Գնահատման և թեստավորման կենտրոնը հրապարակել է հեռակա ուսուցման քննական կենտրոնների ցանկը:

Քննական կենտրոնները 16-ն են՝ 6-ը մարզերում, 10-ը՝ մայրաքաղաքում:

Երևան քաղաքի քննական կենտրոններն են՝

թիվ 46 ավագ դպրոց,

թիվ 57 հիմնական դպրոց,

թիվ 118 ավագ դպրոց,

թիվ 135 հիմնական դպրոց,

թիվ 155 հիմնական դպրոց,

թիվ 168 հիմնական դպրոց,

թիվ 200 հիմնական դպրոց,

թիվ170 ավագ դպրոց,

թիվ189 ավագ դպրոց,

թիվ190 ավագ դպրոց,

Գեղարքունիքում՝ Գավառի թիվ5 ավագ դպրոց,

Շիրակում՝ Գյումրու թիվ 21 հիմնական դպրոց,

Լոռիում՝ թիվ 5 ավագ դպրոց,

Տավուշում՝ Իջևանի ավագ դպրոց,

Սյունիքում՝ Գորիսի թիվ3 հիմնական դպրոց և Կապանի թիվ 6 հիմնական դպրոց:

Հաստատվել են նաև հեռակա ուսուցման ընդունելության քննությունների օրերն ըստ առարկաների.

21.10.2022 թ.- «Քիմիա», «Ռուսաց լեզու»,

22.10.2022 թ.- «Հայոց լեզու և հայ գրականություն»,

23.10.2022 թ.- «Մաթեմատիկա»,

25.10.2022 թ.- «Օտար լեզուներ»,

26.10.2022 թ.- «Կենսաբանություն», «Աշխարհագրություն»,

27.10.2022 թ.- «Հայոց պատմություն», «Ֆիզիկա»։

Հեռակա ուսուցման ընդունելության քննություններն այս տարվանից կազմակերպում և անցկացնում է Գնահատման և թեստավորման կենտրոնը:

Համաձայն ընդունելության դիմում-հայտի՝ դիմորդը կարող է մասնակցել մեկ բուհի մինչև երեք մասնագիտությունների (կրթական ծրագրերի) վճարովի մրցույթին, որոնց համար սահմանված են ընդունելության միևնույն քննությունները։

Դիմորդները կարող են պահպանել տվյալ տարվա միասնական և տվյալ բուհի համապատասխան մասնագիտության (կրթական ծրագրի) համար հանձնած ներբուհական քննությունների դրական գնահատականները` իրենց ցանկությամբ:

Հեռակա ուսուցմաբ բուհ ընդունված դիմորդների ցուցակները հաստատվում են մինչև հոկտեմբերի 30-ը:

Աղբյուրը՝ https://escs.am/am: 

 ԵՊՀ Իջևանի մասնաճյուղում 2022թ. հոկտեմբերի 1-ին Ա. Հ. Մակարյանի նախագահությամբ կայացավ Գիտական խորհրդի նիստ՝ չորս օրակարգային և չորս ընթացիկ հարցերով:

Գիտխորհրդի նիստում հաստատվեցին ԵՊՀ ԻՄ–ի գիտական խորհրդի՝ 2022-2023 ուստարվա 1-ին կիսամյակի նիստերի ժամանակացույցը, 2022-2023 ուստարվա 1-ին կիսամյակի անվանական կրթաթոշակ ստացող ուսանողների ցուցակը, «Երևանի պետական համալսարան» հիմնադրամի Իջևանի մասնաճյուղի ուսանողական նպաստների, պետական և ներբուհական կրթաթոշակների հատկացման կանոնակարգը (նոր խմբագրությամբ), «Դեկորատիվ–կիրառական արվեստ» բակալավրի կրթական ծրագիրը:

Քննարկվեց ԵՊՀ ԻՄ–ի՝ 2023թ. առկա ուսուցմամբ ընդունելության բակալավրի մասնագիտությունների և կրթական ծրագրերի ցանկը՝ ՀՀ կառավարության կողմից հաստատվելիք ընդունելության տեղերի վերանայված քանակով:

Նիստում Կրթական բարեփոխումների և դասախոսների վերապատրաստման բաժնի՝ 2021-2022 ուստարվա գործունեության վերաբերյալ հաշվետվություն ներկայացրեց Կրթական բարեփոխումների և դասախոսների վերապատրաստման (ԿԲԴՎ) բաժնի վարիչ Ն․Գրիգորյանը: Զեկուցողը հանգամանորեն ներկայացրեց հաշվետու ժամանակահատվածում բաժնի կողմից իրականացված աշխատանքները՝ ըստ 5 ուղղությունների (ա. Փաստաթղթերի  մշակում  և  վերամշակում, բ. Վերապատրաստումներ, գ. Պարտադիր ատեստավորման ենթակա ուսուցիչների վերապատրաստումների կազմակերպում և իրականացում, դ. Հանդիպում–քննարկումներ, ե. Կրթական ծրագրերի վերանայումներ):

