ:

Կարդալ ավելին →

Նոյեմբերի 17-ին ամբողջ աշխարհը և Հայաստանը նշեց “Ուսանողների համաշխարհային օրը”: Այս տոնն ունի երկար տարիների պատմություն:
1939թ. Չեխոսլովակիայում Պրահայի ուսանողները և դասախոսները դուրս էին եկել ցույցի` նշելու Չեխոսլովակիայի ձևավորման տարեդարձը: Գերմանացի օկուպանտներն էլ փորձել են բռնի ուժով ցրել երթը, որի ընթացքում գնդակահարվել է ուսանող Յան Օպլետալը: Նրա թաղման արարողությունը վերածվել է բողոքի ցույցի: Նոյեմբերի 17-ի վաղ առավոտյան շրջափակվել է ուսանողական հանրակացարանը, ավելի քան 1200 ուսանողներ ձերբակալվել են, Չեխիայի բոլոր համալսարանները մինչև պատերազմի ավարտը փակված են մնացել: 2 տարի անց Լոնդոնում նոյեմբերի 17-ը սահմանվեց որպես Ուսանողների օր, իսկ 1946 թվականի նոյեմբերի 17-ին նույն Պրահայում կայացած Ուսանողների համաշխարհային կոնգրեսի ժամանակ այն վերջնականորեն ստացավ միջազգային տոնի կարգավիճակ: Կարդալ ավելին →

Սույն թվականի նոյեմբերի 17-ին, «Ուսանողների համաշխարհային օրը», ԵՊՀ –ում տեղի ունեցավ «Ուսանող – 2011» մրցանակաբաշխությունը: Այն արդեն 3-րդ տարին է անց է կացվում ԵՊՀ ՈՒԽ կողմից և նպատակ ունի խրախուսել բարձր առաջադիմություն և ներհամալսարանական ակտիվություն ցուցաբերած ուսանողներին:

Թվով 23 ուսանողներ ԵՊՀ բոլոր ֆակուլտետներից, կենտրոններից և Իջևանի մասնաճյուղից արժանացան «Ուսանող – 2011» կոչմանն ու պարգևատրվեցին ԵՊՀ ՈՒԽ մեդալով:

ԵՊՀ Իջևանի մասնաճյուղից այդ կոչմանն արժանացավ Բնական գիտությունների ֆակուլտետի «Կիրառական մաթեմատիկա և ֆիզիկա» մասնագիտության 3-րդ կուրսի ուսանող, ԵՊՀ ԻՄ ՈւԳԸ փոխնախագահ Սլավիկ Սամվելի Ալավերդյանը:

Նոր  ուսումնական տարին ԵՊՀ-ի Իջևանի մասնաճյուղում սկսվեց  մեկնարկային խորհրդակցությամբ:  Մասնաճյուղի տնօրեն Ս. Առաքելյանը նոր ուսումնական տարվա և այն  ազդարարող Գիտելիքի օրվա առթիվ ջերմորեն  շնորհավորեց  կրթօջախի դահլիճում հավաքված ուսանողներին ու պրոֆեսորադասախոսական կազմին` մաղթելով նրանց աշխատանքային խանդավառություն,  գիտական նոր ձեռքբերումներ,  բարձր կարգա­պահություն, կայուն  ու հարուստ գիտելիքներ,  ուսման որակի աննախընթաց բարձրացում: Այդ ամենի համար կրթօջախում ստեղծվել են բոլոր պայմանները.  նորոգվել-թարմացվել են լսարանները, ամբիոնները, հարստացվել  է գրադարանը, համակարգչային սրահը, գործում են նորաստեղծ երկու բուֆետները, բուժկետը,   և, ամենակարևորը, ստեծվում է  մասնա­ճյուղի   էլեկտրոնային կայքը, որի  նպատակն  ուսման  գործընթացին մեծապես  նպաստելն է. կայքում կտեղադրվեն դասախոսների դասախոսությունները, կրթական համակարգի հետ կապված տեղեկատվություն, համալսարանական առօրյան ներկայացնող ու լուսաբանղ հաղորդագրություններ , լուսանկարներ և այլն: Կարդալ ավելին →