ԵՊՀ Իջևանի մասնաճյուղը հայտարարում է 2020-2021 ուստարվա մագիստրատուրայի հեռակա ուսուցման ընդունելություն՝ «Ընդհանուր մանկավարժություն» մասնագիտության «Դպրոցական մանկավարժություն և մեթոդիկա» կրթական ծրագրով։

Հեռակա ուսուցման ձևով ԵՊՀ ԻՄ-ի մագիստրատուրա մրցութային կարգով կարող են ընդունվել ՀՀ պետական և ըստ մասնագիտությունների հավատարմագրված ոչ պետական բարձրագույն ուսումնական հաստատությունների բակալավրի կամ դիպլոմավորված մասնագետի որակավորում ունեցող շրջանավարտները։ Օտարերկրյա քաղաքացիների ընդունելությունը կատարվում է հարցազրույցով։

Ընդունելության մրցույթին մասնակցելու համար դիմում-հայտերը ընդունվում են ս.թ. սեպտեմբերի 10-ից մինչև հոկտեմբերի 12-ը: Ընդունելության քննություններն անցկացվելու են ընթացիկ տարվա հոկտեմբերի 19-21-ը։ Ընդունող հանձնաժողովը կաշխատի սեպտեմբերի 10-ից՝ ժամը 10։00-ից 16։00-ն։ Փաստաթղթերը կարելի է ուղարկել ephimmkpk@gmail.com էլեկտրոնային հասցեին կամ ներկայացնել ԵՊՀ ԻՄ-ի ընդունող հանձնաժողով (հասցե՝ Ուսանողական 1): Ընդունող հանձնաժողովը կաշխատի սեպտեմբերի 10-ից՝ ժամը 10։00-ից 16։00-ն։

ՈՒՇԱԴՐՈՒԹՅՈՒՆ.

Դիմում-հայտն առցանց լրացնելուց  առաջ  պետք  է նախօրոք ունենալ վերոնշյալ փաստաթղթերի էլեկտրոնային տարբերակները (բնօրինակները)։ Բնօրինակն առցանց կցվում է, իսկ ընդունվելուց հետո ներկայացվում է ընդունող հանձնաժողովին։

Լրացուցիչ տեղեկություններ կտեղադրվեն ԵՊՀ ԻՄ-ի պաշտոնական կայքէջի Դիմորդ» բաժնում։

2020-2021 ուստարվա հեռակա ուսուցման ընդունելության համար անհրաժեշտ փաստաթղթերը

1. Դիմում-հայտ (դիմում-հայտի օրինակը տե՛ս այստեղ)
2. Բարձրագույն կրթության դիպլոմի և հավելվածի բնօրինակները
3. Ինքնակենսագրություն
4. 4 լուսանկար (3×4 սմ չափսի)
5. Զինվորական գրքույկի բնօրինակը (առկայության դեպքում)
6. Անձնագիր
7. Ընդունելության ծառայությունների համար գանձվող 1000 դրամ վճարելու վերաբերյալ անդորրագիր։

Մագիստրատուրայի ընդունելության կարգին կարող եք ծանոթանալ այստեղ։ 

Մագիստրատուրայի ընդունելության քննության հարցաշարին կարող եք ծանոթանալ այստեղ:

Ուսման տևողությունը 1.5 տարի է:

Հասցեն` Տավուշի մարզ, քաղաք Իջևան, Ուսանողական 1:

Կայքէջ՝ ijevan.ysu.am

Մանրամասն տեղեկությունների համար կարող եք զանգահարել ԵՊՀ ԻՄ-ի ՄԿՊԿ բաժնի վարիչ Լ.Բեգինյանին (094 032 112) կամ նույն բաժնի տեսուչ Վ.Աղաբաբյանին (096 987 654 /Viva Cell/, 096 557 556 /Beeline/):

ԵՊՀ Իջևանի մասնաճյուղը հայտարարում է 2020-2021 ուստարվա հեռակա ուսուցման ընդունելություն՝ հետևյալ կրթական ծրագրերով.

• Տարրական մանկավարժություն և մեթոդիկա,
• Պատմություն,
• Հայոց լեզու և գրականություն,
• Ֆինանսներ (ըստ ոլորտի),
• Հոգեբանություն,
• Ինֆորմատիկա և կիրառական մաթեմատիկա,
• Զբոսաշրջություն:

Ընդունելության մրցույթին մասնակցելու համար դիմում-հայտերն ընդունվում են ս.թ. սեպտեմբերի 10-ից մինչև 30-ը (սեպտեմբերի  30-ին՝ մինչև ժամը 18։00-ն): Փաստաթղթերը կարելի է ուղարկել ephimmkpk@gmail.com էլեկտրոնային հասցեին կամ ներկայացնել ԵՊՀ ԻՄ-ի ընդունող հանձնաժողով (հասցե՝ Ուսանողական 1)։  Ընդունող հանձնաժողովը կաշխատի սեպտեմբերի 10-ից՝ ժամը 10։00-ից 16։00-ն։

ՈՒՇԱԴՐՈՒԹՅՈՒՆ.