Գիտխորհրդի անդամների կողմից եղավ առաջարկ, որ առցանց ուսուցման Moodle համակարգին լիարժեք տիրապետելու նպատակով ԿԲԴՎ բաժինը  վերապատրաստվել ցանկացող դասախոսների համար ևս մեկ անգամ կազմակերպի «Աշխատանք վիրտուալ  կրթական  միջավայրում» դասընթացը:

Այդ կապակցությամբ Գիտական խորհրդի նախագահ, տնօրենի պաշտոնակատար Ա.Մակարյանը նշեց, որ ստացվել է ԵՊՀ ուսումնական աշխատանքների գծով պրոռեկտոր Է.Ասրիյանի շրջաբերականը՝ ուղղված ԵՊՀ բոլոր դասախոսներին՝ սահմանված ժամկետներում e-learning հարթակում անհրաժեշտ ուսումնական նյութերը ներբեռնելու վերաբերյալ: Մասնաճյուղի տնօրենի կողմից կիջեցվի շրջաբերական-հրաման, ըստ որի՝ ԵՊՀ ԻՄ-ի պրոֆեսորադասախոսական անձնակազմի ներկայացուցիչներին կտրվի մեկ ամիս ժամանակ (մինչև ս.թ. նոյեմբերի 1-ը) ԵՊՀ-ի e-learning հարթակում լիարժեք տեղադրելու իրենց կողմից դասավանդվող դասընթացների վերաբերյալ նյութերը՝ օրացուցային-թեմատիկ պլաններով, հանձնարարվող գրականության ցանկերով, հարցաշարերով, ինքնուրույն աշխատանքի հանձնարարություններով և անհրաժեշտ այլ բաղադրիչներով հանդերձ:

Կրթական բարեփոխումների և դասախոսների վերապատրաստման բաժնի՝ 2021-2022 ուստարվա գործունեությունը գնահատվեց բավարար:

Փոփոխություն կատարվեց ԵՊՀ ԻՄ–ի գիտական խորհրդին կից որակի կառավարման մշտական հանձնաժողովի կազմում, մասնավորապես՝ հանձնաժողովի ուսանող–անդամ Հայարփի Հովսեփի Վանեսյանի փոխարեն հանձնաժողովի կազմում հաստատվեց «Հոգեբանություն» կրթական ծրագրի 2-րդ կուրսի ուսանողուհի Միլենա Կարենի Վարդանյանը:

Կատարվեցին փոփոխություններ ԵՊՀ ԻՄ–ի՝ 2021թ․ նոյեմբերի 30-ի 55/2 որոշմամբ հաստատված ԵՊՀ ԻՄ–ում հետազոտական աշխատանքների պատրաստման և գնահատման կարգում:

Իրականացված փոփոխությունները հիմնականում վերաբերում էին հետազոտական աշխատանքի արդյունքը տվյալ դասընթացի արդյունարար գնահատականում որպես 2 ընթացիկ քննություններից երկրորդի գնահատական հաշվի առնելուն, հետազոտական աշխատանքի գնահատման չափանիշներին, մասնավորապես՝ աշխատանքի բանավոր ներկայացման պարտադիր պահանջին, դասընթացը վարող դասախոսի հայե­ցո­ղու­թյամբ այլ դասախոս­ների մասնակցությամբ հետազոտական աշխատանքը գնահատելուն, հետազոտական աշխատանքի վերահանձնումը բացառելուն և այլն:

 Օրերս տեղի ունեցավ Եգիպտահայ ընկերակցության «Մաշտոց» հիմնադրամի հովանավորներից Արևմտյան թեմի բարերար Վարուժան Ալթըպարմաքյանի  հետ ԵՊՀ ԻՄ-ի 65 ուսանողի հանդիպումը։ 

Հանդիպմանը մասնակցել են Տավուշի թեմի առաջնորդ Գերաշնորհ Տեր Բագրատ եպիսկոպոս Գալստանյանը, Տեր Արամ քահանա Միրզոյանը, Տավուշի թեմի մի շարք աշխատակիցներ և ԵՊՀ  ԻՄ-ի արտաքին կապերի բաժնի մասնագետ  Ս․Գալստյանը։

Հիշեցնենք, որ 2021-2022 ուստարվա 2-րդ կիսամյակի համար Հայաստանյայց Առաքելական Սուրբ Եկեղեցու Տավուշի թեմը Եգիպտահայ ընկերակցության «Մաշտոց» հիմնադրամի Արևմտյան թեմի բարերարներ Վարուժան Ալթըպարմաքյանի, դոկտոր Պարլո Տեր-Մկրտիչյանի և Իշխան Պայրաթտարյանի  աջակցությամբ ԵՊՀ ԻՄ-ի 65 ուսանողի տրամադրել է կրթաթոշակներ 100 հազարական դրամի չափով։

Արևմտյան թեմի բարերար Վարուժան Ալթըպարմաքյանը ծանոթացավ ուսանողների հետ, ներկայացրեց իր կյանքի փորձը, պայքարելու, խոչընդոտները հաղթահարելու ձգտումը, իր անցած ուղին, կրթությունը, կամավորական աշխատանքները։

Ուսանողները բավականին տպավորված էին բարերար Վարուժան Ալթըպարմաքյանի հետ հանդիպում-քննարկումով, որն ավարտվեց կրկին հանդիպելու ակնկալիքով։