Դիմում-հայտն առցանց լրացնելուց  առաջ  պետք  է նախօրոք ունենալ վերոնշյալ փաստաթղթերի էլեկտրոնային տարբերակները (բնօրինակները)։ Բնօրինակն առցանց կցվում է, իսկ ընդունվելուց հետո ներկայացվում է ընդունող հանձնաժողովին։

Լրացուցիչ տեղեկություններ կտեղադրվեն ԵՊՀ ԻՄ-ի պաշտոնական կայքէջի «Դիմորդ» բաժնում:

2020-2021 ուստարվա հեռակա ուսուցման ընդունելության համար անհրաժեշտ փաստաթղթերը

1. Ավարտական փաստաթուղթ (ատեստատ կամ դիպլոմ` միջուկի հետ)։
2. 4 լուսանկար (3×4 սմ չափսի)։
3. Անձը հաստատող փաստաթուղթ։
4. Վճարելու վերաբերյալ անդորրագիր։ Փաստաթղթերի ընդունման և ձևակերպման համար 1500 դրամ և ևս 1500 դրամ ընդունելության քննություն հանձնելու դեպքում։ Վճարումը պետք է կատարել ըստ ստորև ներկայացվող աղյուսակի։ Անկախ քննության արդյունքից վճարված գումարը չի վերադարձվում։

ՈՒՇԱԴՐՈՒԹՅՈՒՆ.

Վերոնշյալ տվյալների (հատկապես դիմորդի անուն, ազգանուն, հայրանուն), բացակայության դեպքում վճարման կտրոնը կհամարվի անվավեր:

5. Միասնական քննության դրական գնահատականը պահպանելու դեպքում այն հավաստող փաստաթուղթ (ԳԹԿ վկայագիր, որը տրամադրում է դպրոցը)։
6. Զինվորական գրքույկ (1-4-րդ էջերը) կամ զինվորական կոմիսարիատից տեղեկանք ժամկետային զինվորական ծառայությունն անցնելու մասին (առկայության դեպքում)։

Ընդունելության մասնագիտությունները, քննությունները, տեղերը և վարձաչափերը տե՛ս այստեղ։

Դիմում-հայտի ձևը տե´ս այստեղ։

Ուսման տևողությունը 5 տարի է:

Հասցեն` Տավուշի մարզ, քաղաք Իջևան, Ուսանողական 1:

Կայքէջ՝ ijevan.ysu.am

Մանրամասն տեղեկությունների համար կարող եք զանգահարել ԵՊՀ ԻՄ-ի ՄԿՊԿ բաժնի վարիչ Լ.Բեգինյանին (094 032 112) կամ նույն բաժնի տեսուչ Վ.Աղաբաբյանին (096 987 654 /Viva Cell/, 096 557 556 /Beeline/):

 Սիրելի՛ առաջին կուրսեցիներ, ի սրտե շնորհավորում եմ ձեզ սեպտեմբերի 1-ի՝ Գիտելիքի և դպրության օրվա ու նոր ուսումնական տարվա մեկնարկի կապակցությամբ:

Սկսվում է ձեր կյանքի ամենակարևոր փուլերից մեկը. մի՛ մոռացեք, որ նաև ձեր հիմնարար և արդիական կրթությունից է կախված ձեր ու Հայաստանի ապագան ու բարեկեցությունը: Դուք այն սերունդն եք, որ համավարակի այս դժվարին օրերին կարողացավ հաղթահարել իր առջև դրված խնդիրները և իրագործել բուհ ընդունվելու երազանքը:

Նորեկ համալսարանականներիդ մաղթում եմ նպատակասլացություն ու ողջամտություն, որպեսզի ստանալով գիտելիքներ, ձեռք բերելով հմտություններ և կարողություններ՝ ԵՊՀ-ն ավարտելուց հետո կարողանաք գտնել ձեզ համար հետաքրքիր աշխատանք՝ ապացուցելով, որ համալսարանում անցկացրած տարիները եղել են արդյունավետ ու բովանդակալից։

Հիշե՛ք, որ համալսարանական լինելը ոչ միայն մեծ պատիվ է, այլև մեծ պատասխանատվություն. թող որ տարիներ անց կարողանաք հպարտությամբ ասել՝ «Ես համալսարանական եմ»։

  Տասնամյակներ շարունակ ուսումնական տարվա սկիզբն ազդարարող Գիտելիքի օրվան բոլոր ուսանողները, պրոֆեսորադասախոսական ողջ կազմը սպասել են սրտի անհուն թրթիռով, և հանդիպումը դարձել է տոնական շքեղ իրադարձություն հատկապես առաջին կուրսեցիների համար. չէ՞ որ իրականություն են դարձել 12 երկար տարիների նրանց երազանքները…

Ուրեմն՝ իմ ջերմագին շնորհավորանքները նախ ձե՛զ՝ ԵՊՀ իջևանի մասնաճյուղ ընդունված առաջին կուրսեցինե՛ր, ձե՛զ, որ բռնել եք հենց մե՛ր բուհի ճանապարհը, եկել՝ կյանք տալու ձեր բոլոր նվիրական ցանկություններին ու մտահղացումներին:

Թո՛ղ բարի լինի ձեր մուտքը մեր կրթօջախ, թո՛ղ որ այստեղ՝ հանրապետության լավագույն բուհերից մեկում, գիտության ու կրթության լույսը ձեզ մղի գիտական որոնումների, մասնագիտական ինքնատիպ մտահղացումների, թո՛ղ որ առավել ակտիվ հասարակական դիրքորոշում ունենաք՝ ազնիվ, անշահախնդիր ու համարձակ, ու նաև ձեր շնորհիվ ու մասնակցությամբ ստեղծվի համալսարանական բարձրակարգ միջավայր: 

Ափսոսանքով ավելացնեմ, որ ձեզ հայտնի պատճառները մեզ թույլ չտվեցին այս հիշարժան օրը նախորդ տարիների պես նշանավորել տոնական միջոցառումներով… Բայց  մեր համալսարանն ունի հարուստ ավանդույթներ, և ես  համոզված եմ, որ ձեր մեջ շնորհալի շատ ուսանողներ կան, որոնք մեր կրթօջախում հաճախակի կազմակերպվող բազմաբովանդակ միջոցառումներին իրենց մասնակցությունը կբերեն և գեղագիտական բավականություն կպատճառեն բոլորիս…

Համոզված եղեք, որ ձեր ուսանողական տարիները կլինեն գիտական առումով բարձր գիտելիքների ձեռքբերման տարիներ, անձնական առումով` անհատական նոր հետաքրքրությունների ու հույզերի, անմոռաց հիշողությունների տարիներ… Դուք կդառնաք պահանջված մասնագետներ  ու  բարձր կպահեք մասնաճյուղի անունն ու  պատիվը…

Դարձյալ շնորհավորում եմ նոր ուսումնական տարվա և Գիտելիքի օրվա առթիվ, մաղթում ամենայն բարիք, նպատակասլացություն, ազնիվ աշխատանք,  մասնագիտական հաջողություններ ու ձեռքբերումներ ուսմնառության ընթացքում և անձնական կյանքում…

ԵՊՀ Իջևանի մասնաճյուղի տնօրենի պաշտոնակատար,

ֆիզ.մաթ. գիտ. թեկն., դոցենտ Անուշավան Մակարյան

 ԵՊՀ ԻՄ-ի պաշտոնական կայքէջում՝ «Որակի ապահովման գործընթացներ» բաժնում, տեղադրվել են Մասնագիտական կրթության որակի ապահովման  բաժնի կողմից անցկացված` 2019-2020 ուսումնական տարում ԵՊՀ Իջևանի մասնաճյուղում իրականացված առցանց դասընթացներից ԵՊՀ ԻՄ-ի պրոֆեսորադասախոսական կազմի բավարարվածության հարցման արդյունքները և ուսանողների պատասխանների հետ դրանց համեմատական վերլուծությունը:  

Հարցումը նպատակ ուներ պարզելու, թե 3-ամսյա առցանց կրթության ընթացքում ինչքանով է դասախոսներին հաջողվել իրականացնելու իրենց առջև դրված խնդիրներն ու նպատակները, ուսանողներին ներգրավել առցանց ուսուցման գործընթացում, ինչ չափով է արդյունավետ եղել առցանց ուսուցումը և ինչպիսի կազմակերպական, տեխնիկական ու անձնային խնդիրներ են ծագել այդ ժամանակահատվածում:

Մասնաճյուղի 10 ամբիոնների ծանուցված 148 դասախոսներից հարցմանը մասնակցել է 93 դասախոս (63%-ը):

Առցանց կրթությունից բավարարվածության` ուսանողների շրջանում անցկացված հարցման արդյունքները Որակի ապահովման բաժինը արդեն վերլուծել և ներկայացրել էր մասնաճյուղի ներքին և արտաքին շահակիցներին. դրանք տեղադրված են մասնաճյուղի պաշտոնական կայքէջում (http://old-ijevan.ysu.am/wp-content/uploads/2015/12/Hashv_arcanc_us_2020.pdf, http://old-ijevan.ysu.am/wp-content/uploads/2015/10/Ardjunqner_arcanc_us_2020.pdf):

Նշենք, որ դասախոսական և ուսանողական հարցումները կատարվել են նույն հարցերի շուրջ, որպեսզի հնարավոր լինի պարզելու դրանց վերաբերյալ դասախոսների և ուսանողների դիրքորոշումը և կատարելու համեմատական վերլուծություն: Այլ խոսքով՝ դասախոսների կարծիքներն ու առաջարկները ևս ձևավորվել են հետևյալ հիմնահարցերի շուրջ՝ «Ուսանողների ներգրավվածությունը առցանց դասընթացներին և կիրառվող տեղեկատվական հարթակները», «Անհրաժեշտ գիտելիքների և մասնագիտական կարողությունների ձեռքբերումը», «Ուսումնական նյութերի աղբյուրները և ռեսուրսները», «Ընթացիկ ծանրաբեռնվածությունը և գնահատումը», «Քննությունների անցկացման մեթոդները և ակադեմիական ազնվության պահպանումը»:

Վերլուծության մեջ նախ ներկայացվել են դասախոսների կարծիքները դիտարկվող հարցի վերաբերյալ, ընդ որում՝ ըստ առանձին ամբիոնների, որպեսզի յուրաքանչյուր ամբիոն կարողանա այդ արդյունքներից դուրս բերել իր խնդիրները, ապա ներկայացվել են ուսանողների ընդհանուր կարծիքները համեմատության մեջ:

Ամփոփելով հարցման արդյունքները՝ արձանագրվել է, որ մասնաճյուղում հաջողվել է արդյունավետ իրականացնել առցանց ուսուցում, ապահովել  գիտելիքի և մասնագիտական կարողությունների փոխանցում, ուսանողի ձեռքբերումների գնահատում և այլն:

Հարցմանը մասնակցած բոլոր դասախոսները (100%-ը) փաստել են, որ բավարարված են մասնաճյուղում առցանց ուսուցման կազմակերպումից։ Ուսանողների գերակշիռ մասը՝ 84,4%-ը, նույնպես բավարարված էր մասնաճյուղում առցանց ուսուցման կազմակերպումից։ Ընդ որում՝ դասախոսների 86%-ը նշել է, որ բավարարված է հիմնականում կամ ամբողջությամբ այն դեպքում, երբ ուսանողների միայն 42%-ն է այդ կարծիքին, և նրանց մյուս 42%-ը բավարարված է մասամբ:

Դասախոսները որպես առցանց ուսուցման դրական կողմեր նշել են միասնական հարթակի առկայությունը և հետևողականությունը, պատշաճ կազմակերպվածությունը, օպերատիվությունը, աջակցությունը, ուսանողների ճանապարհատրանսպորտային խնդիրների բացակայությունը, որը նրանց հնարավորություն է տալիս ավելի շատ ներգրավվել դասերին և այլն:

Որպես բացասական կողմ դասախոսներն առանձնացրել են տեղեկատվական համակարգերից օգտվելու ցուցումների թերի լինելը, ZOOM-հղումների համընկնումը, չափից շատ հետևողականությունը, մի քանի անձանց կողմից վերահսկողությունը, hղումների հաճախակի փոփոխությունները, ակադեմիական միջավայրի բացակայությունը, շուրջօրյա ծանրաբեռնվածությունը, թույլ կապը, տեղեկատվական տեխնոլոգիաներին անբավարար տիրապետումը և այլն: Դասախոսների կողմից նշված առցանց ուսուցման ամենաբացասական կողմն, իհարկե, մարդկային շփումի բացակայությունն է:

Նշենք, որ դասախոսների 26,5%-ն առցանց ուսուցման կազմակերպման գործընթացում թերություններ չի արձանագրում: Այդուհանդերձ, օրինակ, ուսանողների մի մասի կողմից առցանց ուսուցումից չբավարարված կամ ոչ լիարժեք բավարարված լինելու հանգամանքը խոսում է այն մասին, որ անհրաժեշտ է նախ և առաջ վերհանել առցանց կրթությունից ուսանողների բավարարված չլինելու հստակ պատճառները: